Lukah 20
20
Ɗa kapalang tou Yahudi ɗapatuturunya na kuaha-Na hi Yehu
(Mat. 21:23-27; Mrk. 11:27-33)
1Einya nama hangina na laɗɗu, hi Yehu ana peaka-panungaja ʄaka ana patomanya na Lii Kalung ta tou ɗama eija ta ɓei Umma pingi pahabayangu tou Yahudi. Ɗa kapalang imam,#20.1 Imam ʄiayak natou nama ta paɗuana hi Alla ʄaka na tourara. ɗa gurr agama tou Yahudi, ɗamaraija ɗa ɓei tou Yahudi amija, 2hiɗa panewi lahi Yehu, “Kaum peakapagama bayaka wali yana nakuahamu ngaladukana nahawolumu nei? Gearaya nama woagu kuaha?”
3Hi Yehu napagaping, “Nyouwa kubuha ʄellang papatutur. Kami peaka ʄellaganyah, 4hi Yohanih ana ihu tou, geara kuahananya nahawaina? Hi Alla, a da tourara?”
5Walihouɗaka aɗa pakeahang aɗa palaumainya pangaɗang, hiwiɗa, “Awidakaka, ‘Waingu kuahana hi Alla,’ enga winada peala, ‘Atounoukaɗina ga nyiami hi dami mannilinya?’ 6Jiaɗinguka awidakaka, ‘Kuaha touraraya,’ ngaladukaɗa ɗa tou enga ɗakaɓeanada watu, kaɗang ɗamanninya hi Yohanih hatou nabiya.” 7Jiayak hiɗa pagapinya, “Nyiama dama peamanya.”
8Manga hi Yehu napanewi ɗengaja, “Adami peakakaganyak, Nyouwa dakupeaka ʄellamagiminya gearaya nama woa-Ga kuaha Akwoluya ngaladukana nou.”
Na lii-pangearang tou ɗama kaheawaya na kahibu anggur
(Mat. 21:33-46; Mrk. 12:1-12)
9Hi Yehu nalolukuɗanya ɗa tou, na lii-pangearang hadanni, “Einya hatou nama hamula ta kahibu anggur. Na kaheawaha touma pirraha ɗama kerang ta kahibu manga hina halaku ta tana tou ʄaka na enga madeingu. 10Tomayak na rahi pupuɗaja ɗa wua anggur, na moiri kahibu napaleawaya hatou na atan liha ɗekiha ɗa taguna waling ta tou ɗama kaheawananya na kahibu anggurun, ʄiaɗinguka ɗapaluya na ata nou ʄaka ɗahaɓali kaluanya. 11Manga na moiri kahibu napaleawaliya hatou na atana; ʄiaɗinguka ɗapalu ʄellapayah hiɗa pamakiiya ʄaka hiɗa paleawaya anaɓali kalua ʄella. 12Na moiri kahibu nou nahilupaleawaya na atana ɗapa touma tilluwaiha. Jiaɗinguka na ata nou ɗapaluya huda ana manunga ʄaka ɗakawuhukunya ta habali kahibu. 13Jiayaka na moiri kahibu hiwina, ‘Gana ikanyaka nahawolugu? Nounam kupaleawakayaka na ana wikig napanamu-Gu. Enga pa-akaɗiɗanya!’ 14Jiaɗinguka ɗama kaheawaya na kahibu nou ɗa itaya na anan na moiri kahibu, pawiɗang wikiɗa, ‘Nei ʄiayaka nama taguja ɗahapoatin na aman. Maiya kahamatiya, kapiaku kollidanya na kahibu natagun.’ 15Jiayaka hiɗa wealaya ta habali kahibu hiɗa hamatiya.”
Manga hi Yehu patuturnanyak, “Atouhoukaɗak na moiri kahibu nou ana ɓalikak gana ikanyaka nahawolunaja ɗama kaheawaya na kahibu? 16Enga aminya ana hamatiha ɗama kaheawaya, manga hina woaya na kahibu ta tou hawanguk.”
Ɗa ranguyaka nou panewiɗanyaka ɗa tou lahi Yehu, “Dana ʄaʄimang agananya nahawimung!”
17Hi Yehu napateti bolluja hi winaja, “Atounoukanaka, gananya na ihin ta matan nei ta Hurat ɓakul?#Hurat Loɗuna hi raja Daut 118:22
‘Na watu dapahilu waiɗa ɗa tou ɗama wolu umma, naʄaʄika watu keri-illi.’#20.17 watu keri-illi ʄiayak watu nama kullih napawaingu ʄaʄi watu keri-illi umma.
18Ngaladukaɗa ɗama manaꞌu ta watu nou ɗa marugut; ʄaka agearakayak na hapitaku watu naʄaji awu.”
Nalara patamangu hikatikku
(Mat. 22:15-22; Mrk. 12:13-17)
19Ɗa gurr agama tou Yahudi ʄaka ɗa kapalang imam ɗapeanya na lii-pangearang nou amahagang lahi ɗuɗaya. Tounounaka, hiɗa kabu ating pa apaya hi Yehu ta rahi nou ʄella, ʄiaɗinguka ɗamangeꞌatuja ɗa tou ɗangu. 20Jiayaka ɗamanyerang kaloaga nama kalung. Hiɗa kaheawa tou nama maga matou kalung atiya, manga ɗapaleawaha aɗa leakuya hi Yehu waing patuturuɗ, kakollinya na jalana ʄaka hiɗa harakanya ta pareahan na gubernur ka hukunya awiɗa. 21Manga ɗa tou ɗapalanga kaheawa ɗapanewi lahi Yehu, “Ama Gurr, nyiama mapeanya ngaladukaɗa ɗapatikkimu ʄaka ɗapapeakangumu nou mapaɗeninguya. Nyiama mapeaʄellanya napapeakangumu waing maluruhuya nalarana nahawukuna hi Alla tagun na tourara, kaɗang damu patadamang tou. 22Jiaya mupeaka pagamanya nyiama, keriya napata agamada, nyiama na piakukaɗingu ama patamangu hikatikku lahi Kaihar?”#20.22 Nahawiɗang Kaihar ʄiayak na kapalana namapareaha Roma.
23Jiaɗinguka hi Yehu napeaɗaja ɗapakabu atiɗa ɗama irrak. Jiayaka hiwinaja, 24“Kam pateka-Ganyah hangi na riti kaka. Geara haɗananya manga geara ngarananya nei?”
Ɗapagapinya, “Hi Kaiharǃ”
25Winaja hi Yehu, “Atounoukanak, woanya hi Kaihar, gananya napataguna hi Kaihar, ʄaka hi Alla gananya napataguna hi Alla.”
26Jiaɗinguka ta haga tou ɗangu daɗa piakumangu aɗa kollinya hangiteka jalana hi Yehu. Ɗuɗa tidi katenarɗanya ʄaka ɗaɓannar ɗenganya napagapinguna hi Yehu.
Hi Yehu napapeakang nalarana natou maet enga namorik ɓali
(Mat. 22:23-33; Mrk. 12:18-27)
27Eija ɗama touma pirraha ɗama waliɗ ta kaɓuangu Haduki amija lahi Yehu. (Ɗuɗa kaɓuangu ɗama wiɗa ɗa tou maeti daɗa hilu morik ɓalimaha.) Ɗapatutur lahi Yehu, 28“Ama Gurr, hi Muha natuliyaka na pareahan nei taguda iata: a eikanguka hatou moani nama maeti ʄaka ɗunna da eikanguka anan, na angwuan na ealuyaha na ɓalun kana wolunya anan na tou nama langa matina nou. 29Eija tou mapituh ɗama paꞌanguwuangu. Nakawunga naɗeki araweina manga hina maeti da eimangu anan. 30Manga naneka ari ɓaꞌana na ealuya na ɓalun, ʄiaɗinguka namaeti ʄellapah da eimanguh anan. 31Ma mearang ʄellaya napatouma tillu waiha lapakung a touma pituh. 32Mangaka na mawinni ɓalu nou maeti ʄellananyak. 33Nounam, amapaɗeningkayaka ɗa tou ɗama langa matiɗa baaru aɗa morik ɓalikaka, na mawinni ɓalu nou geara toara arawei kananyak? Kaɗang ɗama touma pituha na laa bollujaka.”
34Hi Yehu napagapija, “Ɗa tou ɗama morik ya ɗaparongu ummangu, 35ʄiaɗinguka ɗa tou ɗama tutu-tidi pamorik ɓaliɗanyaka walingu ta maeti ʄaka ɗa moriku ta pinu-tana nama ɓuangu, ɗuɗa daɗa parongu umma mangu. 36Ɗuɗa ʄella daɗa hilu maeti mangu, ʄiaɗinguka enga morik pangalanguɗ toungu ɗamalaikat. Ɗuɗa anan hi Alla, kaɗang ʄiaya nama pamorik ɓaliha waling ta maeti. 37Hi Muha wiki nama patekanya ɗa tou maeti enga pamorik ɓaliha. Ta ɗalu tulinanyak nalolukuya na larana na erik api ta mapu dama mutung, hi Alla ana panewi lahi Muha, wina, ‘Nyouwa hi Alla napamokul pangalaɗa hi Abraham, hi Ihak, ʄaka hi Yakub.’#Keluaran 3ː6 38Laka alanga matiɗiɗ ɗama tou matilluh, ta hagana hi Alla ɗamorikuh. Kaɗang hi Alla, dapamokulung tou maetimaya ʄiaɗinguka natou nama morikǃ Ta hagana hi Alla ngaladukaɗ ɗa tou ɗamorik pangalang.”
39Ɗama touma pirraha ɗa gurr agama tou Yahudi ɗapanewi, “Napagapingumu makalunguya.” 40Walihouɗaka ɗa tou Haduki ʄaka ɗa tou waling ta kaɓuang Parihi, daɗa hilu taramayah aɗa tuturuya hi Yehu.
Hi Yehu wallananya hi raja Daut, ʄiaɗinguka Moiri ʄellananya hi raja Daut
(Mat. 22:41-46; Mrk. 12:35-37)
41Manga hi Yehu wina lahi ɗuɗa, “Pangaɗanyah witin na Raja napapaturana hi Alla nahawiɗang Raja nama Pamanumara. Ɗa tou wiɗa Ɗunna wallananya hi raja Daut. 42Tonou tekkanah. Jiaɗinguk Ɗunna reihiya waling nou. Kaɗang hi raja Daut wiki napanewi ta hurat Loɗuna hi raja Daut,
‘Hi Moiri Alla napanewi ta Moirigu:
Mungoɗuyaya ta karaha lawana-Gu,
43lapakung Kuwoluha ɗa geꞌa-Mu
kaɗa mokulu-Gu.’#Hurat Loɗuna hi raja Daut 110:1
44Hi raja Daut wiki nama tikiya na Raja nama Pamanumara ‘hi Moiri’, gikineikanaka hina walla ʄellanya hi raja Daut?”
Napanamuɗanya kaɗa paꞌatija ɗa gurr agama tou Yahudi
(Mat. 23:1-36; Mrk. 12:38-40)
45Tangiruɗa ɗa tou ɗangu aɗa ranguya hi Yehu, ana panewi ta makeriya, 46“Mi paꞌatikija ɗa gurr agama tou Yahudi. Ɗuɗa ɗa buhang pahalaku waingu koepi ɓakul, ʄaka ɗa buhang kapaꞌakagama ta paregang awiɗa. Ɗa buhang ta padoungu papaꞌakang ta umma pingi pakaɓuangu tou Yahudi#20.46 Umma pingi pakaɓuangu tou Yahudi ʄiayak na umma nahawaingu abahhaya ʄaka ahalidikuya na Hurat Ɓakul ta Lii Dei, pingi pahabayang, pingi pakaɓua-kawoting ʄaka pingi papanunga-papeakang lakeaɗa. ʄaka ta matunu. 47Ɗuɗa ɗapalaping ta mawinni ɓalu ʄaka ɗaparimaɗaja ɗa ummaɗa. Kama toaɗiya na da ɗinyakuma awiɗ, ɗa habayang duku malaiya! Kaum peanya, baaru hi Alla nahukuja enga na buatu!”
Nke Ahọpụtara Ugbu A:
Lukah 20: wnk
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2024 (Active), Wycliffe Bible Translators, Inc. All rights reserved.