مزگینیا یوحەننای 15
15
عیسایە مێوا راستەقینە
1«ئەزم مێوا راستەقینە و بابێ من رەزڤانە. 2هەر چەقەكێ من یێ بەرهەمی نەدەت، رادكەت. لێ هەر چەقەكێ بەرهەمی بدەت، دكەزێخیت و پاقژ دكەت، دا پتر بەرهەمی بدەت. 3هوین نوكە ژ بەر وێ پەیڤا من بۆ هەوە گۆتی د پاقژن. 4د ناڤ من دا بنەج‍‌ھ ببن و ئەز د ناڤ هەوە دا. كا چەوا چەق ب خۆ نەشێت بەرهەمی بدەت ئەگەر د مێوێ دا یا بنەج‍‌ھ نەبیت، هوین ژی هەروەسا نەشێن ئەگەر د ناڤ من دا د بنەج‍‌ھ نەبن.
5ئەزم مێو و هوین چەقن. ئەوێ د ناڤ من دا یێ بنەج‍‌ھ بیت و ئەز د ناڤ وی دا، ئەو دێ بەرهەمەكێ زۆر دەت، چنكو بێی من هوین نەشێن تشتەكی بكەن. 6هەر كەسێ د ناڤ من دا بنەج‍‌ھ نەبیت، وەكو چەقی بۆ ژ دەرڤە دهێتە هاڤێتن، ئەڤجا هشك دبیت و كۆم دكەن، پاشی دهاڤێژنە ناڤ ئاگری و دهێتە سۆتن. 7ئەگەر هوین د ناڤ من دا بنەج‍‌ھ ببن و ئاخفتنێن من د ناڤ هەوە دا بنەج‍‌ھ ببن، هەوە چ دڤێت بخوازن، دێ بۆ هەوە ب ج‍‌ھ هێت. 8ب ڤێ چەندێ بابێ من دهێتە مەزنكرن: هوین گەلەك بەرهەمی بدەن و ببنە شاگردێن من.
9كا چەوا بابی حەز ژ من كر، من ژی وەسا حەز ژ هەوە كر. ئەڤجا د ناڤ حەزژێكرنا من دا بنەج‍‌ھ ببن. 10ئەگەر هوین فەرمانێن من ب ج‍‌ھ بینن، دێ د ناڤ حەزژێكرنا من دا بنەج‍‌ھ بن، هەروەكو من فەرمانێن بابێ خۆ ب ج‍‌ھ ئیناین و د ناڤ حەزژێكرنا وی دا بنەج‍‌ھ دبم. 11من ئەڤ تشتە گۆتنە هەوە، دا دلخۆشیا من د ناڤ هەوە دا بیت و دلخۆشیا هەوە یا تەمام بیت. 12فەرمانا من ئەڤەیە: هوین حەز ژ ئێكودوو بكەن، هەروەكو من حەز ژ هەوە كری. 13كەسێ حەزژێكرنەكا ژ ڤێ مەزنتر نینە، كو ئێك ژیانا خۆ گۆری خۆشتڤیێن خۆ بكەت. 14هوین خۆشتڤیێن منن، ئەگەر هوین فەرمانێن من ب ج‍‌ھ بینن. 15ئێدی ئەز نابێژمە هەوە ‹بەنی›، چنكو بەنی نزانیت خودانێ وی چ دكەت. لێ من گۆتە هەوە ‹خۆشتڤی›، چنكو هەر تشتێ من ژ بابێ خۆ بهیستی، من هوین تێگەهاندن. 16هەوە ئەز هەلنەبژارتم، لێ من هوین هەلبژارتن و دەستنیشان كرن كو هوین بچن بەرهەمی بدەن و بەرهەمێ هەوە بمینیت، داكو هەر تشتێ هوین ب ناڤێ من ژ بابی بخوازن، ئەو بدەتە هەوە. 17ئەز ڤێ فەرمانێ ل هەوە دكەم: هوین حەز ژ ئێكودوو بكەن.»
كەربا جیهانێ ژ عیسای و شاگردێن وی
18«ئەگەر جیهانێ كەرب ژ هەوە ڤەببن، هوین بزانن كو بەری هەوە وێ كەرب ژ من ڤەببوون. 19ئەگەر هوین ژ جیهانێ بان، دا جیهان وەكو خەلكێ خۆ حەز ژ هەوە كەت. لێ چنكو هوین نە ژ جیهانێنە، بەلكو من هوین ژ جیهانێ هەلبژارتن، لەوما جیهانێ كەرب ژ هەوە ڤەدبن. 20بیرا خۆ بیننە وێ پەیڤا من گۆتیە هەوە: بەنی ژ خودانێ خۆ مەزنتر نینە#15:20 یوحەننا 13:16. ئەگەر وان ئەز تەپەسەر كربم، دێ هەوە ژی تەپەسەر كەن و ئەگەر وان پەیڤا من ب ج‍‌ھ ئینابیت، دێ پەیڤا هەوە ژی ب ج‍‌ھ ئینن. 21لێ ئەو دێ ڤان هەمی تشتان ژ بەر ناڤێ من ب سەرێ هەوە ئینن، چنكو ئەو وی نانیاسن یێ ئەز هنارتیم. 22ئەگەر ئەز نەهاتبام و ل گەل وان نەئاخفتبام، دا د بێگونە‍‌ھ بن، لێ نوكە وان چ بەهانە بۆ گونەهێن خۆ نینە. 23ئەوێ كەرب ژ من ڤەببن، وی كەرب ژ بابێ من ژی ڤەدبن. 24ئەگەر من ئەو كار د ناڤبەرا وان دا نەكربان، یێن ژبلی من كەسێ نەكرین، دا د بێگونە‍‌ھ بن، لێ نوكە وان دیتن#15:24 دبیت ‹وان كار دیتن› یان ژی ‹وان ئەز و بابێ من دیتین.› بنێڕە یوحەننا 14:9 و كەرب ژ من و ژ بابێ من ژی ڤەبوون. 25لێ ئەڤ چەندە چێبوو دا ئەو پەیڤا د دەستوورێ وان دا هاتیە نڤیسین، ب ج‍‌ھ بهێت: ‹وان بێی ئەگەر كەرب ژ من ڤەبوون.›#15:25 زەبوور 35:19؛ 69:4
26دەمێ ئەو هاریكار#15:26 هاریكار: ب یونانی دبێژیت: ‹پاراكلێتۆس› كو مەبەست پێ گیانێ پیرۆزە. ل فەرهەنگۆكێ ل پەیڤا پاراكلێتۆس بنێڕە. دهێت، یێ ئەز دێ ژ نك بابی بۆ هەوە هنێرم، گیانێ راستیێ، ئەوێ ژ نك بابی دەردكەڤیت، دێ بۆ من شاهدەییێ دەت. 27هوین ژی دێ بۆ من شاهدەییێ دەن، چنكو هەر ژ دەستپێكێ هوین ل گەل من بوون.»
Valið núna:
مزگینیا یوحەننای 15: BHD
Áherslumerki
Deildu
Afrita
Want to have your highlights saved across all your devices? Sign up or sign in
All rights reserved.