Johan Botolo
Botolo
Eṭakʼ pea bhage sombat khon Johane olakatʼ bhage sombat do judạ dharate ehopʼ akana. Noa reakʼ etohopʼ do noa kathate hoyakana, “Etohopʼre kathatetʼ tahẽkana, ar kathatetʼ do Isor ṭhen tahẽkana ar kathatetʼ do Isorgeye tahẽkana.” Johan do Mạsiyakʼ Isortetʼ cetanre jore emakada. Uni do noa bhage sombate ol akada, jemon paṛhaokʼko do Jisu Mạsireko pạtiạukʼ. Ar onate sesreye men akada, “Noako olena jemonpe pạtiạukʼ, Jisu kangeae Mạsi, Isorren Hopon do. Ar unirepe pạtiạukʼte uni hotete jemon jionpe ńam.” (20.31). Mạsiyakʼ eae goṭecʼ hahaṛa kạmiko, one okaṭakʼ Johan do cinhạ kạmiye metakʼkan, onakotege uni do noa bhage sombate ol akada. Ar noa bhage sombatre ol akan mitʼke mitʼ cinhạ kạmi do pusṭạuteye sạbudetʼ kana je, Jisu kangeae Isor do. (2.9; 4: 46-54; 5.2-9; 6.1-14; 6.16-21; 9.1-7; 11.1-44).
Khaṭote Guṭtetʼ
(1) Isorren Hopon Jisuakʼ hijukʼ (1.1-18 kạli)
(2) Johan bạbạptisicʼ ar Jisuren pạhil celako (1.19-51 kạli)
(3) Hoṛko samaṅre Jisuakʼ kạmi (2-12 hạṭiń)
(4) Celako ṭhen Jisuakʼ sikhạuna (13-17 hạṭiń)
(5) Jisuakʼ harket saset ar gujukʼ (18-19 hạṭiń)
(6) Jisuakʼ jiwetʼ beredokʼ ar sodorokʼ. (20-21 hạṭiń)
Nke Ahọpụtara Ugbu A:
Johan Botolo: SBT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Santali Bible © Bangladesh Bible Society, 2021.