I Versetti Biblici più popolari da Lukɨ 4

Condividi

Ndil kɨ́ aa njay lə ꞌƁaɓe ree nà̰y sə-m kdɔtalə ꞌƁaɓe mbətɨ-m [kdɔ kadɨ mꞌsɔl mḛḛ dow-je kɨ́ mḛḛ-dé gangɨ man] rəm, ɓá kdɔ kadɨ mꞌilə mbḛ Poyta kɨ́ Majɨ mꞌadɨ njéndoo-je rəm tɔ. Ḛ ulə-m kadɨ mꞌpa ta rəsɨ mꞌadɨ ɓə-je tokɨ Lubə à taa-dé kilə-dé taá rəm, kadɨ mꞌpa ta rəsɨ mꞌadɨ njékəmtɔ-je tokɨ kəm-dé à koo lo rəm, dow-je kɨ́ dow-je dꞌadɨ-dé kɔ̰̀ lé, ḛ ulə-m kadɨ mꞌtaa-dé mꞌilə-dé taá rəm, ɓá ɓal ramajɨ lə ꞌƁaɓe lé, kadɨ mꞌpa ta-é rəsɨ ya mꞌadɨ dow-je rəm tɔ.

Jeju təl ilə-é-tɨ panè: «ꞌNdàngɨ ꞌpanè: “ꞌƁaɓe Lubə lə-i ɓá ꞌa kɔsɨ dɔ-i nangɨ nɔ̰̀-é-tɨ ə ḛ ya kɨ̀ kár-é ɓá ꞌa pole-é.”»

Ə Jeju ilə-é-tɨ panè: «ꞌNdàngɨ ꞌpanè: “Dow à kisɨ kɨ̀ dɔ-é taá kɨ̀ takul nékuso ya par al.”»

Ndil kɨ́ aa njay rusɨ Jeju, beɓa lokɨ ḛ təl ta ba Jurdḛ-tɨ ree rəmə Ndil kɨ́ aa njay lé ɔr nɔ̰̀-é ɔw siə diləlo-tɨ.

Jeju təl ilə-é-tɨ panè: «ꞌNdàngɨ ꞌpanè: “ꞌA na̰ ꞌƁaɓe Lubə lə-i al.”»

Lokɨ Sú na̰ Jeju mḛḛ né-je-tɨ lay adɨ gin-é gangɨ lé, ḛ ɔr rɔ-é ngərəngɨ in̰ə-é sar ya kdɔ ngəbɨ-né kəm lo kɨ́ rangɨ.

Sú ɔr Jeju ɔw siə lo-tɨ kɨ́ ḭ taá n̰a̰ rəmə, kəm kɨ́ kində jipɨ bè ya tɔjɨ-é kɔ̰ɓe-je kɨ́ dɔnangɨ-tɨ nè kin lay ə idə-é panè: «Mꞌa kadɨ-i ɔ̰̀ ɓe dɔ-tɨ lay rəm, mꞌa kadɨ-i riɓa kɨ́ dɔ kɔ̰ɓe-je-tɨ kinlé rəm tɔ. Kdɔtalə to né kɨ́ dꞌadɨ tò mḛḛ ji-m-tɨ, adɨ dow kɨ́ mḛḛ-m ndigɨ kadɨ mꞌadɨ-é ya mꞌa kadɨ-é. Adɨ kinə dɔ-i ya ꞌɔsɨ nangɨ nɔ̰̀-m-tɨ lé, mꞌa kadɨ to kɨ́ lə-i ya lay.» Jeju təl ilə-é-tɨ panè: «ꞌNdàngɨ ꞌpanè: “ꞌƁaɓe Lubə lə-i ɓá ꞌa kɔsɨ dɔ-i nangɨ nɔ̰̀-é-tɨ ə ḛ ya kɨ̀ kár-é ɓá ꞌa pole-é.”»

Go-tɨ, Sú ɔr-é ɔw siə mḛḛ ɓebo Jorijalḛm-tɨ, adɨ-é a̰ taá sam kəy-tɨ lə Lubə ɓá idə-é panè: «Kinə ꞌto Ngon lə Lubə ya rəmə, ꞌa̰ nè ya ꞌkilə ꞌusɨ nangɨ. Kdɔ ꞌndàngɨ ꞌpanè: “Lubə à kun ndu kadɨ malayka-je liə kdɔ ta lə-i, kdɔ kadɨ dꞌində kəm-dé go-i-tɨ.” Ə ꞌndàngɨ ɓəy ꞌpanè: “Dḛ dꞌa kində ji-dé kuwə-i-né taá, nè nja-i à kḭ dar ər.”» Jeju təl ilə-é-tɨ panè: «ꞌNdàngɨ ꞌpanè: “ꞌA na̰ ꞌƁaɓe Lubə lə-i al.”»