MATYOO 3

Zyaŋ Bàɓtis a kakali ɓum ɓìɓan ɓi Bɛ̀ll

1Ɓi cààmɛ̀n kiǹ Zyaŋ Bàɓtis à peeghày ɓi-reɓ wu a Zyude, à kakàlì ɓum ɓìɓan ɓi Bɛ̀ll. 2À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog. 3Zyaŋ yɛɛ rì ŋwaànɛ ǹkpaŋzì-ɓìɓan Ezayii à ɓugà yɛ̀ɛ à kpaaghà lɛ:

Jɛ̀ɛ̀ ìnɛ ì rì jɛ̀ɛ̀ ì roànɛ a làalamɓɛ̀n yì ɓi-reɓ lɛ: Pègsɛɛna bee yi Kan, ɓì rɛsàg yɔ lɛ saaɗ.

4Zyaŋ à waatɛ̀ngà kìlàà ki ɓɛ toŋi rì nyùŋ yi syàmo, à sìnɛ̀n kànɗa à gòò ì nyàm ɓi kìɓon; à ɗiɗìghà lɛ, rì ɓìtàtàɗ, rì mɔ̀ɔ mɛ ilòò mɛ ɓɛ Pisii yì ɓi cog. 5Fɔɔnnɛ ɓumɓɛ a Yorisalɛm, rì ɓɛ ɓi ziì Zyude bimiɗ, rì ɓɛ ɓi kòdò bimiɗ ànɛ à wuɓsɛɛ Zyuridɛŋ, ɓɛ yuyùghà a lɔ̀ŋkii; 6ɓɛ kpakpàg ɓìɓe ɓyaa, Zyaŋ à ki ɓàaɓaɓtì ɓɔ ɓi ǹsyòm wu lɛ Zyuridɛŋ.

7Yɛ̀ɛ Zyaŋ à ghɛngà di Ɓɛ̀fàrìzyɛŋ ri Ɓɛ̀sàdùsyɛŋ lɛɛ̀gwey ɓɛɛ̀ yùyuiy a lɔ̀ŋkii lɛ ɓɛɛ ɓaɓti ɓɔ, nni à kpaaghà ɓɔ lɛ: Mini ɓumɓɛ ɓɛ pisɛɛ ɓìgòm ɓɛ! Ghɛn yɛɛ reɓi mìni lɛ ɓi ghɛŋi rìbaŋì ɗi Bɛ̀ll ɗi ɗi tiì? 8Kikiina min ɓiɓan ɓi ɓyɛɛ resi lɛ ɓì mɛ lɔ̀ɔ̀ghrɛn mɛrèm. 9Kɛ̀ ɓi fèg lɛ, lɔŋ rìkpaa ɗi lɛ, Abiraham à rì seŋi wìs ɗi ghɛɛ̀sɛɛ. Ǹkalii mìni lɛ: Bɛ̀ll à rì lɛ à ghaasì gɔ̀g yi ɓɔn ɓɛ Abiraham. 10Fìseŋ fyɛɛ ti gì kɔmiɗ lɛ fìnɔ̀ŋziyɛn a gaŋ yi ɓite. Fɔɔnnɛ kìte kicèm ki kaa wum ɓi ɓiɗùn ɓi syeesyee, ɓɛ ɓiì rengii kɔ ɓɛ woǹ ɓi ɗuù. 11Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò. 12À rìì rì mɛ̀tɛŋkɛlɛ mii ɓi càg, fɔɔnnɛ à ɓiì fyɔnì kìbog kii à foŋ gèŋ i cag-cag ɓi ɓìkàɗ; wɔ̀lɛ à tɔ̀n ɓìkoroɗ ɓi ɗuu ɗi ɗyɛ̀ kɛɛ̀ ɗimi.

Bàɓtis ì Yeesus

(Mk. 1:9-11; Lk. 3:21-22)

13Nni Yeesus à pɛ̀sɛ̀ngày a Galile à yù ɓi Zyuridɛŋ yɛ̀ɛ Zyaŋ lɛ a ɓaɓti nyi. 14Wɔ̀lɛ Zyaŋ à ɓèngà nyi kì ɓàɓtii à kpaa lɛ: Mɛ̀ yaa ghɛ̀ɛ̀sɛɛ lɛ, ǹ-yù a lɔ̀ŋkɔɔ lɛ u ɓaɓti mɛ̀, nni lannɛ wɔ̀ yɛɛ ki yuù yì a lɔ̀ŋkɛm̀? 15Yeesus à ɓàg nyi lɛ: Gherɛn lɛ kɛɛ kilɛn fɔlɔɔ ɓigomìnɛ lɛ, tì ghɛ̀ɛ̀sɛɛ lɛ tì roòzì ɓìɓan ɓìcèm ɓi Bɛ̀ll a tɔtɔ̀g. Fɔɔnnɛ Zyaŋ à ki ɓunɛ̀ngà min. 16Lɔŋ yɛ̀ɛ ɓɛ ɓaɓtìghà Yeesus, à kpaŋ yì ɓi mɛ̀nig, nni ɗyoo ɗi nɛmɓɛ̀ngà à ghɛn di Nghay à Bɛ̀ll a sɛnsɛn yi yɛ̀ɛ kuùkuù, à yùyùy nyi ɓi nyoo. 17Nni jɛ̀ɛ̀ ì ɓaghày ɓi ɗyoo ì kpaa lɛ: Roànɛ à rì Man wɛm̀ ànɛ ǹkeesii, ɓi nyi nnɛ ǹfogà ǹkɔ̀nɛ̀n wɛ̀m bimiɗ.

Nke Ahọpụtara Ugbu A:

MATYOO 3: BAFNT

Mee ka ọ bụrụ isi

Kesaa

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Mụtakwuo maka Bafia Nouveau Testament

MATYOO 3

Amaokwu Akwụkwọ Nsọ Ndị Ama Ama siteré na
MATYOO 3

Geere nke a ntị MATYOO 3

Akwụkwọ Nsọ:

Bafia

Udi: Bafia Nouveau Testament - BAFNT

MATYOO 3

MATYOO 3

Amaokwu Akwụkwọ Nsọ Ndị Ama Ama siteré na MATYOO 3

Geere nke a ntị MATYOO 3

Akwụkwọ Nsọ:

Bafia

Udi: Bafia Nouveau Testament - BAFNT

MATYOO 3

Amaokwu Akwụkwọ Nsọ Ndị Ama Ama siteré na
MATYOO 3