Popular Bible Verses from Matthew 15

Deildu

Yaḵon sa tumoḵwaḻ si sungadna, maḻpu'tte pusuna ya siya mibelang aḵ angaissaw ḵan siya si antotollong Apudyus. Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

Sa mibelang aḵ angaissaw atte tagu si antotollong Apudyus, daḵampun atte lumnoḵ si sungadna yaḵon sa tumoḵwaḻ atte sungadna.”

“ ‘Da annae tagu, dayawonda saḵon si sungadda, yaḵon adayu somsomoḵda ḵan saḵon. Ippun paat daḻat ni andayawanda ḵan saḵon te sa ituttududa abus da ugali ye ḵingwan da tagu ḵad ibagadae bilinḵu.’ ”

Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Yaḵon sa sadi ye bubai, amo ummoy nanalluḵu si sinagung Jesus woḵ ḵanana, “Apu, ḵadaguwanaḵ ḵappos ta badanganaḵ.” Ḵanan Jesus we nangipani, “Daḵampun aḵ ambaḻu nu ipaḵanta ḵanon ni abeng atte asu.” Ḵanan ni bubai, “On Apu, yaḵon taḵon ay da asu ḵanonda da dadaḵon ni apuda nu anganda.”