Popular Bible Verses from Matthew 16

Deildu

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Pun ibagaḵ ḵan siḵa, siḵa'ḵ Peter, batu piona ḵanan. Ḵad sa annae labaw ni batu antaḵadaḵ si simbaanḵu we da losane amati ḵan saḵon. Ḵad naippun angngog ḵan dida taḵon ay ḵabooḻan ni ḵatoy, adinapun lamog oḻgon dida.

Ittoḵ ḵan siḵa tuḻbiḵe sa piona ḵanan sa ḵaḻabbongan atta tagu we midoga si ampangatana. Ḵad ngaimane iyadim si annae luta, iyadin os Apudyus ad langit. Ngaiman ose iyunudnu si annae luta, iyunud os Apudyus ad langit.”

Te ngaimane angipatog atte long-agna, matoy pos pagay. Yaḵon sa angiḵatoy gapu si pammatina ḵan saḵon, itton Apudyus ḵan siya biyag aḵ inggana.

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun! Te naippun maḵwa'ḵ ipasanin ni tagu'tte biyagna.

Ḵanan Jesus, “Diḵayu ḵad, ngaiyaḵ atte ḵasomsomḵanyu?” Ḵanan Simon Peter, “Siḵa Kristu we Abeng ni matattagu we Apudyus.”

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.