Kenesis 1
1
1Ra potni Nōbū yĭmetipe pōkop mūnemap. 2Im nemap yeti sumpelūlya ĭm nūrū wokon, ĭm nĭlebōkevat yeti ran tan tok. Im Naviat eni Nōbū yĭmiri ran tan tok. 3Im Nōbū yimenūwi memokū, Etepū nilara, ĭm nilara yetepū.
4Im Nōbū yokesi pe nilara memokū aremī; ĭm Nōbū yetipe nugkon nilara ĭm nugkon nĭlebōkevat. 5Im Nōbū yĭmatov nin nilara memokū Dan; miyi yĭmatov nin pe nĭlebōkevat memokū, Pūmrok. Im pōarap yeti, ĭm prūbokom yeti, dan ra nōbūm.
6Im Nōbū yōmenūwi memokū, Etepū uneī ĭlebōteven nū su woretevafwi nugkon ĭm nugkon nū sū. 7Im Nōbū yimumpi ūnēī mō metevafwora nū sū ra mumpon ūnēī ĭm nugkon nū sū ran tan ūnēī, ĭm yōmeti sugkū. 8Im Nōbū yĭmatov nin ūnēī memokū Pōkop. Im pōarap yeti, ĭm prūbokom yeti, dan dūrūgi.
9Im Nōbū yōmenūwi memokū, Etepū sĭmsĭmok‐onda nū sū ra mumpon pōkop ra sī nūrū, mō metūratumpeni nūrū‐nlx, ĭm yōmeti sugkū. 10Im Nōbū yĭmatov nin pe nūrū‐nlx memokū Nemap; miyi yĭmatov nĭn pe nū sū mori dūtĭn sĭmsĭmok‐onda memokū, Tok‐sū. Im Nōbū yokesi pe memokū aremī.
11Im Nōbū yōmenūwi memokū, Etepū topavū ūnemap, ĭm nē sū umproketeli gi novsen, ĭm novūan nē sū ĭteni umprokovūo ra nemap gi novsen ugi potni en irora. 12Im yōmeti sugkū. Im topavū yĭmetepū ūnemap, ĭm nē sū yumproketeli gi novsen ugi potni pe en irora, im nē sū ĭteni dumprokovūo gi novsen ugi potni pe en irora. 13Im Nōbū yokesi pe memokū aremī. Im pōarap yeti, ĭm prūbokom yeti, dan deselugi.
14Im Nōbū yōmenūwi memokū, Etepū ov nilara ūnēī ūnpōkop woretevafwi dan ĭm pūmrok; mirora wanti nĭmsĭn ōvun safi, ĭm nĭmsĭn ov nĭmpugon, ĭm nĭmsĭn dan sū, ĭm nĭmsĭn nevi sū. 15Mirora wantepū ov nilara ūnēī ūnpōkop worovugi nilara ra nemap; ĭm yōmeti sugkū. 16Im Nōbū yĭmumpi dūrū nilara tamas; sī nilara mōmū tamas nĭmsĭn dan, ĭm sī pe ĭtemelepon nĭmsĭn pūmrok. 17Miyi yĭmumpi mosi sū sugkū. Im Nōbū yĭmetipe irora ra ūnēī ūnpōkop worovugi nilara ra nemap, 18ĭm nĭmsĭn dan ĭm nĭmsĭn pūmrok, ĭm woretevafwi nilara ĭm nĭlebōkevat. Im Nōbū yokesi pe memokū aremī. 19Im pōarap yeti, ĭm prūbokom yeti, dan devatugi.
20Im Nōbū yōmenūwi memokū, Etepū nomū mĭntĭ?-?ndamsah ra nū sū mō melegetevtevi tamas, ĭm menōk worokīp ūnēī ūnpōkop. 21Im Nōbū yōmumpi ōvun umpelefi, mov nūrah sū nomūrep mori nū sū dūmū?-?tandamsah ugi potni pe en irora. Im Nōbū yokesi pe memokū aremī. 22Im Nōbū yivīeves irora mō menūwi memokū, Utepū ūtandamsah mūlegetevtevi ūlepun tok, mō mūvuara gi nū sū; mūtepū mūlegetevtevi menōk ra nemap. 23Im pōarap yeti, ĭm prūbokom yeti, dan sūkrĭ?-?mugi.
24Im Nōbū yōmenūwi memokū, Etepū nūrah sū nomūrep ra nemap ugi potni pe en irora, nūrah sū en tamas ĭm nūrah sū mōmū ugi potni pe en irora ra nemap; ĭm yōmeti sugkū. 25Im Nōbū yimumpi ōvun nūrah sū ra nemap ugi potni pe en irora, ĭm nūrah sū en tamas ugi potni pe en irora, ĭm tiame sū mintavekarara ugi potni pe en irora. Im Nōbū yokesi pe memokū aremī.
26Im Nōbū yōmenuwi memokū, Kos menumpi neteme sugkū kos, ra safi enugkos, mirora wonari iranda nomū ran tok, ĭm menok, ĭm nūrah sū en tamas, ĭm ra nemap omwisū, ĭm ran tiame sū mori umĭntavekerara ra nemap.
27Im Nōbū yĭmumpi neteme ra safi eni, ra safi eni Nōbū iyi yimumpi iyi, ĭtnateman mĭtnasiven iyi yimumpi iroran dūrū.
28Im Nōbū yivīeves irora, ĭm Nōbū yenūwi pun ōra memokū, Utepū ūtandamsah mō mūvūara gi ra nemap, kūonari iranda nomū ran tok, ĭm menok, mōvun tiame sū umprokomūrep mori umĭntavekarara ra nemap. 29Im Nōbū yōmenūwi memokū, Pah, ya kosī novug kūm, nē sū omwi sū mori umĭnteli ugi novsen ra nemap, ĭm nē sū mori umampūo gi novsen, mirora sū mori wanti enugkĭmi woreni. 30Im ya kosī novun‐ōra ōvun nūrah sū ra nemap, ĭm menōk sū, ĭm tiame sū mori umnomūrep mori sū umintavekarara ran tan nemap, topavū en telĭmte omwi sū nĭmsĭn nevag; ĭm yōmeti sugkū.
31Im Nōbū yokesi en tiame sū mori iyi yĭpmumpi, ĭm pah! yĭmokū pe aremī ĭndōwi. Im pōarap yeti, ĭm prūbokom yeti dan mĭsekīugi.
Nke Ahọpụtara Ugbu A:
Kenesis 1: ERGOT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Published by the British and Foreign Bible Society: Genesis in 1914, and Ruth in 1932.