Lug 3
3
Inug imbə̀ʼ Jɔn ne nàʼà mənib
(Mat 3:1-12; Mag 1:1-8; Jɔn 1:19-28)
1Anyumə̀ ne ifɔn kyen məRom ne ikum məd ya Tìberùs ya yaʼi tituʼ ìghum chɔ̀b ita̰ igun atən, Pɔntiyos Payilèd ya yaʼ gɔbnà a Jùdeyà. Erɔ̀d yaya bə̀ tùmbə̀ məGalìli. Ifi məd ne ikum ya Filib yaya bə̀ tùmbə̀ məÌturà tì məTàkònitì. Nìsàniyà yaya bə̀ tùmbə̀ məÀbilèn. 2Anyumə̀ we Anàs tì Kàyifà ya yaʼ itog bəd igun bəd mbàn Ŋwiye. Ŋwiye ya chà ikən abə Jɔn, ŋwan ìwi Zàkàriyà, inga ibad zɔbi. 3Icheg ne wì ya zughi ikən gho̰, wì ya ghò inga iben ijìm mbe ne yaʼi ane tìban igyi Jodàn, yḛ̀ nè ghàmà Ìngam Ŋwiye nè pàta bəd gha, bəd niŋ mənib ni chwi gha mbe fə bə̀ŋì fìŋ sìkì inug tibɔ̀ŋ, Ŋwiye bə̀ waʼ ìmbɔb inug tibɔ̀ŋ.
4Məd yaya ghàmà anìŋ icheg ne mbi ŋwàʼri inga àŋwàʼrì wə̀dkə̀n Ŋwiye Àzayà gha,
“Məd ya wə̀d ne kyḛ inga ibad zɔbi gha,
‹Mbə̀ tangi inɔnjì abə Anɔŋisəg. Mbə̀ sembe inɔnjì məd we təm.
5Mbi biri swe tikye mben ijìm tì sweg.
Tiwum kyen kyen fɔrɔ ìti kwa kwa biri swiʼi aseg.
Mbi biri sèmbì mənɔnjì mbe ne ngətə bə̀ swèri tibighi, nwèri mənɔnjì.
6Wə̀d ijìm biri bàd icheg ne Ŋwiye biri pumni bəd.›”
7Jɔn ya ghà abə inɔ̰ bəd we ne ya gho ni niŋ mənib ibo gha, “Mbə̰ ya kwàʼ ifighi! Wə̀d ne pati awən gha mbə̀ noro abə ngəʼ ze ne Ŋwiye nɔŋi abə bəd inug tibɔ̀ŋ àkə we? 8Mbə̀ chwi ane ìwən ikuchèg gha mbə fə sìkì inug tibɔ̀ŋ, bə̀ nàʼ ìtən fìŋ abə Ŋwiye. Imbə̀ʼ mbə̰ ghi ghà awən gha, ‹Tì fə pum imbə̀ʼ icheg ne mba ya bɔn inga aghaŋ inəbi Abràham.› Chəyi àze yaʼi anug mɔ̀ʼɔ. Ŋwiye we tì wì bə̀ŋì ateg azo̰ ane bɔn inga aghaŋ inəbi Abràham. 9Mbə̀ kyeri gha jam ze ìtḭ azed. Azed ne chəyi ze ko titam chɔm, Ŋwiye biri sɔb kwàʼ ane ighaŋ màʼ inga iywid.”
10Inɔ̰ bəd we ya biri gha, “Tì si ghənə?”
11Jɔn ya ywìtì inɔb gha, “Wə̀d ne beri ndwi tìbe, wì naʼa ndwi ifibì abə wə̀d ne chəyi wì bèri. Wə̀d ne beri tijəg, wì ghapa.”
12Bəd mɔ̀ʼɔ ne nìŋə mə̀tag ya bə̀ ghò ni niŋ mənib. Mbi ya biri gha, “Àchwitìnùg, àsi mba, tì ghənə?”
13Wì ya ywìtì inɔb gha, “Imbə̀ʼ mbə̰ niŋə awən tag chè ndò ne gɔbnà gha.”
14Mə̀sogyì mɔ̀ʼɔ ya bə̀ bìri gha, “Àsi mba, tì ghənə?”
Wì ya ywìtì inɔb gha, “Imbə̀ʼ mbə̰ fad awən wə̀d ni niŋ ikab. Imbə̀ʼ mbə̰ bə̀ ziye awən anug ako igun wə̀d. Mbə̀ ya gyènde tì ìwən ikab àfàʼì.”
15Bəd ya ko se nɔ̀ŋɔ̀ ìtɔb tikɔndi gha, “Jɔn gho̰ kə anìŋ yaʼ Wə̀d we ne Ŋwiye zɔ̀ʼi?” 16Jɔn ya ywìtì inɔb mbɔb məjìm gha, “Mə ya nàʼà mənib inən, si ya gha, wə̀d we ne yèʼe inum anjìm, wè chè amə. Chəyi mə̀ koʼi ane wə̀d ne zà iniʼ atami məd. Wì biri chà Azwighi Ŋwiye fɔrɔ iywid igun inən. 17Aso ìtweg-ikwè fə si ibo ikye abo ni kyàŋì ijɔri chì inga kyì ne mbi boʼi ikye nəb. Wì biri chà kyì inga ngən, si fèti ijɔri màʼ inga iywid nɔʼ mèg.”
Erɔ̀d cha Jɔn ne nàʼà mənib a ndəŋ
18Jɔn ya nɔ̀rì ìtɔb fìŋ ane mənɔnjì nɔʼ nɔʼ, bə̀ ghà ikən chɔm inɔb. 19Wì ya pati Erɔ̀d ne ya gɔbnà imbə̀ʼ icheg ne wì ya nami Èrodìyàs ne ya yaʼi iweg ifi məd bə̀ ghì inug tibɔ̀ŋ nɔʼ nɔʼ ndəŋ. 20Erɔ̀d ya gaŋ, fàʼ anug ndəŋ ne bə̀ chè, ni chà Jɔn a ndəŋ.
Yeso niŋ mənib
(Mat 3:13-17; Mag 1:9-11)
21Anyumə̀ ne bəd məjìm ya niŋi mənib, Yeso ya bə̀ niŋ mənib. Icheg ne wì yaya chàʼrà Ŋwiye, ikaŋ àbɔ̀ŋɔ ya fìʼè, 22Azwighi Ŋwiye swiʼi ikaŋ icheg bupə pè nàŋa igun məd. Gì mɔ̀ʼɔ ya ghàm ikaŋ àbɔ̀ŋɔ gha, “Àghò ya ìmə Ŋwan Mbaŋà ne mə̀ taŋ kɔ̀ŋ. Mə gyèndi ako imbə̀ʼ awe.”
Iwaŋ inəbi ìwi Yeso
(Mat 1:1-17)
23Yeso ya ko àze àfàʼì anyumə̀ ne wì ya yaʼi tituʼ ìghum itad. Bəd yaya kɔ̀ndɔ gha məd ya ŋwan Jòseb we
ne ya ŋwan Enì,
24ne ya ŋwan Matàd,
ne ya ŋwan Levì,
ne ya ŋwan Mèki,
ne ya ŋwan Jànayì,
ne ya ŋwan Jòseb.
25Jòseb ya ghùm ŋwan Màtatìyà,
ne ya ŋwan Amòs,
ne ya ŋwan Nahum,
ne ya ŋwan Esnì,
ne ya ŋwan Nagayì.
26ne ya ŋwan Màd,
ne ya ŋwan Màtatìyà,
ne ya ŋwan Semèn,
ne ya ŋwan Josèg,
ne ya ŋwan Jodà.
27Jodà ya ghùm ŋwan Jòwanà,
ne ya ŋwan Resà,
ne ya ŋwan Zèrubabè,
ne ya ŋwan Sitìyè,
ne ya ŋwan Nerì,
28ne ya ŋwan Mèki,
ne ya ŋwan Àdi,
ne ya ŋwan Kosàm,
ne ya ŋwan Èmadàm,
ne ya ŋwan Erè,
29ne ya ŋwan Joswà,
ne ya ŋwan Èlìyezè,
ne ya ŋwan Jorìm,
ne ya ŋwan Matàd,
ne ya ŋwan Levì.
30Levì ya ghùm ŋwan Simìyòn,
ne ya ŋwan Judà,
ne ya ŋwan Jòseb,
ne ya ŋwan Jonàm,
ne ya ŋwan Èliyakìm,
31ne ya ŋwan Mèleyà,
ne ya ŋwan Menà,
ne ya ŋwan Màtatà,
ne ya ŋwan Natàn,
ne ya ŋwan ifɔn Dèvid.
32Ifɔn Dèvid ya ghùm ŋwan Jesè,
ne ya ŋwan Obèd,
ne ya ŋwan Bowàs,
ne ya ŋwan Samùn,
ne ya ŋwan Nasòn,
33ne ya ŋwan Àmìnadàb,
ne ya ŋwan Ram#3:33 Ìŋwàʼrì anun mɔ̀ʼɔ yètì gha Ŋwan Àni ,
ne ya ŋwan Eziròn,
ne ya ŋwan Perèz,
ne ya ŋwan Judà.
34Judà gho̰ ya ghùm ŋwan Jàkɔb,
ne ya ŋwan Azìg,
ne ya ŋwan Abràham,
ne ya ŋwan Terà,
ne ya ŋwan Nawùm,
35Nawùm gho̰ ya ghùm ŋwan Serùg,
ne ya ŋwan Ru,
ne ya ŋwan Pelèg,
ne ya ŋwan Ebè,
ne ya ŋwan Selà,
36ne ya ŋwan Kàyinàn,
ne ya ŋwan Àfazàd,
ne ya ŋwan Sèm,
ne ya ŋwan Nwa̰,
ne ya ŋwan Lamèg.
37Lamèg gho̰ ya ghùm ŋwan Mètuselà,
ne ya ŋwan Enɔ̀g,
ne ya ŋwan Jarèd,
ne ya ŋwan Mèyalelè,
ne ya ŋwan Kenàn,
38ne ya ŋwan Enòs,
ne ya ŋwan Sed,
ne ya ŋwan Adàm,
ne ya ŋwan Ŋwiye.
Nke Ahọpụtara Ugbu A:
Lug 3: MBTP
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2019 CABTAL