I Versetti Biblici più popolari da Luka 6

Condividi

Jǝ́ nǝ nǝbɔ, jen tʌjen Kwaama nǝ jen nǝ. Nǝ jen a yii kʌshi sʊwatǝmɔ, ja mǝg, ja bǝm a mʊl tǝla lɛ, tangǝnɔ jǝ sʊta jǝ tal jem a nyiyo bɛllɛ. Kʌshi nɨ jǝ́ sʊwamɨ, jǝ sʊwa jem nǝn tʌjen.”

Nǝ nya gǝ maa kanjǝl nɨ a bʊmɨ, a kanjǝl bʊmɨ nɨ a yʊ a mʊgɔ nǝl gǝnɨ. Bwɨlang nǝfili gǝ maa kanjǝl nɨ a bʊm bɨɨ, kanjǝl nɨ a yʊ nǝl gǝnɨ a bʊm bɔ. Jʊ a mʊgɔ nǝlɨ nǝn gɔ jel lɛ a nyiyoi.

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Ya jǝ́ ji bʊnǝn nǝfitʌmi lɛ kanga Tɨya jen ji bʊnǝn nǝbɨɨ lɛɨ.

“Bɛ ka jǝ́ mwatɨ lɛ borang, jen tʌjen mɨsɔ jǝ mwatɨ jem borang lɛ. Bɛ ka jǝ́ tuwo lɛ nǝl nǝn bwɨlang jǝl, jen tʌjen mɨsɔ jǝ tuwo jen nɛ. Bɛ jǝ́ kǝlǝm nǝbɔ gǝm, jen tʌjen jǝ kǝlǝm jem kǝlǝm.

“Mǝ sʊwa jen nɛ, jǝ́ nǝb nɨ jǝ́ nyʊwa ɨ lɛɨ, jǝ́ swɨ nǝb kiim jenɔ, jǝ́ maa nǝb nɨ kɔ jen nɛɨ gǝm jǝ nya. Nǝb nɨ a lag jeni, jǝ́ dǝg jim bwili. Nǝb nɨ nǝ jen gaalan nɛɨ jǝ́ maa jim keli.

Jǝ́ maa nǝbɔ gǝm kanga jǝ́ swɨ lɛ ja maa jemi.

Na kaa nǝl a jǝga ń a tangǝlɨ, yǝla gǝm a wini. Na kaa nǝl a yem bɛllɛ dʊʊn mʊnɨ, jǝg bɛ gǝnɔ a mʊgɔɨ nǝ gǝn tʌgo. Na nǝl a kela ń jǝlɨ, nǝ gǝn. Na nǝl a yem mʊn jǝlɨ, ka ń sʊwa lɛ mɔʊ a yǝla a nǝ ń tʌgo.

“Tɨya nyagɔ mɨ gǝ tʊʊ tʊʊl bwɨla lɛ. Tɨya bwɨlagɔ tǝgǝn mɨ gǝ tʊʊ tʊʊl nya lɛ.

Bǝ nyǝm tɨyagɔ nǝn tʊʊl gǝn. Mɨsɔ jǝ jǝg dʌfeng lɛ a tɨya shola. Mɨsɔ jǝ jǝg tʊʊl fogfogi lɛ a kʊm nabǝrnabǝrɨ.