I Versetti Biblici più popolari da Mateo 28

Condividi

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho! Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Oun o bolepaskro penas ap kol djouvyende: “Ma darenn! Me djinau, te rodenn t'mer o Yezouses, kay ap o troushel dino vas. Yob hi gar kate. O Devel kras les i moulendar djido, yaake har yob penas. Avenn oun dikenn, kay yob čiddo his!

Koy penas o Yezous ap lende: “Ma darenn! Djan pash mire phralende oun penenn lenge, te djan le an o them Galilea! Oun kote dikenn le man pale.”

Oun i bare rashaya dan i biboldengre phoureden khetne gole, oun kran lentsa vin, te denn le kol lourden boud love. Oun yon penan ap kol lourdende: “Penenn i menshenge: Leskre mala čoran les an i rat, har mer sovam. O themeskro ray, te shounell lo kova, palle penah mer leske, te anan t'mer an ko koova kek doosh ap t'mende. Yaake hounte trashenn t'mer gar lestar.” Oun kol lourde lan kol love, oun kran kova yaake, har i pralstoune lenge penan. Oun ko rakepen djal gomme kava dives mashkral i biboldende trouyel.