Rioiatatokenti Luc 23
23
Teȣasen asen-aton iaȣenre tcioteriȣasonterakȣen nʼOriȣa-tokenti tsini hoiaton Roiatatokenti Luc.
1Oksaok tontahatitane, nok Pilatne niiahonȣaiaten-haȣe.
2Nok tahontasaȣen ȣahonȣariȣarho, ronton: sakȣattokase kehiken sakonikonrataas nonkȣeokon ato-riioserako, nok rannhes nahonȣakariakso ne Cesar, Keristos ratatenatonkȣa ronontiio oni iaken.
3Nok ne Pilat tahoriȣanontonse ȣahenron: ise ken iesanontiio ne Sitaeronon? Nok ne Iesos tonta-hoȣennaȣeron ȣahenron; akȣa atasierito tsinahoten ȣasiron.
4Pilat sasakaȣenhase ne ratitsihenstakȣeniios oni nonkȣeokon: iah othenon teketsenries nahonnhi-tseraientake ne kenh ronkȣe.
5Ok eken senha tahonkȣisron, tsi ronton: tesa-konikonrharanis nonkȣeokon roteriȣanotaties kana-keraserakȣekon ne Jude Galile thotasaȣe tsiniiore ne kentho.
6Pilat ȣahasennaronke Galile, ȣahariȣanonton Galileanronon kenh nahaiatoten.
7Ȣahotokense tsi Herod raoianerenserakon roia-tontieton. Eh kati iahotori, Jerusalemke oni neneh ihreskȣe ne Herod neh nonȣe niȣenniseratekȣe.
8Herod ȣahatsennonni shahoken ne Iesos: aseken onen ȣaonnise sihaskaneks nahoken ne tsi eso ioriȣake …ariȣaronkaskȣe ne raonha raiatatake; rerhakȣe kati enhatkatto kenh othenon ioriȣanerakȣat tsinenhaiere.
9Eso kati ioriȣakc ȣahoriȣanon…onnionhase, iah tanon oni nenskat tethotati ne Iesos.
10Nok no ratiisihenstakȣeniios oni ne ratiiatons, ȣathontenonhianite tsi nahonȣariȣarho.
11Kenh kaien ne Herod oni ne raonkȣeta, ȣaho-kenron ok oni tahoieron, ȣahatennhane kenraken ȣahonȣaseronniate nok Pilatne ionsahotenniete.
12Nok neh ȣenniserate ȣaiatenroseronni ne Pilat tanon ne Herod: tethiatastsȣenskȣe se nohenton.
13Ethone ne Pilat iasakohnonke ne ratitsihonsta-tsiokon, ronaterionton, onkȣeokon nok ȣahenron:
14Kenhiken ronkȣe hetsiseȣaiatte seȣaton ranen-raksata: nok akȣa ise seȣattonte tsi ȣahiriȣanonton-nionhase, iah nii othenon tekatkattos nahonnhikon tsiniiot tsi hetsiseȣariȣarhos.
15Iah oni ne Herod: eh se ȣahi iehiiatorionne, nok iah othenon tethoiatonkȣen ne tahotentson narenheiate.
16No kati ok nii nenkatennhane enhonȣasokȣa-ȣesson nok enhaiiatkaȣe.
17Onen are siieiohe ne saiatat ahonsahonȣannho-tonko tsinihati ratinnhoton netsi ȣentanoronsere.
18Akȣekon ok tontahotihenrete ronton: ehren hetsiatenhaȣit kehiken nok Barabas sastsennhotonko.
19Neh rannhotonkȣenne nekenh kaien ne tsi onkȣe sakorio.
20Pilat sekon tontahatati, roskennhen naonsaho-tkaȣe ne Iesos.
21Ok eken tontahotihenrete, ronton: tetsientannharen! tetsientannharen!
22Nok tontahenron onen neh nasen-aton: oh ne kenh akȣa nahoten shoteriȣateȣaton? iah othenon tekestsenries nahonnhikon nahostonte arenheiate; neok kati nenhonȣasokȣaȣeshon nok bensiiatkaȣe.
23Nok tanon taonkȣisronne tsi ratiriȣanontons tahonȣaientannharen: takanerakȣatane oni tsi teho-tihenreta ne ratitsihenstatsi oni nonkȣeokon.
24Ethone onen ne Pilat tahariȣente etho naia-ȣenne tsini hatiriȣanontonskȣe.
25Ethone oni nonsahonȣannhotonko ne shoteriȣateȣatonne, aseken eh ki oni nihatiriȣanontonskȣe nok ȣasakotsiakȣarisien ne Iesos.
26Nok nonen sihonȣasarine, saiatat ȣahonȣaonkariake, Simon ronȣaiasts Cyrenean-ronon ahotiasakotastse ne Iesos.
27Kentiokoȣanon nonkȣeokon ronȣanonteratiene oni tsionathonȣisen, iontatonstskȣenaiaakhonnionno nok teionsenthosere ronȣannhatens.
28Nok ne Iesos tontahatkarhateni nok ȣahenron: Jerusalem-ronon, tosa teseȣasentho nii akeriȣake; ise tanon teseȣatatasonthos, nok oni neh ne ietsiienhokonha.
29Aseken ienȣatenniseriheȣe nonhiontonheke: Iakotaskasts ne iah teionteȣetons, oni ne iah teioti-ȣiraientaon nok oni ne iah teionaststaronte.
30Ethone onen ienhiahironnion tsi ionontenion: Kaseȣatenontienent; oni tsi ionniaronnion: Takȣaia-taset.
31Tokat nonȣa eh nakonȣaierase noiehtase, oh kati nehneh nenhkonȣaierase noientakaion?
32Teniiase oni ne tenonkȣetaksenskȣa iahonȣa-tiiatenhaȣe nenskatne iahonȣatirio.
33Nonen siiahonneȣe tsi iohnontokeronte etho nonȣe nahonȣaiasakestsko, nok oni no teniiase, saiatat tsi raȣeientctakon nok no saiatat sanekȣati.
34Ratonhakȣe ne Iesos: Rakeni! Shetenr! Katiken ronaterientare tsini hontierha. Ethone oni onen ȣahonttitiiikhonhase ne raoȣenksonha, nok ȣahatiȣastotsi.
35Etho oni kakenniotakȣe teiekiineronnion; oni ne ratikorasson tihonȣaieronhakȣe, ronton: Sakoiatakennhaon notiake: ratatiatakennha tanon nonȣa onen ne Keristos, oni Niio Roienha akenhake.
36Oni ne Sotar thihonȣaieronhakȣe, akta niiahonne nok iotsitsiatken ȣahonȣanekiinonte.
37Rontonnes: Nene aiesanontiioke ne Sitaeronon satatiatakennha nok sasatateniakent.
38Ehneken tsi rotenontsistate iosȣenkiiranenta-konne, nok eh kaiaton, Grek, Ronton, tanon Hebraik kaȣennonttikȣen, Saton: Neh Kehiken ne sitaeronon Ronȣanontiio.
39Saiatat ne ronkȣetaksenskȣa oni ne ronahriskonhon, niatekon raȣennihakȣe, rosentanionnis raton: neh ne Keristos nasiatoten asatatiakakennha, nok oni nii.
40Nok tahatati ne saiatat, ȣahoriȣaston ȣahenron; Iah kenh tetsestsanis ne Niio ehse oni niso niiesariȣenton?
41Ehse nii nateiontiatenstson; aseken ehki niion-keninnhikon; nok nerahonha iah othenon tehoston-ton.
42Nok iahatati tsi roiatenton ne Iesos, ȣahenron: Seȣenniio! aonsaskeiarane nonen saiatanerakȣatsera-kon natentese.
43Iesos tontahoȣennaȣeron ȣahenron: oriȣiio akȣa oriȣiio tsi ȣakonrori tsi onȣa kenh ȣenniserate enteni-kȣekhene karonhiakon.
44Neh nahoten ne iaiak siioȣiȣtahehatie onȣentsiakȣekon taiokaraȣe tsiniiore ne tioton.
45Onterakȣaton, Ononsatokentike oni iohniata-rentonhakȣe asennon ȣateȣatoren.
46Ethone ne Iesos ȣathohenrete Ȣahenron: Rakeni sakonhion nakatonnhests; akȣa neok ȣahateȣen-nokten nok ȣahatonniseraton.
47Tsinahaȣenne tsi ȣahatkatho ne Sotarkoȣa, ȣa-hononton ne Niio, nok ȣahenron: oriȣiio tsi thoriȣa-iorikȣe ne konh ronkȣekenha.
48Tsi oni niiakon ne iakotenroronne sahontkatoseron tsi nahaȣenseron, sahontentionko nok rontaton-stskȣenaiahakhonnionne.
49Konh kaien no ronȣaienterine, oni tsionathon-ȣisen neh ne Galile thonȣasoronton ihsi niiore thonnete tehatikaneronnion tsiniiaȣens.
50Nok saiatat ne ronkȣe Sose ronȣaiasts, ratsion-haiens tronkȣetaieri oni roianere.
51Nʼiah othenon tohoriȣanonȣelmn tsini hotiriȣison oni ne raotiȣeienna; Arimathée thanakerekȣe Sitaeronon raonatenata, neh oni nenskat ne rorha-rekȣe ahatkatto ne Niio raonakerasera.
52Pilat ȣahoiatorenne, nok ȣahoriȣanontonso no Iesos raoioronta.
53Sahoiatanentahsi ne kaiasake, ohniatarahane ȣahoȣenonni, nok kenstenrarakon eh ȣahoiatata, tsi-nonȣe nareko nonȣenton onka tetiontatiataten.
54Neh ȣenniseratenionkȣe neh nonȣe tsinonȣe ni-iekȣatakȣas, oni onen siȣentanoronsere.
55Kenh kaien ne tsionathonȣisen Galile thonȣaseron ne Iesos, ȣahonȣasere ne Sose ȣakontikahenhion tsiniiossonhioten tsinonȣe nahaien ne Iesos raoieronta.
56Nok sakontenti, oni ȣakontikȣatako ȣenhiena-konhonsson; kenȣentatie ȣakontorissen naȣentato-kentike, tsiniiot tsi iotsiate ne kaianerensera.
Nke Ahọpụtara Ugbu A:
Rioiatatokenti Luc 23: MOH1880
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Published by the British and Foreign Bible Society in 1880.