I Versetti Biblici più popolari da Génesis 37

Condividi

At jun maj ok jun twitzik' José ex xi tma'n kye ttzik. Atzun kye, mas el ik'un José kyu'n.

Mas o k'ujlanjtz José tu'n Israel kywitz qe txqantl tky'ajal, tu'nju ul itz'j ku'xun lu tuj ttijil, ex o b'ant jun t-ẍjo'w tb'anilxix tu'n.

Tejtzun tel kynik' qe ttzik José ti'j, mas k'ujla'ntoq José tu'n kyman, el kyik'un ex minti' e yolin te tuj cheb'a.

Te tib'ajxi ok juntl twitzik' José, ax ikx xi ttx'olb'a'n kye ttzik ex xi tma'n kye kyja': —Kyb'intze juntl nwitzik'e o tz'ok: Lu q'ij tuk'ix xjaw ex junlaj che'w in che kub' mok'e'toq nwitze, chi José.

Qe ttzik José tzaj tlo'ch kyk'u'j ti'j, atzunte tman ok ten ximal ti'j jlu.

Xi tma'n kye kyja': —Kyb'intze aju nwitzik'e o tz'ok: Lu qo in qo k'alo'ntoq junjun che'l triw tuj kojb'il. Aju weye che'l ntriw jaw we' tu'nx tib' ex ax kyaj we'. Atzun kyeye che'l kytriw b'aj kytxolb'an kyib' ti'jele weye, ex e kub' mok'e' twitz weye, chi José.

Kytzaje, e tkub' qb'yo'n, e tku'x qxo'n tuj jul, ex jaku txi qma'n te qman kyja': Jun txkup mya b'a'n ma kub' b'yonte te, qo chi kxel qma'n. Qila'tzun qa che japunel qe twitzik', che chi.

ex tej kyul kanun qe comersyant aj Madián, aqeju aj Ismael juntl kyb'i, jatz q'i'n José tuj jul kyu'n terman, xi kyk'ayin kye, ex o kyk'am winqin saq pwaq twi'. Xitzun q'i'n José tuj Egipto.

Kymatzun kyxolx kyja': —Kyke'yinxe, lu witzky'al tzul.

Ilwaj José kyu'n najchaq, kyja' ttzaj. Tej na'nxtoq tkanun José kyuk'il, b'ant ti'j kyu'n tu'n tkub' kyb'yo'n.

Mi'n tz'el kyi'ne tchk'el. Kyq'on ku'xe tuj jul lu, aju at tuj tzqij tx'otx', ex mi'n tz'ok kyq'o'n kyq'ab'e ti'j tu'n tkub' kyb'yo'ne, chi Rubén. Tma Rubén ikju tu'nju tajb'iltoq tu'n tklet José ex tu'n taj t-sama'n tuk'il tman.