Matayi 12
12
Bakumulalusya u Yesu nizya Isiku Ilyakutuzya
(Mlko. 2.23-28; Luk. 6.1-5)
1 #
Ukk. 23.25
Pisiku limo Ilyakutuzya u Yesu akadumusannyanga mumaghunda agha ngano. Abamanyili bache izala yikabalema, po bakanda pakupulula imitu iya ngano nukulya. 2Bo aba Falisayi bennya zinizi, bakamubuzya u Yesu bakati, “Ennya, abamanyili bako bakubomba zizyo zititikiziwe pakubombiwa Pisiku Ilyakutuzya?” 3#1 Sam. 21.1-6U Yesu akamula akati, “Nkimba mutabelengitepo zizyo u Devedi na bantu bache bakabomba pakabalilo kako bakaba ni zala, loli batakaba ni chakulya nachimo? 4#Lev. 24.9Akinjila mu Nyumba iya Chala nu kulya ichibama chicho chikabikiwa kwa Chala ukuti chibanje chakwiyipa. Ukuyana ni Ndaghilo zyitu, umuputi mwene we yuyo itikiziwe pakulya ichibama chila. Loli u Devedi akalya nukubapako abantu bache. 5#Ukb. 28.9-10Pamo mutabelengite mu Ndaghilo izya Mozesi ukuti Isiku ni siku Ilyakutuzya abaputi mu Nyumba iya Chala bakunangannya Indaghilo, loli batakuba ninongwa? 6Inkubabuzya ukuti pamo chilipo chimo ichapamwanya nkani ukuchila Inyumba iya Chala. 7#Mat. 9.13Amasimbo ghakuti, ‘Ichisa cho chicho nkulonda, chite ichakwiyipa icha vinyamana awe!’ Nanti mwachimenye chicho amazyu agha ghakung'anamula ngali mutabanenite abantu babo batanangite ukuti bambibi. 8Pakuti u Mwana uwa Muntu we Mwene uwa Isiku Ilyakutuzya.”
U Yesu akumupozya umuntu uwa nyobe indemazu
(Mlko. 3.1-6; Luk. 6.6-11)
9U Yesu akepapo pabuzilo bula nukwinjila munyumba iyakwiputilamo. 10Mulamula mukabamo umuntu uwa nyobe indemazu. Abantu bamo palapala bakalondagha pakumwagha u Yesu ni chifukwa ichakumupelela inongwa, po bakamulalusya bakati, “Nkimba Indaghilo izya Mozesi zikwitikizya pakupozya Pisiku Ilyakutuzya?”
11 #
Luk. 14.5; Hos. 6.6 U Yesu akabamula akati, “Nkimba we wenu umuntu yuyo ing'ozi yache yiwile muchibanka ichibizu Pisiku Ilyakutuzya, atakuyifumyamo? 12Buli nu muntu, yuyo wapamwanya ukuchila ing'ozi? Po Indaghilo zyitu zikutwitikizya pakubomba ichintu ichiza Pisiku Ilyakutuzya.” 13Po akamubuzya umuntu yula akati, “Gholosya inyobe yako.” Akayigholosya inyobe yache, po yikaba sona akiza ngati iyinji. 14Loli aba Falisayi bakepamo nukubuka kuzi pakwivwana namumo bangamughoghela u Yesu.
Uwambombo umusaliwa uwa Chala
15Bo u Yesu azimanya izi, akepapo pabuzilo bula. Abantu abinji bakamukonka, po akabapozya ababine bosi, 16nukubasoka ukuti batakamufumusyanje. 17Akabomba zinizi pakukwanilisya zizyo u Chala akanenela mu mulaghuzi u Yesaya ukuti,
18 #
Yes. 42.1-4
“Uyu we mubombi wane, yuyo namusala
imughanite, sona umoyo wane ghuhobokite nkani nawe.
Inkwiza pakubika Umuzimu wane papache
akwiza pakubufumusya ubwanaloli ubwa Chala
pakasi pa bantu aba inko zyosi.
19Atakwiza pakudalika pamo ukukolomoka,
nayumo umuntu
yuyo akwiza pakwivwa izyu lyache mumisebo.
20Ulutete lulo lunyonganite atakwiza pakulupyola,
pamo ukuzimya ichikoka ichakusuka,
mupaka papo ennya ukuti ubwanaloli bwabombiwa.
21Abantu aba inko zyosi bakwiza pakusubila mumwache.”
U Yesu nu Belezebuli
(Mlko. 3.20-30; Luk. 11.14-23)
22Abantu bamo bakiza kwa Yesu nu muntu umufwamaso nu chinunu pachifukwa chakuti akaba nu muzimu umubibi. U Yesu akamupozya umuntu yula, po akanda pakunena nu kwennya. 23Abantu bosi bala bakaswigha nkani na zizyo u Yesu akabomba. Bakalalusya bakati, “Nkimba uyu angaba Mwana uwa Devedi?”
24 #
Mat. 9.34, 10.25 Loli bo aba Falisayi bivwa zinizi, bakamula bakati, “Amaka ghabo aghakwefezezya imizimu imibibi ghate gha muntu yumo, loli gha Belezebuli usongo uwa mizimu imibibi.”
25U Yesu akazimanya inyinong'ono zyabo, po akababuzya akati, “Nanti ubumwene bwasambukilana bwene-bwene, ubumwene bula butangendelela, sona nanti abantu aba mukaya, pamo aba munyumba basambukilana benebene, akaya kala pamo inyumba yila yitangendelela. 26Nanti akabukatila koka kakulwa na kanji mu bumwene ubwa Satana, ichi chikung'anamula ukuti chigabinkanite kale mutubukatila. Nanti abantu aba munyumba yoka basambukilana, inyumba yila yitangendelela. 27Amwe mukuti ane inkwefya imizimu imibibi pachifukwa chakuti u Belezebuli we yuyo akumpa amaka, po nkimba we wenu akubapa abamanyili binyu amaka aghakwefezezya imizimu imibibi? Polelo imbombo izya bamanyili binyu zyo zikulanjizya pabuzelu ukuti amwe mwananga! 28Loli nanti ane inkwefya imizimu imibibi na maka agha Muzimu uwa Chala, kokuti chikulanjizya ukuti u Chala ikazizye kale Ubumwene bwache pakasi papinyu.
29“Nayumo umuntu yuyo angapankula inyumba iya muntu uwamaka nukusenda ivintu vyache vyosi, pene papo amupinya tasi umuntu uwamaka yula, po angasenda vyosi vivyo akulonda.
30 #
Mlko. 9.40
“Umuntu wesi yuyo akudalinkana nane, kokuti mulwani wane, sona umuntu wesi yuyo atakunyavwa pakubungannya, kokuti akunyampannya. 31Inkubabuzya ukuti abantu bangahobokeliwa imbibi zyabo zyosi na mazyu amabibi ghagho bakunena.#12.31 amabibi ghagho bakunena: Pamo amazyu ghosi amabibi ghagho bakumunenela u Chala. Loli umuntu wesi yuyo akumusamula u Muzimu Umuzelu atakwiza pakuhobokeliwa nalumolumo. 32#Luk. 12.10Umuntu wesi yuyo akumunenela u Mwana uwa Muntu ivintu ivibibi, akwiza pakuhobokeliwa. Loli umuntu wesi yuyo akumunenela u Muzimu Umuzelu ivintu ivibibi atakwiza pakuhobokeliwa nalumolumo ukwandila pakabalilo aka mupaka pakabalilo kako kakwiza.”
Ikwi ni seke zyache
(Luk. 6.43-45)
33 #
Mat. 7.20; Luk. 6.44 “Nanti mukuti, ‘Ikwi ili lyiza,’ kokuti ivikomwa vyache vyope vyiza. Nanti mukuti, ‘Ikwi ili libibi,’ kokuti ivikomwa vyache vyope vibibi. Ikwi likumanyikwa ni vikomwa vyache vivyo likwela. 34#Mat. 3.7, 23.33, 15.18; Luk. 3.7, 6.45Amwe mwe bana aba njoka, munganena buli-buli ubwiza, bo mwe babibi? Pakuti umulomo ghukunena vivyo vyizuye mumoyo. 35Umuntu umwiza akunena ivintu ivyiza vivyo asungite mumoyo wache, wepe umuntu umubibi akunena ivintu ivibibi vivyo asungite mumoyo wache. 36Loli inkubabuzya ukuti pisiku lilyo u Chala akwiza pakubalonga abantu, abantu bakwiza pakulongiwa pachifukwa icha lizyu lyosi ibibi lilyo banena. 37U Chala akwiza pakukunena ukuti we mwiza pamo we mubibi pakubombezya amazyu ghagho wanena.”
Bakumulaba u Yesu ukuti abombe ichika
(Mlko. 8.11-12; Luk. 11.29-32)
38 #
Mat. 16.1; Mlko. 8.11; Luk. 11.16 Abamanyisi bamo aba Ndaghilo naba Falisayi bamo bakamubuzya u Yesu bakati, “Wee Mumanyisi, tukulonda tukwennye ukubomba ichiswigho.”
39 #
Mat. 16.4; Mlko. 8.12 U Yesu akabamula akati, “Abantu abankulilo iyi babibi na basita lusubilo, bakulonda ichiswigho? Awe, loli ichiswigho chene chicho bakwiza pakuchennya, cho chiswigho icha mulaghuzi u Yona. 40U #Yon. 1.17Yona akikala amasiku matatu mulwanda ulwa swi inkulu, umwakuyana bulo, wepe u Mwana uwa Muntu akwiza pakwikala mukasi mwitope amasiku matatu umusanya nu busiku. 41#Yon. 3.5Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe pachifukwa chakuti bakapinduka nukuzileka imbibi zyabo bo bivwa u Yona akulumbilila. Ilelo inkubabuzya ukuti pano pali ichintu chimo ichikulu ukuchila u Yona. 42#1 Abm. 10.1-10; 2 Imb. 9.1-12Pisiku lilyo u Chala akwiza pakubalonga abantu abankulilo iyi, u mwene umukolo uwa mu Sheba akwiza pakuzyuka kubufwe nukubasusya amwe pakuti akenda ukufuma muchisu icha kukwabo pakwivwa ubumanyisi ubwa mahala ubwa Mwene u Solomoni. Ilelo inkubabuzya ukuti pano pali ichintu chimo ichikulu ukuchila u Solomoni.
Nizya kunyokela kwa muzimu umubibi
(Luk. 11.24-26)
43“Bo umuzimu umubibi ghukwepamo mu muntu, ghukwenda-kwenda muchisu ichumizu pakulonda ubuzilo ubwakutuzyapo. Nanti ghutakubwagha bumo, 44ghukunena ukuti, ‘Inkunyokela sona kunyumba yane.’ Po ghukunyokela nukuyagha inyumba yila yite nako kamo mukasi, sona yiswepite nukuyaniziwa akiza. 45Po ghukubuka kuzi nukusenda iyinji seveni yiyo mibibi nkani ukughuchila uwene, po yikwiza nukwikala mulamula. Pabumalilo akabele aka muntu yula kakuba kabibi ukuchila mumo akabela pakwanda. Ichi cho chicho chikwiza pakubombiwa pakasi pa bantu ababibi abankulilo iyi.”
Unyina na bawamwabo aba Yesu
(Mlko. 3.31-35; Luk. 8.19-21)
46Bo u Yesu achili akunena na bantu bala, unyina na bawamwabo bakafika. Bakimilila kuzi, bakalondagha pakunena nawe. 47Umuntu yumo akamubuzya u Yesu akati, “Unyoko na bawamwinyu bali kuzi bakulonda pakunena nawe.” 48U Yesu akamwamula akati, “Nkimba umayi wane we wenu? Nkimba abawamwitu bo bawenu?” 49Akasonta abamanyili bache nukuti, “Umayi wane na bawamwitu bo aba. 50Pakuti umuntu wesi yuyo akubomba zizyo Utata wane uwa kumwanya akulonda, we wamwitu, we muyemba wane, sona we mayi wane.”
Valið núna:
Matayi 12: LMBNT2016
Áherslumerki
Deildu
Afrita
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Lærðu meira um Ulufingo Ulupya