Johanes Ondjiukisiro
Ondjiukisiro
Evangeri ra Johanes ri raisa Jesus otja ngu ri Embo raaruhe ra Ndjambi nda “rira omundu nari tura mokati ketu” (1:14). Evangeri ndi, ra tjangwa kutja ovarese ve kambure kutja Jesus onguri Omutwirisiwa ngwa kwizikwa kutja meya, nu mena rongamburiro mu ye, owo mave kara nomuinyo (20:31).
Orupa orutenga rwevangeri ndi ru raisa ovihimise pekepeke Jesus mbya tjita, okuraisa kutja eye onguri Omutwirisiwa ngwa kwizikwa kutja meya, nokutja eye, Omuna wa Ndjambi. Wina morupa orutenga mwa raisiwa ovandu tjiva mba kambura nave kongorere Jesus, nu wina naimba mbaa ve mu pirukire.
Omakondwa nga (13:1—17:26), mwa serekarerwa omahakaeneno wa Jesus novahongewa ve mongurova indji eye ma kamburwa, nu wina mwa tjangwa omambo wa Jesus wokuvezeuparisa nokuverongerisa okupaperwa kwe.
Omakondwa nga (18:1—21:25), mwa tjangwa ohunga nomakamburiro nombanguriro ye, omapaperero nombendukiro nomeriraisiro we kovahongewa ve kombunda yombendukiro ye.
Johanes mevangari ndi, wa hungira tjinene ohunga notjiyandjewa tjomuinyo waaruhe mu Kristus. Otjiyandjewa hi, omundu ma yenene okutjimuna nai nu matjiya ku imba porwe mba kambura mu Jesus, nave mu yakura otja nguri ondjira, nouatjiri, nomuinyo. Eye, wa ungurisa ovisanekero ovitjiukwa okukahurura ouatjiri womahongero wombepo tjimuna; omeva nomboroto nondjerera, omurise nozonḓu ze, nomuvite notutavi novihape vyawo.
Omakutiro womambo
Ombutiro (1:1-18)
Johanes Omupapitise novahongewa ovatenga va Jesus (1:19-51)
Otjiungura tja Jesus (2:1—12:50)
Omayuva omasenina popezu na mOjerusalem (13:1—19:42)
Ombendukiro ya Jesus nomerimunikisiro we (20:1-31)
Omerimunikisiro wa Jesus warwe mOgalilea (21:1-25)
Nke Ahọpụtara Ugbu A:
Johanes Ondjiukisiro: HRR-UNI
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Herero Revision Bible © Bible Society in Namibia, 2021.