Ageun 11
11
1 #
Asw 2:6. Akwap kere ajai aŋajep adiopet, ka einer ediopet. 2#Dan 1:2. Kosodete kobwota kesi kide, kodumut apuuton kakwap naka Sinar; kiboioto kanen. 3Kotemanaros atiar, “Tkatuna, keswamata amatapalin, kecweata cut.” Koiaas kamatapalin aibois naka amor; alupot da aibois naka elupe. 4#Ikis 1:28; Yok 5:44; Luk 1:51. Kinerasi atiar, “Ikatuŋa, kadukoto ere ka etogo loeoia noi, loedoli aidike toma akuj, kadumuniata ekiror; kenyeis aisiarakin akwap kere.” 5#Age 18:21; Sab 33:13; 53:2. Kodoku EJAKAIT kwap aanyun ere ka etogo loeoia noi loadukete idwe luka ituŋa. 6#Sab 2:1,4. Kotema EJAKAIT atiar, “Koany, eraas ŋulluka adiopeteker, ido eraas kesi kere luka aŋajep adiopet, ido napena ŋes egeunito kesi aswam; emamei do ibore yenekurwokini kes, yenekotosi aswam. 7#Age 1:26; 42:23; Ikis 28:49; Yer 5:15; Asw 2:4-11; 1 Kor 14:2,11,23. Aso, kadokasi kwap, kenyalinyalatakanen anaiepakec, kinye ninituŋanan ajenun einer loka yenice.” 8#Age 10:25-32; Sab 92:9; Awa 19:29; Luk 1:51. Kwaŋin kisiarak EJAKAIT kes cut anyoun kaŋina kikaaros akwap kere: kinyeis kesi aiduk ere. 9#1 Kor 14:23. Ŋes kemaikinere ekekiror Babel, naarai kanen ŋes enyalinyalia EJAKAIT aŋajep naka akwap kere; ido kaŋina kisiarak kes EJAKAIT akwap kere.
10 #
1 Siit 1:17-27. Na ŋes aur naka Sem. Adaunit Sem ikar akwatat, kouru Arupakusad ikar iarei akaulo kakalele. 11Kodau Sem ikar akwat akany kedau aur Arupakusad, kouri idwe lusap ka lupesur.
12 #
Luk 3:35. Kodau Arupakusad ikar akaisauni ka lukany, kouru Sela; 13Kodau Arupakusad ikar akwat aoŋon ka iuni, kedau aur Sela, kouri idwe lusap ka lupesur,
14Kodau Sela ikar akaisauni, kouru Eber: 15Kodau Sela ikar akwat aoŋon ka iuni kedau aur Eber, kouri idwe lusap ka lupesur.
16 #
1 Siit 1:19. Kodau Eber ikar akaisauni ka luonon, kouru Peleg: 17Kodau Eber ikar akwat aoŋon ka akaisauni kedau aur Peleg, kouri idwe lusap ka lupesur. 18Kodau Peleg ikar akaisauni, kouru Reu; 19Kodau Peleg ikar akwat aarei ka ikanykaoŋon kedau aur Reu, kouri idwe lusap ka lupesur. 20Kodau Reu ikar akaisauni ka luarei, kouru Serug; 21Kodau Reu ikar akwat aarei ka ikanykaarei kedau aur Serug; kouri idwe lusap ka lupesur. 22Kodau Serug ikar akaisauni, kouru Nakor; 23Kodau Serug ikar akwat aarei kedau aur Nakor, kouri idwe lusap ka lupesur.
24Kodau Nakor ikar akaisaarei ka lukanykaoŋon, kouru Tera: 25Kodau Nakor ikar akwatat ka itomon ka lukanykaonon kedau aur Tera, kouri idwe lusap ka lupesur.
26 #
Age 12:1; Yos 24:2; 1 Siit 1:26. Kodau Tera ikar akaisakanykaarei, kouri Aburam, ka Nakor, ka Karan. 27#Age 12:4; 13:10; 14:12; 19:1,29; 2 Pet 2:7. Na ŋes aur naka Tera. Tera kouri Aburam, ka Nakor, ka Karan; Karan kouru Lot. 28Kotwanik Karan neejai papake Tera toma akwap naaurikinio ŋes, toma Ur akwap naka Ikaludean. 29#Age 17:15; 22:20. Komanyata Aburam ka Nakor aŋor, ekiror loka aberu naka Aburam ŋes Sarai; ka ekiror loka aberu naka Nakor, Miluka, akokuke ka Karan, papake ka Miluka, ido papa loka Isika. 30#Age 16:1. Kerai Sarai arakan; komamei ŋes ikoku,
31 #
Nek 9:7; Asw 7:4; Bur 11:8; Age 10:19. Koyana Tera Aburam okokuke, ka Lot okoku loka Karan, opapaitike, ka Sarai aberu naka okokuke; konyout kesi kakwap naka Ur naka Ikaludean alosit toma akwap naka Kanaan; kodoloto Karan, kiboienenete kanen. 32Apaarasia nuka Tera kes ikar akwat aarei ka ikany: kotwanik Tera Karan.
Nke Ahọpụtara Ugbu A:
Ageun 11: AOV1961
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Ateso Old Version Bible © United Bible Societies, 1961.