Psalms 42
42
1Tuktu niglamajumik imirumalirman aujami, taimaatun God,
2Immiqiliqtutun pijumainaqtagin, God inujutin; qakugu avungauniaqpik angaatjuquplunga haangni?
3Upluq, unnuglu taimaa qianginaqtunga, qulvimnik kihimi niqiqaqpaktunga. Taimaa taimaa akirarma apiqhuqpaktaanga uqaqhutik, “Godin ilaa, naniitpa?”
4Uummatiga naviktutun iliinaqtuq itqakallakkama qangarjuaq aturiaqtuqatauvakkama inugiaktumi Godim igluanun uvanga hivulliuqhugit inuit pihuqatigiiktillugit, aliahuinaqpaktun atuqpakhutiglu God qujagiplugu nipiqquqtujumik.
5Huuq quviahugungnaiqqik tatja, huuq ihumaalukpaktunga? Niriukpaktunga Godmik, qujagijumaplugulu Annautjiga, Godiga.
6Uummatimni quviahugungnaiqqaaqhunga aullaqtitaugaluaqhunga itqaumaniaqtara Judam nunaani; manilruq taijaujuq Hermonmik, Mizarmiglu qanittumi, ilaa itqaumahungujara.
7Tariuit itiningnit tuqhulauqtutut itpaktun, quglungnillu; Godim pitjutain qaraaqtun nipiqquqtujumik. Tamarmik maliktun kappianaqtunirmik ulipkaiplutik nappatimnun.
8Ataniq, takupkaihimali quviakkutiminik upluq tamaan, uvanga qin'ngarvigilagu tamna tunihilirman inuuhirmik uvamnun.
9Godmun, amiqhijimnun uqaqpunga, “Huuq puigurniaqqinga? Huuq nangiqtitauhimaliqpik akiramnin nagliktaittutin?”
10Akirarma uqaniglutigihimangmanga apiqqutigiplunga uqaqhutik, “Godin naniitpa,” kappiahukpiaqqunga.
11Huuq quviahugungnaiqpakpik, ihumaaluinnaqhunga? Niriukpatjavunga Godmik qujagitqijumaplugu Annautjiga Godigalu.
Nke Ahọpụtara Ugbu A:
Psalms 42: AQ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye