IIMU/UUNGW 10
10
Xwaylár daaqoó Noa
(1Qom 1:5-23)
1Tlahh'iiká' an xwaylár daaqoó Noa, ín Shemu nee Hamu nee Yafeti. Alaá tluwoó da/tene inooín daaqaay kuna laqwaál.
2Daaqoó Yafeti a Gomeri, nee Magogu, nee Madai, nee Yafani, nee Tubali, nee Mesheki nee Tirasi. 3Daaqoó Gomeri a Ashkenasi, nee Rifati nee Togarma. 4Daaqoó Yafani a Elisha, nee Tarshishi, nee Kitimu nee Dodanimu. 5Xwaylar'ín an iimu/úngw mukdá' sleémeero bihhaá tlawtá wa hoót. Mukwí an xwaylár Yafeti. Inooín tana doogaagín, tari hoót, umuú tlahhaywo nee yaamuuín nee tsifrir'ín nee xooror'ín.
6Daaqoó Hamu a Kushi, nee Misri, nee Puti nee Kana'ani. 7Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani. 8Kushi Nimrodi guri laqwaál. Inós tay heé geera oo waawuti'iimár /uuruú koom gawaá yaamuwo. 9Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.» 10Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari. 11Inós ina tláy baraá yaamuudá' wa alé ay yaamaá Ashuru. Gixsár Ninewi gari yaamuudá' i tleéhh, nee Rehobot-iri, nee Kala, 12nee Reseni. Gixsár Reseni i tla/ángw Ninewi nee Kala. Kala an gixsadá' ur.
13Misri tari baabuú múk Ludi nee múk Anamu nee múk Lehabi, nee múk Naftuhi, 14nee múk Patrusi nee múk Kaslu, dír múk Filisti niwa ti'iít, nee múk yaamaá Krete.#10:14 Krete: Múk yaamaá Krete laqaá múk Kaftori.
15Kana'ani iri laqwaál Sidoni, garmaawós oo baris. Aluudae iri laqwaál Heti. 16Kana'ani sleeme a baabuú múk Yebusi, nee Amori, nee Girgashi, 17nee múk Hifi, nee Arki nee Sini, 18nee múk Arfadi, nee Semari nee Hamati. Aluudae tlahh'aá dimbadimbé awa Kana'ani tari tsiyayaaxaát. 19Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha. 20Kuká' an na/aá daaqoó Hamu adoodár tlahhi'ii'ín i dirii'iya' nee tsifrir'ine, yaamuuín nee xooror'ine.
21Shemu, hhiyoó úr oo Yafeti sleeme, na/ii gina laqwaál. Inós an baabuú tlahh'i sleémeero awa múk Ebrania. 22Daaqoó Shemu a Elamu, nee Ashuru, nee Arpakshadi, nee Ludi nee Aramu. 23Nee daaqoó Aramu a Usi, nee Huli, nee Geteri nee Mashi. 24Arpakshadi Shela guri laqwaál, Shela Eberi guri laqwaál. 25Eberi daaqoó tsár guri laqwaál, oo wák umuuwós a Pelegi#10:25 Pelegi: Umuuwí baraá kángw Ebraniaro a slaqás nee /aymuú ta bay qasiisa. asma qoomaarós tidae muu ina diyaya/aát baraá yaamuwo. Hhiyaawós umuuwós a Yoktani. 26Yoktani iri laqwaál Almodadi, nee Shelefu, nee Hasarmaweti, nee Yera, 27nee Hadoramu, nee Usali, nee Dikla, 28nee Obali, nee Abimaeli, nee Sheba, 29nee Ofiri, nee Hafila, nee Yobabu. Kuká' sleémeero an daaqoó Yoktani. 30Dír hotaaín a iimír yaamaá Mesha ay gixsár Sefari, tidá' gawaá tlom'aá da/aáw i dirii'. 31Kuká' an daaqoó Shemu adoodár tlahhi'ii'ín i dirii'iya' nee tsifrir'ine, nee yaamuine nee xooror'ine.
32Adoorí an adór tlahh'aá daaqoó Noa i dirii'iya', adór xwaylar'ín nee xooror'ine. Baraá mukwihe xoordu sleémeero nina tsiyayaaxatiyé' baraá yaamu alaá tluwoó da/atene.
Valið núna:
IIMU/UUNGW 10: IRQW
Áherslumerki
Deildu
Afrita
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.