Luke 16
16
1A ngaƋa ta golahi nenga'a:
Ndo mèshèlè ngiƋè a n'ngots ndo mɓera na skwi na. A ndo ngiƋè a mpüno: a ngedassa ka skwi ngaya, ar na. 2A mbaha na, a ngaƋa na: I tsena ma mè a géƋ ngaya? Ngray Ƌèlèwèr man ka windeda mizlinè ngaya a pa! Ka slaha ka ɓer skwi ga ɓai! A ndo mɓer skwai a nhuro. 3I da gi ma kè? Bi ga a cèmay mizlinè ga. I slaha a i pizhè ɓai. I gi hori a i hèsh skwai. 4I sun maya man i da gia'a, aman a pats man ta cèmay mizlinè ga, ndohi ngiƋè ta da fiyè a gi ta.
5A mbaba ta ndohi goƋèrè bi nenga'a, a ngaƋa na nshèlèkura'a: GoƋèrè bi ga a sam ngaya ngama? 6A nenga'a a ngaƋa: Mbar gongong 100. A ngaƋa na: Co Ƌèlèwèr goƋèrè ngaya, a ka windeda pa 50, tsam tsam.
7A ngaƋa na ngiƋè: Ka, goƋèrè a géƋ ngaya ngama? A nenga'a a ngaƋa: Dau, bho 500. A nenga'a a ngaƋa na: Co Ƌèlèwèr goƋèrè ngaya, a ka windeda pa 400. 8A bai a nslubordo ndo mɓer skwi nenga'a man nzura'a ka ɓai, a géƋ maya man a gau. Aman ndohi herkeda haha ta fena ndohi skwi nhél sam a maya, man ta gia'a, ngiƋè a sam ngiƋè. 9Vagu aman kin ngècè mandalahai, a nda skwi mèshèlè herkeda man zura ka ɓai. A pats man suli klèng, ta fè kinè a gi te zhiklè te géƋè'a.
10Ndo man a lèɓèslè te skwi nkèshèa, a lèɓèslè te skwi mbia'a ba. Ndo man a gi zura'a azɓai te skwi nkèshèa, a gi zura'a azɓai te skwi mbia'a ba. 11Aman kin lèɓèslè ɓai te skwi mè shèlè man zura ka ɓai, nda va kinè skwi nzura'a a ri wa? 12Aman kin da lèɓèslè ɓai te skwi ndo ngiƋè, nda va kinè skwi kinè a ri wa?
13'Bèl azɓai, man a slaha a ngi mizlinè babgihi na cèw. Gar a gi shèwa a staƋ, a woy ngiƋè a ndav na, gar a gshè va a staƋ, a kwola ngiƋè. Kin slaha kin gi ɓèl Zhiklè, a ɓèl skwi mèshèlè cèw ɓai.
14Ma haha, ko ndohi pharisie man ta woy suli kumba, ta tsena'a, a ta ɓeslè di a pa. 15A ngaƌa ta:
Kinè ndohi man kin tsoko gèƌ kinè auda a ri kinè, a kin gaƌa: nga ndohi nzura'a. Aman Zhiklè a sun ndav kinè. Skwi man ndohi ta fu a skwi mbia'a, a ndara na Zhiklè. 16Ma kita Zhiklè, a ma ndohi nhadka ma a ndo a ma ma, ha ndika na ma Jean. Te deɓa'a ta njè ma mbela'a te kokwar Bi Zhiklè; staƌ staƌ tèlèba a Ƌè a pa a wuƌi a va.
17Dara giƌfèk a herkeda ta ndiv ta, a géƌ skwi nkèshè'a te ƌèlèwèr Zhiklè a zi na. 18Ko wawa man a kwola ngwoz, a cè ngiƋè, a gi mphömè. Ko wawa man a cè ngwoz, man ndo ngiƋè a nkwola'a, a gi mphömè.
19Ndo mèshèlè ngiƋè a fa maslaka mbela'a a va, man a shum azɓai, a n'nza, a n'ngots skwi tèlèba, a wuffè, a wèl va pèc pècèk. 20Ndo ntawassa'a ngiƋè, nzlembaƋ na Lazare, a m'mana a ntamagi nenga'a, mblè kumba a va, 21a woya a ndi boborƋia'a, man a nwushahai a sam skwi n'ndi ndo mèshèlè. A kdadihi ta shkè, a ta nèkèƋè mble nenga'a. 22Te deɓa'a ndo ntawassa'a a m'mets na, a golahi Zhiklè ta zuɓda a sam Abraham. A ndo mèshèlè ba a m'mets na, a ta rda a vèvèƋ.
23Skwa a ndza na a vata a sam m'metsai. A mpu di a Zhiklè, a nrka Abraham dra, ta nza a Lazare. 24A mbaba na, a ngaƌa: Abraham, Bab ga, i da se ka te va, zlündo Lazare, a nècko iyam a kra ri nenga'a, a nècèy a nè'èn ga, a ntaslayè! I si mata kwan a vata te ndev vogwa haha. 25Abraham a ngaƋa na: Huro, a kra ga, te va man ka zhè a geƋ herkeda, ka ngots skwi ngaya man amba, a Lazare a n'ngots skwi man ambaɓai. Antanta ta biƋè"a a haha, a skwi mwuƋitpa a ga ka.
26Te ndev nga a kinè, slrats mbia'a. Aman ndohi haha ta woya a ta Ƌè ahngata, ta slaha ɓai. A ndohi ahngata ta slaha ta shkè a haha ɓai. Ndo mèshèlè a ngaƋa na: 27I tsa ka rai, a bab ga, aman ka zlinƋè Lazare a gi bab ga. 28Kramamhi ga zlam ngiƋè ta zhè, da ngreda ta skwi haha, aman ta da shkè a sam matakwan mbia'a haha ɓai.
29Abraham a ngaƋa na: Ta ngots ma Moise, a ma ndohi nhadka ma. Sèi ta cinè nenga'a. 30A nenga'a a ngaƋa: A'ai, Abraham, Bab ga, sèi ndo man a shkè auda te m'metsai, a ndo a sam ta, a ta ngwèƋè ndav ta. 31A nenga'a a ngaƋa na: Aman ta tsena ma Moise a ma ndohi nhadka ma ɓai, ta cè ma ndo man a shkè auda te m'metsi azɓai, lèmèlèmè.
Nke Ahọpụtara Ugbu A:
Luke 16: MAFNT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mofa New Testament © The Bible Society of Cameroun, 1989