I Versetti Biblici più popolari da Matoose 13

Condividi

Modhe saha ayluttasi Wonto kato siidi gaxxhi ekke axuko. Ye e bisha axitaafa bidzi bidziti xhiixe fediti izzuppi tamme fediti haydzi tammi aafe yeysiko u kaxhe>> yeydi e hido.

Anke dhudha gidda ayluttasi Wonto kato woggasewo siine axuko. Ha saha maxowara wodunte eehaaray e muxhurowa kundi kato u gite, aafe kaxhuwasani e maaqe.

Oge da'aa unda mor'ey Wonto kaatete gisha ohutta kato siidi gaxhuwa axuko. Iita Humbayey ukkena yoodiko e muxhurowa ayluttecha Wonto kato e ekke.

Qaaqa ayluttasi Wonto kato siidi yenniyawo maggana ekke axuko. Maaqe baaka woggasewo baaka xhabho keenguwasso. Wonto kato gisha maddhay oo'oyne goodoy maaddhako ukkenawoko dhumutti e unge.

Sekkeni Yesuusay <<Afa kaatetey woota giddaa aachutti yese danda'uttuwa laga miijheko e bishe. Bidzi axi ye miijhe degessechine yaha dhaddi be maddosuna be keengichosha handi uddinawo zal'i ye gate e woondo>> yeydi e hido.

Fede mor'eni modhe saha aylutti mudhi laga aafe e kaxxho. Badey xhiixe, badey izzuppi tamme, badey haydzi tammi aafe yeysi u kaxxho.

Dhagguwayte, gossay acuttoro aallo wulelani esaarawo yesuwaye. Ace woggay elleniya aceeshita <<Burona wulela maxhuwayte, tamana meggeseni e udumana udumana tukkuwayte. Ta gossa bhikkilli ta li'iya gelsuwayte>> yeydiko tayne> hidi ye wootaade e hido>> yeydi e hido.