I Versetti Biblici più popolari da Sioné 5

Condividi

Ko au ē, ko au ē, ‘oku ou tala atu, Ko ia ‘oku ne fanongo ki he‘eku lea, pea tui kiate ia na‘a ne fekau mai au, ‘oku ne ma‘u ‘a e mo‘ui ta‘engata, pea ‘oku ‘ikai te ne a‘u ki he fakamaau; ka kuo ne hiki mei he mate ki he mo‘ui.

Pea ‘i he me‘a ‘a Sīsū ki he toko taha ko ia ‘oku tokoto, mo ne ‘ilo kuo fuoloa ‘e ne pehē, pea ne lea ki ai ‘o pehē, ‘Oku ke loto ke mo‘ui?

‘Oku mou hakule ‘a e Tohitapu; koe‘uhi ‘oku mou mahalo ‘oku tu‘u ai ho‘omou ma‘u ‘a e mo‘ui ta‘engata: pea ko ia ia ‘oku fakamo‘oni kiate au. Ka tala‘ehai ‘oku mou loto ke ha‘u kiate au ke mou ma‘u mo‘ui.

Pea folofola ki ai ‘e Sīsū, Tu‘u pē, to‘o ho mohenga na, pea hā‘ele. Pea mo‘ui leva ‘a e tangata; pea ne to‘o hono mohenga, ‘o ne hā‘ele atu. Pea tā ko e Sāpate ‘a e ‘aho ko ia.

Ko ia na‘e tali ‘a Sīsū, ‘o ne folofola kiate kinautolu, Ko au ē, ko au ē, ‘oku ou tala atu, ‘Oku ‘ikai lava ‘e he ‘Alo ke fai ‘iate ia ha momo‘i me‘a, ngata pē ‘i he me‘a ‘oku ne vakai ‘oku fai ‘e he Tamai: he ‘ilonga ha me‘a ‘oku fai ‘e he ‘ene ‘Afio, ‘oku pehē pē mo e fai ‘e he ‘Alo ‘a e ngaahi me‘a ko ia.