Acak 10
10
Ëkwaë ka Noa
1Man ënë cöc na nyutho ëkwaë ka Cem, Kam ëka Yapec awope ka Noa n'obino önywölö gïnï ëthïnö na pol kinge abwal pii.
Ëkwaë ka Yapec
2Awope ka Yapec gïn ene:
Gomer, Magog, Madai, Jaban, Tubal, Mecak ëka Tirac.
3Awope ka Gomer gïn ene:
Acikenaj, Ripat ëka Togarma.
4Awope ka Jaban gïn ene:
Elica, Tarcic, Kitim, ëka Rodanim. 5Jö na tye ï dhö nam opokere gïnï ökö kï ï kom jö nön. Man ënë ëkwaë ka Yapec kï lobogï, nakun ngat acëlacël twakö lëbgï, na calö kakagï kï rokgï tye ködë.
Ëkwaë ka Kam
6Awope ka Kam gïn ene:
Kuc, Ejip, Put ëka Kanaan.
7Awope ka Kuc gïn ene:
Ceba, Kabila, Cabta, Raama ëka Cabteca.
Awope ka Raama gïn ene:
Ceba ëka Dedan.
8Kuc onwongo obedo apap ka Nimrod, n'öcakö bedo alwëny na tëk kï ï wi lobo. 9Ën onwongo obedo thwön adwar na tëk ï nyim Rwoth, ënë ömïö ekobo nï, “Calö Nimrod n'obedo thwön adwar na tëk ï nyim Rwoth.” 10Acaki më löc mërë onwongo obedo ï Babel, Erek, Akad ëka Kalne, na tye ï lobo Cinar. 11Cakërë kï ï lobo nön, ën öcïdhö naka ï Aciria, kanya ën ögërö ïë Ninebe, Rekobot Ir, Kala, 12ëka Recen, n'obedo kabedo na tye ï kin Ninebe kï Kala, manön ënë pacö na dit.
13Ejip#10:13 Ejip onwongo thon ecwodo nï Micraim. onwongo obedo apap ka jö Lud,#10:13 Jö Lud obedo jö Lidia. jö Anam, jö Leab, jö Naptuk, 14jö Patruc, ëka jö Kacluk (man ënë kaka na Pilicitain öya gïnï kï ïë) ëka jö Kaptor.
15Kanaan onwongo obedo apap ka
Cidon athïn kaö mërë, ëka jö Kit, 16jö Jebuc, jö Amor, jö Girgac, 17jö Kibi, jö Arka, jö Cin, 18jö Abad, jö Jemar, ëka jö Kamat.
Kinge, kaka ka jö Kanaan ökëth gïnï ökö. 19Wang lobo ka jö Kanaan öcakërë kï ï Cidon odok ködë yo kutung Gerar, më thuno ködë naka ï Gaja, ëka dök ködë yo Codom, Gomora, Adma ëka Jeboim më thuno ködë naka yo Laca.
20Man ënë awope ka Kam na lübërë kï kakagï ëka lëbgï, ï kabedogï ëka ï rokgï.
Jö Cemiti
21Cem ömïn Yapec na dit obino önywölö awope thon, Cem ënë onwongo obedo kwarö k'awope ka Eber kïbëc.
22Awope ka Cem gïn ene:
Elam, Acur, Arpakcad, Lud ëka Aram.
23Awope ka Aram gïn ene:
Uj, Kul, Geter ëka Mac.
24Arpakcad onwongo obedo apap ka Cela,
ëka Cela onwongo obedo apap ka Eber.
25Eber obino önywölö awope arïö:
Ngat acël ebino ëcakö nyïngë Peleg, pïën ï karë mërë ënë jö më lobo obino opokere, ömïn mërë ebino ëcakö nyïngë Yokotan.
26Yokotan onwongo obedo apap ka
Almodad, Celep, Kajarmabet, Jera, 27Adoram, Ujal, Dikla, 28Obal, Abimael, Ceba, 29Opir, Kabila ëka Jobab. Man ënë onwongo obedo gïnï awope ka Yokotan.
30Lobo na gïn onwongo obedo gïnï ïë öcakërë kï ï Meka, ödök ködë yo kutung Cepar ï lobo n'otingere malö na tye yo kukïdë.
31Man ënë awope ka Cem, na lübërë kï kakagï ëka lëbgï na tye ï lobogï ëka rokgï.
32Man ënë kaka k'awope ka Noa, na lübërë k'ëkwaëgï, ï kin rokgï. Rok öcakö këth ï wi lobo thükül kinge abwal pii.
Nke Ahọpụtara Ugbu A:
Acak 10: ThurM
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Wycliffe Bible Translators, Inc., © SIL Uganda, All rights reserved