I Versetti Biblici più popolari da लूका 6

Condividi

आपा म्हणजे तुमामे पण आपलोम आवे मांहे माप दाबीन-दाबीन अने आलाडीत अने हिग पोईत तुमाआ पोदर कालतेहे काहाके ज्या मापोवांही तुमु आपाहा तियाआ मापोवांही तुमामे पण आप्लु जाइअलो.

हाजू माहुहू आपाआ मोनोमेहे हाजा भांडारामोरोत हाजा गोठी काडत्लू अने वाईट माहुहू आपाआ मोनोमेहे वाईट भांडारामोरोत वाईट गोठी काडत्लू काहाके जे मोनामे पाअये होय तोज सोबिम येत.

पोन आपाआ दुष्मनापो प्रेम को अने हाजो को अने फासी जोडीला आशा तोहुं नाहा, अने उध्दार दया; अने तुमा कोअता वोडो फोल होय अने तुमु परमप्रधानो पोऱ्ये ठराविलो काहाके तो तियापो जे तियाआ आभार मानणारु नाहा अने वाईटापो पण दयालु होय

जेहलो तुमाआ बाह्हू दयालु होय तेहलूज तुमु पण दयालु व्हा.

दोष लागाडहु नाहा, काहाके तुमापो पण दोष लागाड्यू जानारू नाहा दोषी ठेरवूहू नाहा, म्हणजे तुमामे पण दोषी ठेरव्यो जानारू नाहा दिहराहा क्षमा को म्हणजे तुमामे पण क्षमा कोअयी जाइअलो.

पोन आय तुम्हाआ होमलिनाराहा कोत्लू का आपाआ दुष्मनापो प्रेम को; जो तुमाआ दुश्मन होय तियाआ हाजो को. जो तुमामे शाप आपी तियाहा आशीर्वाद दया, जो तुमामे बदनाम कोअत्लू, त्याकोता प्रार्थना को.

जेहलो तुमामे लागेहे का मांहे तुमाआरी कोअनारू तुमु पण त्याआरी तेहलूज को.

जो ताआ एक गालोपो थापोड देही आगाडी दिहरू गाल पण आगाडी को; अने जो ताआ डोगलो सांडाडत्लू तियाहा बनियन ए घेऊन जाहु विरोध कोहू नाहा. जो कोडु ताअही मांगनारू तियाहा आप; अने जो ताआ वस्तु मागित लेही त्यापोरोत मागहु नाहा.

कोडलो हाजो साड नाहा, जो बेन कामोओ फोल लेतावणारू एन कोडलो बेन कामोओ साड नाहा जे हाजो फोल लेतआविही.

हर एक साड आपाआ फलोपारोत ओलख जाहो काहाके मांहे काटाआ साडोपरोत अंजीर तोडीत नाहा अने बोराआ साडोपरोत द्राक्ष तोडीत नाहा.