Neto'te 1
1
Nenabte njù
1Neto'te, Nsi nabte kamànyam bo tsha'a. 2Tsha' na' mb'a netob, mbe nge. Njam lo kabte num gheme, ywèt Nsi nke nyi'te num ntse. 3Nsi #2 Korin. 4.6tshob ndù: A bwô ndù làn be, làn be. 4Nsi yen ndù làn bwô, mfagte nelàn num njame. 5Nsi tsiaṅ làn ndù mbwôgtshù, ntsiaṅ njam ndù tèttswe'. Mfetnjù be, nkebnjù be. A b'a mbwe lé'njù.
6Nsi #2 Pét. 3.5tshob ndù mo' kub ju neta tum mbe netèt ntse, mfagte ntse nkam mbàa, mbe netèt bwe. A be ndùlala. 7Nsi te mo' kub ju neta mfe tèt tù a swe' nkwim nsi num tsha'a mfagte ntse mi a be bam kub ju neta là, mba ntse mi a be mfe num bwe là. A be ndùlala. 8Nsi tsiaṅ ju neta là ndù kamànyam. Mfetnjù be, nkebnjù be. A b'a mbatte lé'njù bàa.
9Nsi tshob ndù: A bwô ndù ntse mi a be tun kamànyam nà tse'te dù' ntshù', ju njum tume. A be ndùlala. 10Nsi tsiaṅ ju njum nà ndù tsha'a, ntsiaṅ ntse mi a tse'te là ndù dibantse. Nsi yen a bwô.
11Nsi tshob ndù: Nenà bitte num nsitsha'a, nke mfà nzwit yub, ntù mi a be njàm ntàm mi là bitte num nsitsha'a, nke mfà nzwit yub, mba zit lo num ze tshaṅ i. 12Nenà bitte num nsitsha'a, nke mfà nzwit yub. Ntù mi a be njàm ntàm nà bitte num nsitsha'a, nke mfà nzwit yub, mba zit lo num ze tshaṅ i. Nsi yen a bwô. 13Mfetnjù be, nkebnjù be. A b'a mbatte lé'njù tat.
14Nsi tshob ndù: A bwô ndù tshulàn be mfe bam kamànyam nke mfagte mbwôgtshù bo tèttswe', mbèn mbe keki nela'te ngelaṅ njù, lé'njù mba ngu'njù. 15A bwô ba tshulàn be mfe kamànyam, nke nké' num nsitsha'a. A be be ndùlala. 16Nsi nabte tshulàn ndùbndùb bàa, ze ndùb nke nsa' mbwôgtshù, ze nke' nke nsa' tèttswe', mba ba nsa. 17Nsi tete yub mfe kamànyam ndù bo ke nké' num nsitsha'a, 18nke nsa' mbwôgtshù bo tèttswe', mbèn nke mfagte làn bo njame. Nsi yen ndù a bwô. 19Mfetnjù be, nkebnjù be. A b'a mbatte lé'njù kuà.
20Nsi tshob ndù: A bwô ndù nyàm nzenze be ntùm ntse, nsaṅ bèn nke mfùtte num nsitsha'a, tun kamànyam, a be be ndùlala. 21Ndùlala Nsi nabte ba ngontse ndùbndùb mum dibantse boa njoṅ nyàm fa tse bo be nzinte ntùm ntse là, mba zit lo num ze tshaṅ i. Nsi yen ndù a bwô. 22Nsi naṅ mbotni num bo ntshob ndù: Bin bwe, nzwit zin yàme, ndun ntùm dibantse, nsaṅ bèn ndun num nsitsha'a. 23Mfetnjù be, nkebnjù be. A b'a mbatte lé'njù tàn.
24Nsi tshob ndù: A bwô ndù nyàm be num nsitsha' be nzenze, mba zit lo num ze tshaṅ i, nyàm nke'nke'e, nyàm tse bo num nsoṅ bam sob nsi là, nyàm tshwèt, mba zit lo num ze tshaṅ i. A be be ndùlala. 25Ndùlala Nsi nabte nyàm tshwèt, mba zit lo num ze tshaṅ i, nabte nyàm nke'nke'e, mba zit lo num ze tshaṅ i, nabte nyàm tse bo be num nsitsha' là, mba zit lo num ze tshaṅ i. Nsi yen ndù yen nà bwô.
26Nsi #1 Korin. 11.7tshob ndù: Be nabte mènntùn z'a fute be là, num mfuni be, a ke ntô ngontse ts'a dibantse là, nsaṅ mi a mfe kamànyam nà, nyàm nke'nke' num njoṅ nsitsha' fa, boa njoṅ nyàm fa tse bo be nsoṅ bam sob num nsitsha' là.
27Nsi #Mat. 19.4; Mark. 10.6nabte mènntùn num mfuni mi, nabt'é num mfuni Nsi. A nabte yube, mandum bo mènnzwi. 28Nsi #Net. 5.1-2yab kàn bo, ntshob ndù: Bin bwe, nzwit zin yàme, ndun num nsitsha'a, nke ntô ngontse ts'a dibantse là, nsaṅ mi a be mfe kamànyam nà, boa njoṅ nyàm tshwèt fa tse bo be nzinte num nsitsha' là.
29Nsi tshob ndù: Tshù, me fà mba zit nenà lo z'a be num nsitsha'a, ngù nzwil i là bin, mfà mba sit tù lo s'a be njame, nke ngù nzwil i là bin. Ntàm mub nsi be jujù zine. 30Njoṅ nyàm tshwèt fa, njoṅ nsaṅ fa mfe kamànyam, njoṅ nyàm nesoṅ bam sob nsi fa, boa njoṅ tshu fa tse bo be nzwiag là, me fà nenà bo mba jujù yub là. A be be ndùlala. 31Nsi yen tshu ts'a nabte là, njen ndù a bwô neshu. Mfetnjù be, nkebnjù be. A b'a mbatte lé'njù ntôge.
Nke Ahọpụtara Ugbu A:
Neto'te 1: BMa
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Sainte Bible en Bamiléké-Medùmba © Alliance Biblique du Cameroun, 1993. All rights reserved.