IILONGA EFALOMO
EFALOMO
Iilonga yaayapostoli olyo egwedhelo lyEvaangeli paLukas. Otali hokolola nkene aalongwa yaJesus yotango, ya wilikwa kOmbepo Ondjapuki noya taandelitha Onkundana ombwanawa kombinga yaJesus, ya uvithwa muJerusalem, muJudea alihe, muSamaria sigo omiilongo ayihe yokombanda yevi (1:8). Ndika olyo ehokololo lyetameko lyuukriste nkene wa tameke mokati kAajuda sigo wa taandele nuuyuni auhe.
Omunyoli okwa hala okushilipaleka aaleshi yembo ndika, kutya aakriste kaye shi oshiponga kepangelo lyaRoma, nosho wo kutya eitaalo lyaakriste olyo egwanitho lyeitaalo lyAajuda.
Iilonga yaayapostoli oya topolwa miitopolwa itatu mbyoka tayi ulike Onkundana ombwanawa kombinga yaJesus, nonkene Ongeleki ya tameke, oyo: (1) Etameko lyuukriste muJerusalem konima yElondo lyaJesus. (2) Etaandelitho lyEvaangeli muPalestina. (3) Etaandelitho lyEvaangeli miilongo yopEfuta lyopokati sigo okuRoma.
Oshinenenima membo ndika osho iilonga yOmbepo Ondjapuki ndjoka ya gandja oonkondo kooitaali muJerusalem mesiku lyaPentekoste, okutsikila okugamena nokukoleka Ongeleki naawiliki, ngaashi shu ulikwa miiningwanima membo ndika. Etumwalaka membo ndika otali monika momauvitho petameko lyembo ndika. Iiningwanima ya popiwa mIilonga yaayapostoli otayi ulike oonkondo dhetumwalaka mokukalamwenyo kwooitaali nuukumwe womegongalo.
Elandulathano lyoshikalimo
Elongekidho lyoonzapo 1:1-26
a. Ekumagidho neuvaneko lyaJesus lyahugunina 1:1-14
b. Omulanduli gwaJudas 1:15-26
Uunzapo muJerusalem 2:1—8:3
Uunzapo muJudea nomuSamaria 8:4—12:25
Iilonga yaPaulus 13:1—28:31
a. Olweendotumo lwe lwotango 13:1—14:28
b. Oshigongi muJerusalem 15:1-35
c. Olweendotumo lwe olutiyali 15:36—18:22
d. Olweendotumo lwe olutitatu 18:23—21:16
e. Paulus onkwatwa muJerusalem, Kesarea nomuRoma 21:17—28:31
Nke Ahọpụtara Ugbu A:
IILONGA EFALOMO: ONDB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Oshindonga Bible © Bible Society of Namibia, 2008.