Luke 3
3
1Da neħ' noˑnă̱h' wasˑhă̱ă̱' wĭs kuh sgaˑeħ niˑyòs'hăˑgee waˑdo̱ħ'thaħ no̱ħˑo̱'nisˑheħt chiˑaˑgo̱ˑwă̱ˑniˑyòħ ne Tiˑbeˑriˑus Ceˑsar, Ponˑtiˑus Piˑlaˑte, naeh' thă̱ˑno̱h'do̱ˑo̱ħ' ne, Juˑdeˑa, Heˑrod naeh thă̱ˑno̱h'do̱ˑo̱k Galˑiˑlee, oˑnă̱h neh, deˑya'dă̱ă̱ˑno̱o̱ˑdeeħ' Phiˑlip, neħ' naeh thă̱ˑno̱h'do̱ˑo̱k' neh, Iturea, neħ kuh, he'dyo̱ˑă̱nˑjaˑdeħ' ne Traˑchoˑniˑtis, da' oˑnă̱h neh, Lyˑsaˑniˑus neħ naeh thă̱ˑno̱h'do̱ˑo̱ħ' ne Abiline,
2Anˑnas, kuh ne' Caˑiaˑphas, neħ' naeh deˑi'goˑwaaˑnă̱h' naˑdi'yaħˑdo̱ntˑhwʋs, hoˑyaħ'doˑwă̱ħ'o̱h ne John naa'wă̱ˑno̱ħ Na'wĕnˑniˑyòħ, neħ' hoˑaaˑwak' ne Zaˑchaˑriˑas, he'o̱ˑweh' deħˑeˑno̱ˑgeeˑnyo̱ħ.
3Neħˑhuh' hoˑyo̱sˑo̱h, thiˑgaˑgweˑgo̱h' kuh, thitˑha'wehˑdo̱h', deˑjot'hwaˑda'seˑo̱ħ he'yo̱ˑă̱nˑjaˑdeħ neˑJorˑdan; neħ'hotˑhăăhˑgo̱o̱'dyeħ neˑbapˑtism, ne deˑja'goħˑni'go̱ˑă̱nˑdeˑnyaħt'haħ, ne' wakˑah' ă̱sˑga'isˑdʋk ne gai'waˑneħˑakˑshăħ.
4He'niˑgaˑyeeˑă̱h' he'gaaˑyaaˑdo̱ħ' ne' gaˑya'do̱sˑhăăˑgo̱o̱ hosˑnyeħ'o̱h neh, Eˑsaˑias hoˑdo'gă̱sˑdaaˑnih, haˑwă̱ă̱', Neħ na'wă̱ă̱ˑno̱ħ no̱'o̱ˑgweh dooh'să̱ntˑhwă̱'o̱ˑdyeħ he'o̱ˑweh' deħˑe'na̱a̱ˑgeˑnyo̱ħ, Saˑjis'yo̱ˑnya'no̱o̱h hootˑhaa'deħ Naˑyaħˑdaˑgwĕnˑniˑyòħ, swahˑsoħ'gwaˑdo̱o̱ˑgòh heh, haah'dahˑgwa'no̱h.
5Gaˑgweˑgo̱h ne deˑyò'ăˑdeeˑnyo̱ħ' ă̱ˑga'no̱hˑheħ'syo̱o̱ħ, gaˑgweˑgo̱h' kuh, ne' ga'eˑno̱nˑdeħ' oˑno̱n'daˑdeħ', kuh, ehˑdaħ'gĕh ă̱ˑga'isˑdo̱'o̱o̱k; neħ' kuh notˑchiħ'gwaˑdo̱ħ ă̱sˑgah'sòħˑgwaˑdo̱ˑgwă̱'a̱a̱k, neħ' gwaħˑhuh, noˑno̱n'dyaħkˑho̱ħ asˑgah'so̱ˑwi'yosˑdo̱'o̱o̱k.
6Neħ' kuh neˑgaˑgweˑgo̱h' noħˑwa'aħ ă̱ˑwa̱nt'gatˑhòħ ne chaˑgo'yaħˑda'gwatˑhaħ Na'wĕnˑniˑyòħ.
7Oˑnă̱h haˑgo̱ˑyă̱ˑa̱h'seeh ne gă̱nˑdyòhˑgoˑwaˑnă̱h ne neħˑhuh' dyaˑgot'hisˑdo̱h, ne' neħ aas'haˑgoˑyeˑăħ'dahˑgwă̱ħ ne bapˑtism; O iis ga'waˑjiˑyăˑdeħ' noˑdesˑha'isˑdatˑgo̱ħ, so̱o̱, echˑhiħ'niˑgo̱ˑă̱nˑdaˑdo̱h naˑe'swaħˑnyaˑgă̱ħs' ne gaˑno̱ħˑkwă̱sˑhăħ daˑweħ'.
8Neħ dih neh, swai'oħˑdʋsˑhăˑyă̱n'dehˑdo̱'o̱k heh, doˑgă̱s deˑjiˑswă̱ħˑniˑgo̱ˑă̱nˑdeˑnyo̱o̱h; să̱ˑno̱h dih' ă̱ˑswah'saˑwă̱h' no̱o̱ˑdeˑswiħ' ne swaˑyaħ'daˑgo̱o̱h, Neħ să̱ħˑă̱h niiħ neh, Aˑbraˑham sho̱ˑgwaħˑnih, neħ să̱ħ'ă̱h neh'huh noħˑgwă̱ˑa̱s, hoˑgweˑnyo̱o̱h Na'wĕnˑniˑyòħ nă̱ˑgă̱ă̱ gaħˑsgwăˑgeˑo̱ħ na'aˑgo̱'yaħˑdaˑgesˑgòħ, neħ a'okˑsaħˑdaħˑsho̱ħ'gă̱ˑa̱a̱k neh, Aˑbraˑham.
9Neħ dih, oˑnă̱h' ne'waħ neħˑhuh heˑga'eeħ naˑdoˑgă̱ħ' nokˑde'ăħˑgĕh ne' găˑiˑdo̱ħ; neħ dih gai'o̱ˑnih, haħˑdeˑgă̱ˑo̱ˑdaˑgee' ne tă̱ħˑă̱h deħˑwaaˑyo̱ntˑhaħ' no'yiˑyòòh ă̱ˑgă̱ˑo̱ˑdyaħ'go̱ˑo̱k; neħˑhuh hă̱ˑwa̱n'dyo̱ˑo̱o̱k noˑjĭs'daħˑgĕh.
10Oˑnă̱h' no̱ˑgweh' hoˑwa̱nˑdo̱s'o̱h, hoˑnă̱ă̱h, A dih' sho̱' niiħ', nă̱ˑyaˑgwaˑdyeeħ?
11Desˑhaˑgo̱ˑwă̱ˑno̱ħˑsăăˑgwă̱h, haˑgo̱ˑyă̱ˑa̱h'seeh, Neħ, haaˑyaħ'daˑdeħ ne dekˑnii deˑo'dyaħˑda'wiħˑshăˑyă̱ħ' neħ neh, hoˑyo̱h' ne thă̱ħ'ă̱h de'oˑyă̱ħ; neħ kuh haaˑyaħ'daˑdeħ neh, nooˑdă̱'no̱ħˑshăˑyă̱ħ neħˑhuh' ha'eħˑgwah niˑaaˑyeeh.
12Oˑnă̱h ha'eħˑgwah hoˑdi'yo̱sˑo̱h naˑdii'wĭsˑdeˑoˑees haˑdiħ'niˑgo̱ˑă̱nˑdyeħ' ne bapˑtism ă̱ˑoˑno̱nˑdyeˑăħˑdah'gwă̱ħ, neħ noˑwă̱'a̱hˑseeh Saˑdi'o̱ˑnyaˑnih', aˑnaħˑot' dih niiħ', nă̱ˑyaˑgwaˑdyeeħ?
13Da neħ' naˑgo̱ˑyă̱ˑa̱h'seeh, Să̱ˑno̱h hă̱ˑswa'atˑhaak heˑnă̱ˑswaˑyeˑna̱ˑseek', naeh, heˑniˑyech'hiˑgă̱ă̱'yaˑdaˑniih.
14Oˑnă̱h ha'eħˑgwah nooˑdis'gă̱ħˑă̱'gehˑdah, oħˑtho̱ˑwa̱nˑdo̱ˑă̱nˑjo'as, hoˑnă̱ă̱h', A dih, niiħ' nă̱ˑyaˑgwaˑyeeħ? Da neħ naˑgo̱ˑyă̱ˑa̱h'seeh, Sa'no̱h So̱ˑgaaħ no̱o̱'gweh dă̱sˑhe'swaˑdo̱ˑă̱'o̱hˑgwaħ'dă̱ħ', să̱ˑno̱h ha'eħˑgwah so̱o̱ˑgaaħ ă̱sˑhe'swaˑdwă̱'no̱sˑhaa'nihˑdă̱ħ, neħ gwaħˑhuh ne' sgă̱ˑno̱ħ' swă̱ˑno̱h'do̱ˑnyo̱'o̱k heˑniˑswat'gaˑnyaħ'gih.
15Neħ dih he'no̱ħˑweeħ hoˑno̱s'ha'eħ no̱ˑgweh, haħˑdeˑyo̱ˑgweħ'daˑgee gwaħˑhuh no̱'gweh' detˑhoˑdiˑyaħ'doˑweehˑdo̱h' noˑnă̱n'nyahˑsaˑgo̱o̱h' haˑyaħ'daˑdeħ ne John, aˑdiħ gwaa' neħ ne' Christ, thă̱ħˑă̱h' giħˑshă̱h,
16Dechˑhaˑgoˑwă̱'no̱ħˑsăˑgwă̱h' ne John haˑgo̱ˑyă̱ˑa̱h'seeh, gaˑgweˑgo̱h', Iiħ naeh, doˑgă̱s' oħˑgwaˑyeˑăħ'dahˑgwă̱ħ' ne bapˑtism, oˑneˑgaˑnos' oħˑgye'ăħˑdʋk; neħ gwaah', ne' shaˑyaħ'daatˑne' daˑeħ', neh, si'gwaah heˑniˑaħ'hasˑdeesˑhăħ' niiħ' heˑniˑgeħ'hasˑdeesˑhăħ; neħ heˑdeˑga'no̱hˑso̱nt noohˑdah'gwaħ, thă̱ħ'ă̱h thaħ'deˑgaˑyeˑiħ heˑniˑgyaħ'daˑnoˑo̱ħ' naak'hyòħˑdă̱s; neħ' naeh notˑhwa'isˑhăˑdoˑgă̱h'diħ oˑjĭs'daħ, gwaħˑhuh, ă̱sˑhe'swaˑyeˑăħˑdah'gwă̱h ne bapˑtism ă̱ˑswaaˑdo̱o̱ħs;
17Neħ haˑaaħ naˑga'ehˑdaˑwakˑthaħ; neħ kuh, neh, tgaˑgo̱nt' ă̱ntˑhas'ahˑdaħ'jih he'o̱ˑweh' niˑatˑgwaħˑes'dahˑgwaħ; neħ' kuh, noˑna̱nˑjaħ neħˑhuh ă̱ˑe'oˑeek he'o̱ˑweh' haˑge'o̱nˑdah'gwaħ; neħˑgwa' naeh, noˑga'ehˑdaħ ă̱ˑa̱'ă̱ħˑdaaħ naeh, neħ ă̱ˑa̱ˑyeˑăħ'dʋk noˑjĭs'daħ ne thă̱ħ'ă̱h deˑwă̱nˑdo̱h' thaa'waħˑswah.
18Weˑsòħ' gwaħˑhuh noˑyaħ' oˑi'weˑno̱o̱ħˑsho̱ħ' waa'go̱ˑe'jă̱ˑo̱ˑnyo̱o̱ħ' heˑwaa'go̱ntˑhaˑhas ne gai'ˑwiˑyòsˑdʋk no̱ˑgweh'.
19Neħ gwa neh, ho̱ˑwa̱ntˑhăˑnisˑo̱h, ho̱ˑwa̱'ˑisˑdaˑniih' gwaħˑhuh, ne thaˑgo̱ˑyă̱nˑno̱hˑdo̱ˑnih Herˑod; neħ dyaˑgo'iˑwaħ neh, Heˑroˑdias ne deˑya'dă̱ˑno̱nˑdeeħ yòòħ; gaˑgweˑgo̱h' gwaħˑhuh, heˑniˑyo̱o̱h ne waˑeetˑgă̱ħ niˑoˑdyeˑăs'o̱h ne Herˑod,
20Shoˑyes'do̱h, aeħ, hoˑjo'ăhˑdo̱h ne' gaˑgweˑgo̱h, waˑoh'hoˑdo̱o̱ħ ne John o̱nˑda'dehˑhoˑdo̱hˑgwaħˑgĕh.
21Oˑnă̱h dih' neħˑhuh niˑyòˑweħ', noˑnă̱h gaˑgweˑgo̱h' no̱ˑgweh' neħ' waħˑaˑgoˑdye'ăħˑdah'gwă̱ħ ne bapˑtism, neħˑhuh heˑya'wă̱ħˑo̱h noˑnă̱h' haˑeħˑgwah ne Jeˑsus neħˑchiˑoˑdye'ăħˑdahˑgwaaˑniih ne bapˑtism, he'no̱ħˑweeħ hoˑdă̱ˑna̱ˑyă̱ħ tgahˑho'do̱ˑgwă̱h' ne gă̱ˑo̱'yaħˑgĕh,
22Neħ ne dyòˑdyaħˑdă̱hˑdo̱h Notˑhwa'isˑhăˑdoˑgă̱h'diħ, oˑyaħˑdo̱nt niˑyòħ'dă̱ă̱h, neħ desˑgyaˑdyeˑă̱h' ne gʋsˑheˑnă̱ħ' jăăh'goˑwaaħ, oˑdă'dʋsˑo̱h nehˑhuh' haˑyaħ'daˑdeħ, oˑwă̱ˑno̱ħ' gwahˑhuh dyoˑdyaħ'dă̱hˑdo̱h ne gă̱ˑo̱'yaħˑgĕh, neħ nòħˑgă̱ħ, Iis neˑgă̱ħ ne go̱ˑno'o̱hˑgwaħ Go̱ˑaˑwa̱k, neħ heˑh'syaħˑdaˑdeħ haħˑdeˑyoˑdoħk' akˑhni'go̱ˑiˑyòòh.
23Oˑnă̱h ha'eħˑgwah ne' aˑo̱hˑhwa̱ħ, ne Jeˑsus, oħˑwah'saˑwă̱ħ neh, să̱h niˑwʋs'hă̱ no̱o̱, naˑos'hiˑyaħk, neħ (heˑniˑoˑdiħˑniˑgòˑòħ'dă̱ˑno̱ħ) hoˑaˑwak ne Joˑseph, neħ, hoˑa'wahˑgă̱'a̱a̱ħ neh, Heˑli;
24Neh, hoˑa'wahˑgă̱'a̱a̱ħ neh Matˑthat; neh, hoˑa'wahˑgă̱'a̱a̱ħ ne Leˑvi; neh, hoˑa'wahˑgă̱'a̱a̱ħ ne' Melˑchi; neh, hoˑa'wahˑgă̱'a̱a̱ħ ne Janˑna; neh, hoˑa'wahˑgă̱'a̱a̱ħ ne Joˑseph;
25Neh, hoˑa'wahˑgă̱'a̱a̱ħ ne Matˑthiˑas; neh, hoˑa'wahˑgă̱'a̱a̱ħ ne Aˑmos; neh, hoˑa'wahˑgă̱'a̱a̱ħ ne Naˑum; neh, hoˑa'wahˑgă̱'a̱a̱ħ ne Esˑli; neh, hoˑa'wahˑgă̱'a̱a̱ħ ne Nagˑge,
26Neh, hoˑa'wahˑgă̱'a̱a̱ħ ne Maˑath; neh, hoˑa'wahˑgă̱'a̱a̱ħ ne Matˑthias; neh, hoˑa'wahˑgă̱'a̱a̱ħ Seˑmei; neh, hoˑa'wahˑgă̱'a̱a̱ħ ne Joˑseph; neh, hoˑa'wahˑgă̱'a̱a̱ħ ne Juˑda;
27Neh, hoˑa'wahˑgă̱'a̱a̱ħ Joˑanˑna; neh, hoˑa'wahˑgă̱'a̱a̱ħ ne Rheˑsa; neh, hoˑa'wahˑgă̱'a̱a̱ħ ne Zoˑroˑbabel; neh, hoˑa'waħˑgă̱'a̱a̱ħ ne Saˑlaˑthiˑel; neh, hoˑa'wahˑgă̱'a̱a̱ħ ne Neˑri;
28Neh, hoˑa'wahˑgă̱'a̱a̱ħ ne Melˑchi; neh, hoˑa'wahˑgă̱'a̱a̱ħ neˑAdˑdi; neh, hoˑa'wahˑgă̱'a̱a̱ħ ne Coˑsam; neh, hoˑa'wahˑgă̱'a̱a̱ħ ne Elˑmoˑdam; neh, hoˑa'wahˑgă̱'a̱a̱ħ ne Er;
29Neh, hoˑa'wahˑgă̱'a̱a̱ħ ne Joˑse; neh, hoˑa'wahˑgă̱'a̱a̱ħ ne Eliˑeˑzer; neh, hoˑa'wahˑgă̱'a̱a̱ħ ne Joˑrim; neh, hoˑa'wahˑgă̱'a̱a̱ħ ne Matˑthat; neh, hoˑa'wahˑgă̱'a̱a̱ħ ne Leˑvi;
30Neh, hoˑa'wahˑgă̱'a̱a̱ħ ne Siˑmeˑon; neh, hoˑa'wahˑgă̱'a̱a̱ħ ne Juˑda; neh, hoˑa'wahˑgă̱'a̱a̱ħ ne Joˑseph; neh, hoˑa'wahˑgă̱'a̱a̱ħ ne Joˑnan; neh, hoˑa'wahˑgă̱'a̱a̱ħˑne Eliˑaˑkim;
31Neh, hoˑa'wahˑgă̱'a̱a̱ħ ne Meˑlea; neh, hoˑa'wahˑgă̱'a̱a̱ħ ne Meˑnan; neħ, hoˑa'wahˑgă̱'a̱a̱ħ ne' Matˑtaˑtha; neh, hoˑa'wahˑgă̱ˑa̱a̱ħ ne Naˑthan; neh, hoˑa'wahˑgă̱'a̱a̱ħ ne Daˑvid;
32Neh, hoˑa'wahˑgă̱'a̱a̱ħ ne Jesˑse; neh, hoˑa'wahˑgă̱ˑa̱a̱ħ ne Oˑbed; neh, hoˑa'wahˑgă̱'a̱a̱ħ ne Booz; neh hoˑa'wahˑgă̱'a̱a̱ħ ne Salˑmon; neh, hoˑa'wahˑgă̱'a̱a̱ħ ne Naˑasˑson;
33Neh, hoˑa'wahˑgă̱'a̱a̱ħˑne Aˑminˑaˑdab; neh, hoˑa'wahˑgă̱'a̱a̱ħ ne Aˑram; neh, hoˑa'wahˑgă̱'a̱a̱ħ ne Esˑrom; neh, hoˑa'wahˑgă̱'a̱a̱ħ ne Phaˑrez; neh, hoˑa'wahˑgă̱'a̱a̱ħ ne Juˑda;
34Neh, hoˑa'wahˑgă̱'a̱a̱ħ ne Jaˑcob; neh, hoˑa'wahˑgă̱'a̱a̱ħ ne Iˑsaˑac; neh, hoˑa'wahˑgă̱'a̱a̱ħ ne Aˑbraˑham; neh, hoˑa'wahˑgă̱'a̱a̱ħ ne Thaˑra; neh, hoˑa'wahˑgă̱'a̱a̱ħ ne Naˑchor;
35Neh, hoˑa'wahˑgă̱'a̱a̱ħ ne Saˑruch; neh, hoˑa'wahˑgă̱'a̱a̱ħ ne Raˑgau; neh, hoˑa'wahˑgă̱ˑa̱a̱ħ ne Phaˑlec; neħ, hoˑa'wahˑgă̱'a̱a̱ħ ne Heˑber; neh, hoˑa'wahˑgă̱'a̱a̱ħ ne Saˑla;
36Neh, hoˑa'wahˑgă̱'a̱a̱ħ ne Caiˑnan; neh, hoˑa'wahˑgă̱'a̱a̱ħ ne Arˑphaxˑad; neh, hoˑa'wahˑgă̱'a̱a̱ħ ne Sem; neh, hoˑa'wahˑgă̱'a̱a̱ħ ne Noe; neh, hoˑa'wahˑgă̱'a̱a̱ħ ne Laˑmech;
37Neh, hoˑa'wahˑgă̱'a̱a̱ħ ne Maˑthuˑsaˑla; neh, hoˑa'wahˑgă̱'a̱a̱ħ ne Eˑnoch; neh, hoˑa'wahˑgă̱'a̱a̱ħ neˑJaˑred; neh, hoˑa'wahˑgă̱'a̱a̱ħ ne Maˑleˑleel; neh, hoˑa'wahˑgă̱'a̱a̱ħ ne Caiˑnan;
38Neh, hoˑa'wahˑgă̱'a̱a̱ħ ne Eˑnos; neh, hoˑa'wahˑgă̱ˑa̱a̱ħ ne Seth; neh, hoˑa'wahˑgă̱'a̱a̱ħ, ne Aˑdam; neh, hoˑa'wah, gă̱'a̱a̱ħ Na'wenˑniˑyòħ.
Valið núna:
Luke 3: SEE
Áherslumerki
Deildu
Afrita
Want to have your highlights saved across all your devices? Sign up or sign in
Gospels published by the American Bible Society in 1872, Psalms in 1892.