I Versetti Biblici più popolari da यूहन्ना 10

Condividi

चोर सिर्फ भेड्डां री चोरी करने, कने तिन्हाजो मारने कने तबाह करने खातर औआं; हऊँ इस खातर आया भई सै पूरे तरिके ने जिऊंदा रौ।

अच्छा गवाल़ा हऊँ आ; अच्छा गवाल़ा भेड्डां खातर अपणी जान देई देआं।

मेरी भेड्डां मेरी अवाज़ ध्याना ने सुणां इयां; हऊँ तिन्हौं जाणाँ, सै मेरे पिच्छे-पिच्छे चलां इयां

कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

दरवाजा हऊँ आ; जे कोई मेरे जरिये अन्दर जां, तां परमेशरा तिस्सो छुटकारा देणा, कने अन्दर बाहर औन्दे जान्दे रैहणा कने खाणे जो रोटी पांगा।

अच्छा गवाल़ा हऊँ आ; हऊँ अपणियां भेड्डां जो जाणाँ, कने मेरियां भेड्डां मिन्जो जाणाँ इयां।

तिन्हौं जे मेरे पिते, मिन्जो दित्तिरा, सै सबनीं ते खास ये कने कोई तिन्हाजो पिता रे हत्था ते गवाई नीं सकदा। हऊँ कने मेरा पिता इक ये।”

तियां जे पिता मिन्जो जाणाँ कने हऊँ पिता जो जाणाँ। कने हऊँ भेड्डां खातर अपणी जान देआं।

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

इस पर यीशुये तिन्हांने भीं गलाया, “हऊँ तुहांजो सच्च दस्सां, भेड्डां रा दरवाजा हऊँ आ।

मजदूरिया पर रखीरा नौकर ताहली जे भेड़िये जो औंदे देखगा तां तिस नट्ठी जाणा। तिस भेड्डां छडी देणियां काँह्भई सै तिन्हांरा गवाल़ा नींआ कने भेड्डां तिसरियां नींआ, इस खातर भेड़िया तिन्हां पर हमला करां कने सारियां भेड्डां जो बखेरी देआं।

यीशुये गलाया, “हऊँ तुहांजो सच्च बोलां भई सै जे कोई भेडशाला रे दरवाजे चियें अन्दरौ नीं जान्दा, पर किसी दुज्जे पासे ते चली जां, सै चोर कने डाकू आ।