Popular Bible Verses from مزگینیا یوحەننای 15

Deildu

ئەزم مێو و هوین چەقن. ئەوێ د ناڤ من دا یێ بنەج‍‌ھ بیت و ئەز د ناڤ وی دا، ئەو دێ بەرهەمەكێ زۆر دەت، چنكو بێی من هوین نەشێن تشتەكی بكەن.

د ناڤ من دا بنەج‍‌ھ ببن و ئەز د ناڤ هەوە دا. كا چەوا چەق ب خۆ نەشێت بەرهەمی بدەت ئەگەر د مێوێ دا یا بنەج‍‌ھ نەبیت، هوین ژی هەروەسا نەشێن ئەگەر د ناڤ من دا د بنەج‍‌ھ نەبن.

ئەگەر هوین د ناڤ من دا بنەج‍‌ھ ببن و ئاخفتنێن من د ناڤ هەوە دا بنەج‍‌ھ ببن، هەوە چ دڤێت بخوازن، دێ بۆ هەوە ب ج‍‌ھ هێت.

هەوە ئەز هەلنەبژارتم، لێ من هوین هەلبژارتن و دەستنیشان كرن كو هوین بچن بەرهەمی بدەن و بەرهەمێ هەوە بمینیت، داكو هەر تشتێ هوین ب ناڤێ من ژ بابی بخوازن، ئەو بدەتە هەوە.

كەسێ حەزژێكرنەكا ژ ڤێ مەزنتر نینە، كو ئێك ژیانا خۆ گۆری خۆشتڤیێن خۆ بكەت.

هەر چەقەكێ من یێ بەرهەمی نەدەت، رادكەت. لێ هەر چەقەكێ بەرهەمی بدەت، دكەزێخیت و پاقژ دكەت، دا پتر بەرهەمی بدەت.

فەرمانا من ئەڤەیە: هوین حەز ژ ئێكودوو بكەن، هەروەكو من حەز ژ هەوە كری.

ب ڤێ چەندێ بابێ من دهێتە مەزنكرن: هوین گەلەك بەرهەمی بدەن و ببنە شاگردێن من.

«ئەزم مێوا راستەقینە و بابێ من رەزڤانە.

هەر كەسێ د ناڤ من دا بنەج‍‌ھ نەبیت، وەكو چەقی بۆ ژ دەرڤە دهێتە هاڤێتن، ئەڤجا هشك دبیت و كۆم دكەن، پاشی دهاڤێژنە ناڤ ئاگری و دهێتە سۆتن.

من ئەڤ تشتە گۆتنە هەوە، دا دلخۆشیا من د ناڤ هەوە دا بیت و دلخۆشیا هەوە یا تەمام بیت.

ئەگەر هوین فەرمانێن من ب ج‍‌ھ بینن، دێ د ناڤ حەزژێكرنا من دا بنەج‍‌ھ بن، هەروەكو من فەرمانێن بابێ خۆ ب ج‍‌ھ ئیناین و د ناڤ حەزژێكرنا وی دا بنەج‍‌ھ دبم.

ئەز ڤێ فەرمانێ ل هەوە دكەم: هوین حەز ژ ئێكودوو بكەن.»

ئەگەر هوین ژ جیهانێ بان، دا جیهان وەكو خەلكێ خۆ حەز ژ هەوە كەت. لێ چنكو هوین نە ژ جیهانێنە، بەلكو من هوین ژ جیهانێ هەلبژارتن، لەوما جیهانێ كەرب ژ هەوە ڤەدبن.