Tegagia 5
5
Inuleno i Adama
5:1-32
1 #
Teg. 1:27-28; Mat. 19:4; Mrk. 10:6 Ndiomo burino inuleno i Adama. I tempono mia Dopokogagio Ue Ala, onae Dopokogagiomo montonda rupa-Do Ue Ala; 2Dopokogagi ira tama ka beine. Doronso ira ka numeeako ira ”Mia” i tempono dopinokogagi. 3#1Taw. 1:1-4Mansano i Adama tuwu asa etu ka tolu pulu nta'u, onae mohawe asa ana ntama anu mengkena kana rupano ka koroino, anu ineeakono i Seti. 4Tinuwuno i Adama da halu etu nta'upo mbo'u, umarino pine'anaako i Seti; onae mbo'u mohawe orua ana ntama ka beine. 5Gagi, tinuwuno i Adama hawe sio etu ka tolu pulu nta'u, ka i'amba mate. 6Mansano tinuwuno i Seti asa etu ka olima nta'u, pine'anaako i Enosi. 7I Seti da tuwu halu etu ka opitu nta'u mbo'u, umarino pine'anaako i Enosi, onae mbo'u mohawe ana ntama ka beine. 8Gagi, tinuwuno i Seti hawe sio etu hopulu ka orua nta'u, ka i'amba mate. 9Mansano tinuwuno i Enosi sio pulu nta'u, ipe'anaakono i Kenani. 10I Enosi da tuwu halu etu ka hopulu ka olima nta'u mbo'u, umarino pine'anaako i Kenani; onae mohawe mbo'u ana ntama ka beine. 11Gagi, tinuwuno i Enosi, hawe sio etu ka olima nta'u, ka i'amba mate. 12Mansano tinuwuno i Kenani pitu pulu nta'u, pine'anaako i Mahalale'eli. 13I Kenani da tuwu halu etu ka pato pulu nta'u mbo'u, umarino pine'anaako i Mahalale'eli; onae mbo'u mohawe ana ntama ka beine. 14Gagi, tinuwuno i Kenani hawe sio etu ka hopulu nta'u, ka i'amba mate. 15Mansano tinuwuno i Mahalale'eli nomo pulu ka olima nta'u, ipe'anaakono i Yaredi. 16I Mahalale'eli da tuwu halu etu ka tolu pulu nta'u mbo'u, umarino pine'anaako i Yaredi, onae mohawe mbo'u ana ntama ka beine. 17Gagi, tinuwuno i Mahalale'eli hawe halu etu sio pulu ka olima nta'u, ka i'amba mate. 18Mansano tinuwuno i Yaredi asa etu nomo pulu ka orua nta'u, ipe'anaakono i Heno. 19I Yaredi da tuwu halu etu nta'upo mbo'u, umarino pine'anaako i Heno; onae mohawe mbo'u ana ntama ka beine. 20Gagi, tinuwuno i Yaredi hawe sio etu nomo pulu ka orua nta'u, ka i'amba mate.
21Mansano tinuwuno i Heno nomo pulu ka olima nta'u, ipe'anaakono i Metusala. 22Pelempano tumuwuno i Heno momperorohi ndi Ondae Ue Ala i larono tolu etu nta'upo mbo'u, umarino pine'anaako i Metusala, onae mohawe mbo'u ana ntama ka beine. 23Gagi, tinuwuno i Heno hawe tolu etu nomo pulu ka olima nta'u. 24#Ibr. 11:5; Yud. 1:14Pelempano tumuwuno i Heno momperorohi ndi Ondae Ue Ala, ka i'amba namikongko mbo'u, hangano Dotandeomo Ue Ala.
25Mansano tinuwuno i Metusala asa etu halu pulu ka opitu nta'u, ipe'anaakono i Lameki. 26I Metusala da tuwu pitu etu halu pulu ka orua nta'u, umarino pine'anaako i Lameki; onae mohawe mbo'u ana ntama ka beine. 27Gagi, tinuwuno i Metusala hawe sio etu nomo pulu ka osio nta'u, ka i'amba mate.
28Mansano tinuwuno i Lameki, asa etu halu pulu ka orua nta'u, ipe'anaako asa anano ntama, 29ka ineeakono i Noho, ipotae, ”Nana'ote andio ta moweeakita monongkoa a laro mpo'anggaato anu bukeako mapari i wita anu Dototonaaomo i Ue.” 30I Lameki da tuwu lima etu sio pulu ka olima nta'upo mbo'u umarino pine'anaako i Noho; onae mohawe mbo'u ana ntama ka beine. 31Gagi, tinuwuno i Lameki hawe pitu etu pitu pulu ka opitu nta'u, ka i'amba mate. 32Mansano tinuwuno i Noho lima etu nta'u, ipe'anaakono i Semu, i Hami ka i Yapeti.
Nke Ahọpụtara Ugbu A:
Tegagia 5: XMZ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
LAI 2021