BON BETAMCONAM
BETAMCONAM
Buu tulug Bon Nyinam pota si Lukwg Tugu Pui Kitap hoqg xiqtungv. Pota soq hvvtw poot betamnam si Jisun mwwjwbo nyi tulungv, hoo Dvrwq yalv hoggub bulam nyignum, hoggub mwwg Tugu Puiyv yuupwnum “Jerusalem, Judiya hoo Samariya nyook hoqgv soq swcw nvg ywwtwr nagub hoggub nyinam” (Bon 1.8). Juhudi nyi tulungv hoggub Kristan nyirabnum hoqg gonam xwwtam pan hoqgv hoggub bulug mwwjwngv gvda gvtwg mwwjw gob nyinum. Xeqn bo akv mwwg xeqnam nyi tulungam bekinv begamv Kristan swwnam si Roman Lvpwg pvvbam dampia dvbma, hvbmab Kristan mwwjwnam si Juhudi dormog niqtuqkam nyilin kunamv.
Bon pota sam pagoq oum gob mvpan, hoggub Jisug Tugu Puiyam berabnum hoo Dvrwq namlo nam mvrabnum ham bepan. (1) Jerusalemho Kristan nyirab layil Jisug Ao lvpwb cookur namgob; (2) Dvrwq namlongv asaq-asaq Palistan nyook ho swwlinum hoo (3) Palistan hoqgv hoggub Mediterian la Roman nyook ho Dvrwq namlongv swwlinum.
Bon potag hvvtw poot gootamnam si Dvrwqbo Yalwg nyiicwngam, Aal camgho hoggub Jerusalemho mwwjwbo tulungam huqlw haanum hoqgv hv Dvrwq namlongam la nyig boam hoggub ator jil lamta kaakinum ham pota si bekin pan. Otu kob otuqg Kristan tulug Pwnbog Tugu Pui benam mam kaapa tayin, hoqgv mwwjwbo tulug pui benamv huqlw gob nyinv swwl doonum hoqgv Dvrwq namlo lo hang pwkin gob doobamnum.
Ura bol doonbo gvmp
Hvvky swwdwb mwx-mvaqnam 1:1-26
a. Jisug svxin gamlv la birnam 1:1-14
b. Judas kwlib xuqnam 1:15-26
Jerusalemho hvvky swwnum 2:1-8:3
Judiya la Samariya ho hvvky swwnam 8:4-12:25
Poulwg bon nyinam 13:1-28:31
a. Otuqcob Pwnbog bon nyitab wnam 13:1-14:28
b. Jerusalem dookum 15:1-35
c. Lwnyi dvb Pwnbog bon nyitab wnam 15:36-18:22
d. Luum dvb Pwnbog bon nyitab wnam 18:23-21:16
e. Jerusalem, Sijariya, Roman hoo Poulnvn pvtwq tumnam 21:17-28:31
Valið núna:
BON BETAMCONAM: NYISBSI
Áherslumerki
Deildu
Afrita
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.