I Versetti Biblici più popolari da यूहन्ना 6

Condividi

यीशुऐ तिन्हां बै बोलू, “ज़िन्दगी री रोटी हांऊँ सा ज़ो मूँ हागै बै एज़ा सा सौ कैधी भी भूखा नी रौंहदा, होर ज़ो मूँ पैंधै बशाह केरा सा सौ कैधी भी शोखा नी रौंहदा।

परमेश्वरा री आत्मा ता ज़िन्दगी देणु आई सा, मांहणु री शक्ति न किछ़ लाभ नी ऑथि। ज़ो गैला मैं तुसाबै बोली सी सौ आत्मा धिरै न एज़ा सा, होर ज़िन्दगी देणु आल़ी सा।

नाश होंणै रै खाँणै री तैंईंयैं खेऊ मता केरदै पर तेई खाँणै री तैंईंयैं ज़ो हमेशा री ज़िन्दगी ठहराई सा, ज़ुणियै हांऊँ मांहणु रै बेटै तुसाबै देणा, किबैकि बापू मतलब परमेश्वरै तेई पैंधै मोहर लाई सा।”

किबैकि मेरै बापू री ऐ इच्छा सा कि ज़े कोई बेटै बै हेरला होर तेई पैंधै बशाह केरला, तेई हमेशा री ज़िन्दगी पाणी सा, मूँ सौ आखरी रोजा न होरी घेरै जियाणा (ज़िन्दा केरना) सा।”

यीशुऐ तिन्हां बै ज़वाब धिना, “परमेश्वरा रा कोम ऐ सा कि तुसै तेई पैंधै बशाह केरा ज़ुण तिन्हैं भेज़ू सा।”

ज़ो किछ़ बापू मुँभै देआ सा, सौ सैभ किछ़ मूँ हागै ऐणा सा, होर ज़ो कोई मूँ हागै एला सौ मूँ कैधी भी नी खोलणा।

शमौन पतरसै ज़वाब धिना, “ओ गुरू, आसा कुणी आगै बै ज़ाणा? हमेशा री ज़िन्दगी री गैला ता तौ हागै सी

ज़िन्दगी री रोटी ज़ो स्वर्गा न उतरा सा, सौ हांऊँ सा अगर कोई ऐसा रोटी न खाला ता तेई हमेशा री तैंईंयैं ज़िन्दै रोहणा सा, होर ज़ो रोटी मूँ दुनिया रै ज़िन्दगी री तैंईंयैं देणी सा सौ मेरा मांस सा।”

कोई मूँ हागै तैबै तैंईंयैं नी एज़ी सकदा, ज़ैबै तैंईंयैं कि बापू परमेश्वर मूँ हागै नी भेज़ला, होर मूँ सौ आखरी रोज़ होरी घेरै जियाणा (ज़िन्दा केरना) सा।

किबैकि परमेश्वरै री रोटी सौऐ सा ज़ो स्वर्गा न उतरिआ दुनिया रै लोका बै ज़िन्दगी देआ सा।”

ज़िन्दगी री रोटी हांऊँ सा।

तैबै यीशुऐ रोटी लेई, होर धन्यवाद केरिया बैशणु आल़ै बै बौंडी होर तैण्ढी मैच्छ़ी भी, जेत्री तिन्हैं लोड़ी ती बौंडी। ज़ैबै लोका रोटी खाईया रोज़ै ता यीशुऐ आपणै च़ेले सैंघै बोलू, “बच़ीदी रोटी कठै केरा होर किछ़ शौटे नैंई लोड़ी।”

ज़ैबै ते हिल्दै हिल्दैआ त्राई च़ार मील आगै निकतै, ता तिन्हैं यीशु झ़ीला पान्दै औंढदा होर किश्ती रै नेड़ ऐन्दा हेरू होर ते डौरै। पर प्रभु यीशुऐ तिन्हां वै बोलू, “हांऊँ सा डौरै मौता।”