I Versetti Biblici più popolari da MATTHEW 24

Condividi

Gitlona pung ding ahi ziehin mi tampite’ ki-itna kiem ding hi. Ahi vangin a tawp donga a thuohzo pa kihundam ding hi.

Minam zosie tungah teci ahi dingin leitung buppi-ah tami manggam lungdamna thu kiphuongzah ding hi; tua zaw ciengin tawpna ang tung ding hi.

Note in gal kidonate le galdona thuthangte na za ding uhi; tamte ang pieng ding ma hi a, ahi vangin a tawpna ding hi nai lo ahi ziehin patau sih un.

Azieh pen minam khat le minam khat, gam khat le gam khat ang kido ding a, mun tuomtuomte ah kielpite tungin zil ang ling ding hi. Tam teng zosie pen gimna kipatna ahi na bo hi.

Van le lei maimang ding a, hizongle ka thute maimang lo ding hi.

Azieh pen mi tampi in, ‘Keima Messiah ka hi hi!’ ci-in keima’ min suongin ang pei ding vua, tuale amate in mitampi a puikhiel ding uhi.

“Tua ciengin amate in bawlsiet ding le tha dingin note ang pie ding vua, tuale keima’ min ziehin minam zosie in ang muda ding uhi. Tua ciengin mi tampite a pua ding vua, amate khatlekhat kilebawlin khatlekhat kimuda ding uhi. Kamsang zuou tampitah ang khangin mi tampi lam a khielsah ding uhi.

Jesu in amate kungah, “Koima in na kipuikhiel sah lo nadingun kidawm un.

Tua ahi ziehin na upmaw lo laitahun Mihing Tapa ang pei ding ahi ziehin note zong a kigingsa-in om un.

Tua ahi ziehin na TOPA uh ang pei ni ding thei lo na hi ziehun kigalging un.

“Ahi vangin a ni le a hun koima in thei lo hi, vantunga om vantung mite in ahi a, Tapa in ahi zongin thei lo a, Pa khat beh in thei hi.

Bangzieh ahei cile messiah zuoute le kamsang zuoute ang pieng ding a, ahi thei leh a tatsate nangawn lampielsah dingin lim le na lamdang lienpite ang bawl ding uhi.

Bang ding ahei cile Mihing Tapa ang peikia ding hun pen Noah hun lai ma tawh kibang ding hi. Azieh pen tuizin a tun masanga kipan tembaw sungah Noah a lut dongin mite in an ne tui dawnin numei pasal kipi kitengin a om vua, tuale tuizin tungin a unpi-un a lahmang hun dongin bangma thei loin a op ma bangun, Mihing Tapa ang pei ciengin zong tua bang ma hi ding hi.