I Versetti Biblici più popolari da Luc 6

Condividi

Va-vau skwai, a ta da va kinè skwai. A ta liva kinè amba, a ta erɗaʼa, a ta gidèʼa, aman a zhüvahi a ri kinè. Aman a skwi man kin livè a vna, ta da livè a kinè ba.

Ndo man amba a cko skwi man amba auda te ndav nengaʼa man amba. A ndo man ambaɓai a cko skwi man ambaɓai auda te ndav nengaʼa man ambaɓai. Skwi man a nʼndha te ndav, a gaɗkaɗauda te ma.

Aman va-woy ndohi mayamhi kinè, va-gu skwi man amba, vava ta skwi a nslembelom a ndohi man kin hur ɓai, nga ngècè mbiaʼa a deɓa. A skwi ntul kinè a gi a mbiaʼa te zhiklè, a ta da baha kinè wudahi Zhiklè te géɗèʼa. Ndohi man ta shid gèɗ azɓai, a ndohi ambaɓihiaʼa ta si Zhiklè te va genè.

Anai, ndo da se kinè te va, lèmèlèmè ara ndohi ta si Zhiklè, Bab kinè, te va.

Kin bazla na mali a gèɗ a ndo ngiɗè ɓai, a Zhiklè a da bazla kinè mali a gèɗ kinè azɓai. Kin pa na mali a gèɗ ndo ngiɗè ɓai, aman Zhiklè a da pa kinè mali a gèɗ azɓai. Va-pra ta mali a ndohai, a ta da pre kinè.

Aman kinè, man kin tsena ma ga, i gaɗa kinè: Va-woy ndohi mayamhi kinè a ndav kinè! Va-ga ta skwi man amba a ndohi man ta ga kinè shèwa! Ndohi man ta phomde kinè, va-pshè ta ma! Vatsu rai a géɗ ndohi man ta derde kinè.

A skwi man kin woya ndohi ta ga kinè, va-ga ta tengaʼa lèmèlèmè.

Man ndo a tsama ka bazlazlam, ngwoda na civèɗ ngiɗè! Ndo man a cèma ka dawar ngaya, va na ntʼhwaɗaʼa a vaʼa! Ndo man a jhèdè skwi a sam ngaya, va na! Ndo man a ngezlama ka skwi ngaya, jèka na!

Wof man amba a yi wuda nengaʼa ambaɓiaʼa azɓai. A wof man ambaɓai a yi wud man amba azɓai.

Aman ta sun wof staɗ staɗ tèlèba te nyi na. Ta ngècè vatak te wof kslor azɓai, a ta ndi kslor te wandar azɓai.