I Versetti Biblici più popolari da Lucas 12

Condividi

Xaq keje yix lik chiyijb'a ni iwib', man pacha Winaq chi Xolalaxoq chwach Ulew, kk'un na are nti kich'ob' che —xcha i Jesús chke.

Rumali, lik chitzukuj i ajawinik re i Dios, te'uri ire kuya ni chiwe wach taq rajwaxik chiwe. Keje xcha i Jesús ile chke utijoxelab'.

Te'uri xub'ij chke konojel: —Chi'ana kwent, moqxa ki'an che iwib' chi xa ix ajrayinel, xa ix molonel re ub'itaq iwe; man rumal ti uk'iyal ub'itaq iwe le o ik'aslemal saqil —xcha.

Keje chi'ana ile, man ipa o wi ib'eyomal, chila uri o wi ukub'ib'al ik'ux. Keje xcha i Jesús ile chke utijoxelab'.

We to' kik'achirsaj iwib' nti kuchakuj uri. Mijun chiwe ktiki chuk'iyarsaxik i ij re uk'aslemal tupu lik kk'achir che.

Te'uri i Jesús xub'ij chke utijoxelab': —Rumali mixk'achir che ik'aslemal, mixk'achir che wach i kitijo tzuqb'al iwib', xaq mixk'achir che i'u' chi kikojo ch'uqb'al iwij.

Xaq keje yix, i Dios lik kixuchajij. Ire is rajlam ni'pa iwi o che ijolom. Mixij iwib' uri; yix mas o ni i'ij chkiwach uk'iyal i tz'ikin —xcha i Jesús chke.

Te'uri xub'ij chke: —Mixij iwib', ix ral taq intzob'ajil, yix ix ti k'i. Xwiri i Ta chikaj kraj kuya chiwe chi kixok che i ajawinik re Ire.

Chich'ob'o ut wach kki'an i joj: Ike, nti kkitiko xaq nti kkimolo, xaq nti k'ijib'al pa kik'ol wi ija. Tupu kki'an taj, i Dios keutzuqu. Xwiri yix lik mas ni nim i'ij chkiwach ike.

We keje ku'an i Dios ile, mixk'achir uri chutzukuxik wach i kitijo xaq wach i kitu'u.

Keje ku'an i Dios ile chke i kotz'ij pa taq es, chi xa keb' oxib' ij k'aslik: Wo'or k'aslik, xwiri chweq kk'atsax pa a'. Ire kuya i chom laj u'u' i ral kotz'ij le ¿Xatab'a kuya ti uri iwe yix? Kuya'o. ¡Xwiri yix lik o rajwaxik ukub'ib'al ik'ux che i Dios!

Man ni'pa k'amaja k-aljinik k-aljinsax na, xaq ni'pa i uwam uwach k-etamax na man kel chisaq.