Luke 18
18
9Aahiittauq Jesusim una hivuniurniq unipkautigijaa inungnun. Inuit ilangit inmingnik nakuunahugingmata hukhaunngitnahugiplugit aallat tamaita. 10Angutik malruk angaatjuvikpagjuamun itiqatigiiktuk qin'ngariaqturumaplutik. Aippaa Phariseetkut ilangat. Aippanga maniliqijiujugaluaq. 11Pharisee tamna nangiqhuni inminik qin'ngaqtuq imaatun, “God qujagigipkin inuktun aallatun innginnama: tuhujuktutun, iqujuktutun aallatujuktutun, ihumaaluktutunluunniin. Maniliqijitun iinnarama qujahukpiaqtunga. 12Ikarnirmi nirittailiinnaqtunga malruiqtuqhunga pitqutihimni tamainnin ilanganik tunihivaktunga.” 13Maniliqijili ahivaqujaupluni qilangmun aarlurumanngittugaluaq uqallaktuq, “God nagliginga huinniqituqpiarama.” 14Uqautigiffi tamna ahivaktuq nakuugitqijaujumapluni aippaminin. Kinaliqaak inminnik ataniutqijaunahugigumi kan'nguhuktitauhungujuq. Inugli inminik anangaijanngitkumi ataniutqijauhungujugaluaq.
31Jesusim malirutini 12 ilagigamigit uqallautijain, “Ilaa Jerusalemungauliqtugut nalauttaijit uqauhiit titirautigingmatjuk Inuum Irninga itqaumapkaquplugit. 32Tamna tunijauniaqtuq Jewmiunngittunun. Tapkua mitautiginiaqtaat naglikhaaqtittumaplugu tivvuaqturvigijumaplugulu. 33Aahiin ungulakhungujaat tuquttumaplugu. Uplurli pingahuani makititauniaqtugaluaq.” 34Tapkuali tapkuninga kangiqhijuittugaluit uqaqhimajain naunaqtutun ilivangmata tapkununga. 35Jerichomullu Jesus tikiliqtillugu inuk takpiitpiaqtuq apqutim hanianiittuq tukhiakhuni. 36Tamnalu inugiaktumik tuhaagami apiqqutigijain. 37Inuit unniutijaat uqaqhutik, “Jesus Nazarethmiutaq apquhaalirman.” 38Takpiitturlu tuqhulauqtuq, “Jesus, Davidim irninga nagliginga.” 39Inuillu hivulliujun taniqtaat nipaiquplugu. Tamnali nipiqquqtujumik tuqhulauqpaktuq, “Davidim irninga nagliginga.” 40Jesusim nutqaqhuni tahiuqtauqujaa inminun. Qaingman apirijaa, 41“Humik pijumavin uvamnin?” Tamna kiujuq, “Ataniiq takpikhipkaqtaujumajunga.” 42Jesusim uqaallautijaa, “Tautulirin ukpirniviit nakuuhipkarmatin.” 43Tatjainnarlu tautuliqtuq maligahuaqhugu qujagiplugu God. Inuit tamarmik takugamitku God qujagijaat.
Nke Ahọpụtara Ugbu A:
Luke 18: AQ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye