Vakatekivu 4
4
O Keni kei Epeli
1Erau sa veiyacovi o Atama kei na watina, ka sa bukete o Ivi ka vakasucuma e dua na gonetagane, ka sa kaya, “Au sa rawata#4.1 rawata: Na vosa oqo e balebale vaka na “Keni” ena vosa vakaiperiu. e dua na gonetagane mai vei Jiova.” A sa vakatoka kina o Ivi me yacana o Keni. 2A sa vakasucu tale o Ivi ka vakasucuma e dua na gonetagane ka vakatoka me yacana o Epeli. A sa qai yaco me dauvakana manumanu o Epeli, ka dauvakayagataki qele o Keni. 3Ni oti e dua na gauna, a sa kauta eso na vua ni qele o Keni ka vakacabora me nona i madrali ni vakavinavinaka vei Jiova. 4A sa kauta talega mai eso na ulumatua ni nona manumanu urouro vinaka o Epeli ka vakacabora vei Jiova me nona i madrali ni vakavinavinaka. A sa vakadonui Epeli o Jiova kei na nona madrali,#Ipe 11.4 5ia sa sega ni vakadonui o Keni kei na nona i madrali. A sa cudru vakalevu o Keni ena ka oqo, ka sa rarawa vakalevu sara na matana. 6A sa kaya vei Keni o Jiova, “A cava o sa cudru kina? A cava sa rai vakaca kina na matamu? 7Kevaka sa vinaka na nomu i madrali, o na mata mamarau tiko;#4.7 o na mata mamarau tiko; se ke'u a ciqoma na nomu vakacaboisoro. ia me vaka na nomu sa caka cala, sa wawa koto na i valavala ca e mata ni nomu katuba me vakacacani iko. Sa vinakata me lewai iko, ia mo vakamalumalumutaka ga.”
8A sa kaya o Keni vei Epeli na tacina, “Me daru lako mada ki veikau.”#4.8 Eso na i vakavakadewa makawa (Sam Gk Syr Vg) “Me daru lako mada ki veikau”; E yali oqo ena kena vakaiperiu (MT). Ia ni rau tiko mai veikau, sa qai tucake o Keni ka vakamatei Epeli na tacina.#Ym 10.3; Maciu 23.35; Luke 11.51; 1Joni 3.12 9A sa tarogi Keni o Jiova ka kaya, “Sa evei o Epeli na tacimu?” Sa qai sauma o Keni ka kaya,
“Au sega ni kila, oi au beka na i vakatawa kei taciqu?” 10A sa qai kaya o Jiova, “A cava o sa vakayacora kina na ka oqo? Na dra i tacimu sa tagici au mai na qele, me vaka na domona e dua sa via sauma lesu na ka sa vakayacori vua.#Ipe 12.24 11O iko o sa cudruvi, ka vakasavi tani mai na vanua, ka kena qele sa gunuva na dra i tacimu ena nomu a vakamatei koya. 12Ena gauna o teivaka kina na qele, ena sega ni vuavuai vinaka. Ia o na dauveidroyaki ka veilakoyaki voli ga ena dela i vuravura.”
13A sa kaya o Keni vei Jiova, “Sa rui bibi na kequ i totogi, ka'u na sega ni colata rawa. 14O ni sa vakasavi au edaidai mai na matamuni kei na vanua oqo. Au na tiko vuni talega e matamuni. Au na veidroyaki ka veilakoyaki voli ga ena dela i vuravura, kevaka talega e dua e kunei au, ena vakamatei au.”
15Ia sa kaya lesu vua o Jiova, “E sega. Kevaka e dua sa vakamatei iko, ena saumi lesu vakavitu vua na nona cala.” Ena ka oqo, a sa biuta kina vei Keni o Jiova e dua na i vakatakilakila me kakua kina ni dua e vakamatei koya kevaka sa kunei koya. 16A sa lako tani yani o Keni mai na mata i Jiova, ka la'ki tiko ena vanua o Noti, [a kena i balebale, “Veilakoyaki”] ena tokalau kei Iteni.
Na Kawa i Keni
17E rau sa tiko vata o Keni kei na watina, a bukete ka vakasucuma e dua na gonetagane, a sa vakatoka me yacana o Inoki, a sa tara e dua na koro me rau veiyacani kei na luvena tagane. 18A sa sucu o Erati na luve i Inoki, ka sa sucu o Mejueli na luve i Erati: a sa sucu o Mecuseeli na luve i Mejueli: a sa sucu o Lemeki na luve i Mecuseeli. 19E rua na wati Lemeki; e dua vei rau na yacana o Eta, ka kena i karua o Sila. 20Na luve i Eta o Jepali, na nodra qase na dauvakana manumanu ka ra dau tiko ena valelaca. 21Na yaca i tacina o Jupali, na nodra qase na dauvakatagi api kei na dauniuvu i vakatagi. 22Na luve i Sila o Tubali Keni, o koya sa cakava na i yaya kece vakamatai#4.22 o koya sa cakava na i yaya kece vakamatai; E dua na i vakavakadewa makawa na nodra qase na matai ni kaukamea. mai na parasa kei na kaukamea. Na yaca i ganei Tubali Keni o Neama.
23A sa kaya o Lemeki vei rau na watina,
“I Eta kei Sila, mo drau rogoci au mada:
Au a vakamatea e dua na tamata
baleta ni a vakamavoataki au.
24O koya ena mokuti Keni,#Maciu 18.22
ena saumi vua vakavitu;
Ia o koya ena mokuti au,
ena saumi vakavitusagavulu kavitu vua.”
O Seci kei Inosi
25A sa sucu tale e dua na luvedrau tagane o Atama kei na watina. A sa kaya o Ivi, “Na Kalou e sa solia e dua na gonetagane me i sosomi kei Epeli, o koya ka sa vakamatea o Keni.” A sa vakatoka kina me yacana o Seci.#4.25 Seci: Na yaca oqo e balebale vaka na “sa solia” ena vosa vakaiperiu. 26Sa sucu e dua na gonetagane na luve i Seci, ka vakatoka me yacana o Inosi. Mai na gauna o ya, era sa tekivu vakayagataka kina na yaca tabu i Jiova na tamata ena nodra sokalou.
Nke Ahọpụtara Ugbu A:
Vakatekivu 4: FNVDC12
Mee ka ọ bụrụ isi
Kesaa
Mapịa
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fig.png&w=128&q=75)
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Fijian New Version including Deuterocanonical Books © Bible Society of the South Pacific, 2012.