I Versetti Biblici più popolari da uYoohani 5

Condividi

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Pe uYeesu ahamulola akaasite paala. She amanyile kuuti umuntu ula muvhinu ahavhaliilizyo ahatali, ahamuvhuziilizya ahati, “Vhuli, ukwanza kupona?”

Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane. Ileelo mukuhaana kwinza ku kwane, inga mbape uvhulanzi uvhwa shiima.

Pe uYeesu ahamuvhuuzya umuvhinu uyo ahati, “Yimiliila! Nyatuula izagala lyaho, sogolaaga.” Naluvhiilo, umuntu uyo ahapona uvhuvhinu vhwakwe, ahanyatula izagala lyakwe, ahanda kwepa. Ileelo uYeesu ámuponiizye umuntu uyo pi isiku ilya Sabaato.

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.