I Versetti Biblici più popolari da Uan 6

Condividi

Ay Isus glong sa anya fagayu te, “Au wan tagfon leleg fag fakonun. Nusnga sinu takakbang sa angku di ban kalunus ay nusnga sinu tagafanud sa angku di ban kadanum kabavn.

At Masine fag Falad tagfon leleg, ay we taw mafafakamulun takatanya. Ku ngay foyungan ayu siginan at Masine fag Falad, ay kanya wan tagfon leleg.

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Aroro ku Mama at fakaylatun, fagayu at nalag at Baguama ay tagafanud sa anya e leleg tua ban at yud e fakatabuan kabavn, ay namadog kban namaleleg sa taguyan fag menit.”

Isus gbalus anya te, “Katatuy Dius at fafakamulun sa ayu, afanudi sat nasugu.”

Ku Mama at nafon angku fag ngay taw nangakbang sa angku. Ay nusnga sinu takakbang sa angku kdi gaiyan.

Ay Simun Pedru gbalus te, “Em Fun, dada ban em fagnangakbangan? Ay si wa emu ngay longan tagfon leleg yud e fakatabuan.

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

We taw manangakbang sa angku, ku Mama at nasugu angku nu dway nataban anya sa angku. Ay nusnga sinu at kinkakbang sa angku gfadog kyay ban gfaleleg anya sa taguyan fag menit.

Aroro Dius at fon fag fakonun kanya wan at kindaga siginans banwa tagfon leleg sas fagayu taw.”

Au wan tagfon leleg fag fakonun.

Ay Isus nabul kafag ngay tinapay ay nu naseg Dius, gfon sa sangay taw. Ay gfon yangay albon sa sangay taw, kayu at fakaylatun. Ay fagayu taw nu napsug wan, Isus nalong sat ngay tagadal te, “Fafuli at ngay nagsawadan laman di kafangulan.”

Ay at ngay tagadal nu nafalao wan at sakayan lino, ay at kayayuan nu lima mannga unumk libuk sangbada, kanya fagayu nalag Isus nu glao sis tungud lino kakbang sat sakayan, ay kanya fagayu maksvn nu kalimu. Ay Isus nalong sa anya fagayu te, “Au way, lag am kalimu.”