Lukasi 11
11
1Na yakwilaga ati wavagiho hakimbati alilomba; na aho wamalaga kulomba, umo wa vahemba vakwe wamuwilaga, Guku, utuhembeke kulomba kitisi Yohana wavahembekaga vahemba vakwe. 2Wavawilaga, Ulu mulilomba, haho muyombe:
Vava, lina lyako lisondohiwe.
Vutemi wako wize.
3Kiliwa kiswe tulikifunda ha vupanga, utupe nsiku zyose,
4Ututondole mavukenaguzi giswe, kwisi iswe vene tulimutondola kila umo alitukenagulila iswe.
Ukatufile ngʼo iswe kuhumbikwa na kavi.
5Na wavawilaga, Nani mugati ninwe akuvi na munwani na akuja kuwakwe vuziku hagati na akumuwila, 6Mwichane, untizye mikate idatu, kwisi munwani wane wizaga kuwane afumile ku lugendo, na nkavile nacho cha kumuvonecha. 7Na uyu mugati akwitavuka na akuyomba, Uleke kumbezezya milimo, kwisi muzigo gwamalaga kulugalwa, na vana vane valilala hamohene nane ha vulili, nene nkakovolile kuvuka kukupa veve. 8Ndimuwila inwe, nulu mwenuyu akavile kuvuka na kumupa kunguno ali munwani wakwe, akuvuka na akumupa gose genayo aligafunda, kunguno uyo akavile na nsoni ya kumumbembelezya.
9Ndimuwila inwe, Mulombe na mukupiwa, mukove na 10mukuvona, muluguzye na mukulugulilwa. Kwisi homwene alilomba alipiwa, na homwene alikova alivona, na homwene aliluguzya akulugulilwa. Nani mugati 11ninwe homwene ali ise, na mwana wakwe akumulomba mukate, kinahe, akumupa iwe? Ninga akumulomba nsomba, na akumupa nzoka ha lwande lwa nsomba? 12Ninga akumulomba igi, nawe akumupa kamina? 13Ulu haho inwe hovene muli vavi mulimanicha kuvapa vana vinwe fipanwa fisoga, kinahe, Vava winwe mwilunde kukila ngʼo kuvapa avo Roho Nsondo, hovene valimulomba?
14Na wavagi na milimo ya kufumya mugavo, nago gwavagi kameme. Na yakwilaga aho mugavo gwafumaga, wa kameme wayombaga, na vanhu vose vakumaja. 15Alisi vamo mugati navo vayombaga, Mu nguzu zyamwa Beelzebul, mutwale wa migavo, alizifumya migavo. 16Alisi vangi kunguno ya kumugema vakovaga lumeho kufuma kwilunde. 17Alisi uyu wamanikaja miganiko gavo, wavawilaga, Kila vutemi vuligogana navo wenekili vukuvi itongo, na numba yimo yikugwa ku numba yingi. 18Alisi ulu Shetani aligogana nawe mwenekili, vutemi wakwe vukujama na lumehoki? Kwisi muliyomba ati ndizifumya migavo mu nguzu zyamwa Beelzebul. 19Alisi ulu ndizifumya migavo mu nguzu zyamwa Beelzebul, vana vinwe valizifumya mu nguzu zyamwa nani? Kunguno yeniyi venavo vakuvi vayanguzi vinwe. 20Alisi Ulu ndizifumya migavo na lyala lya Mulungu, haho vutemi wa Mulungu wasikaga kuwinwe. 21Ulu wa nguzu asagalilile alilinda ngomwa yakwe, haho nsavo zyakwe zilikala mu kuhola. 22Alisi ulu wa nguzu amukilile akwiza, umukinda na umupuzya mafikolo gakwe, ago uyo 23wagasanizaja, na uzigavanya nsamhwa zyakwe. Homwene akavile hamohene na nene alingemekezya vulugu, na homwene akavile kukuminga hamohene na nene alisambazya. 24Ulu mugavo gwa zoma gwamufumaga munhu, haho gulivita mu fikalama, gulikova hakwisuhizya, na ulu gukahawine guyomba, Nkusyoka mu numba yane umo namufumile. 25Na ulu gulisyoka guliyivona yapyagulilwe na yavegelezivilwe. 26Haho gulija kukasola migavo zingi mpungati mivi kukila gwenekili, na zilingila na zilikala mwenumo, na mheleleko ya munhu mwenuyu yikuvi mbi kukila mbuki yakwe.
27Na yakwilaga aho wavagi aliyomba genaya, mukima umo mugati na mbuto ya vanhu wahamukaga, uhaya, Yelukilwa nda hoyene yakusombaga veve, na mavele hogene veve wagonkaga. 28Alisi uyu wayombaga, Loleyene, velukilwa venavo valigwigwa Muhayo gwa Mulungu na valigulindila.
29Na aho mbuto ya vanhu yivilingaga, wavukizaja kuyomba, Vuvyalwa wenuvu vuli vuvyalwa vuvi, vulikova lumeho, alisi kupiwa ngʼo lumeho, sumbwa lumeho lwamwa Yona. 30Kwisi kitisi Yona wavagi lumeho ku Vaninife, sisyo Mwana wa Munhu akuvi lumeho ku vuvyalwa wenuvu. 31Mutemi mukima wa Dakama akuhembuka ha lusiku lwa vuyanguzi hamohene na vagosya va vuvyalwa wenuvu, na akuvayangula, kwisi uyo wafumile ku mhelo ya liwelelo kuyigwa ngelo yamwa Salomo, na lolaga, henaha aliho muhanya kukila Salomo. 32Vaninife vakuhembuka ha lusiku lwa vuyanguzi hamohene na vuvyalwa wenuvu na vakuvuyangula, kwisi venavo vapilukaga moyo kunguno ya mhola yamwa Yona; na lolaga, henaha aliho muhanya kukila Yona.
Kuduhu umo alivacha tala na. 33kuyitula mu lwiviso ninga hansilili nʼisyelo, sumbwa kwigulya nʼifiga, kigele avo valingila vaguvone mwanga. 34Tala ya muvili yili linso lyako. Ulu linso lyako lyelile, sanga muvili gwako gwene gwelile; alisi ulu likelile, sanga muvili gwako gwene gwilavulile. 35Sisyo wikomye lumole muwako luleke kuvi giti. 36Ulu muvili gwako gose gwelile na gukavile na ifungu lilavuzu ninga limo ngʼo, haho gukuvi mwelu vuliko, kitisi ulu tala yilikwezya veve na mwanga gwayo.
37Aho wavagi aliyomba, Mufarisayo umo wamulombaga itamule nawe, na uyu wingilaga na wikalaga hakulila. 38Na Mufarisayo wakumaja aho wavonaga 39ati, akikalavile hambele na kwitamula. Alisi Guku wamuwilaga, Inwe Vafarisayo mulikigusa kikombe na sahani hibala, alisi mugati mokalile na nsamhwa na kayaya. 40Valele inwe! Kinahe uyo wakitundaga cha 41hanze, akakitundile na cha mugati chene? Mupane icho kili mugati kuvi fipanwa, na lolagi, gose gali masondo kuwinwe.
42Musyolo kuwinwe Vafarisayo, kwisi mukulipaga ifungu lya ikumi ku luwiga na mchicha na makuvi gose, na mulileka vugolozi na kutogwa kwa Mulungu; yilimudima kugamazya genaya vuduhu kugaleka genayo. 43Musyolo kuwinwe Vafarisayo, kunguno mulitogwa kwikala mu masumbi ga kumbele mu masinagogo na kugisiwa mu magulilo. 44Musyolo kuwinwe, kunguno muli kitisi fivimbi fikamanikivilwe, na avo valiyumba kwigulya nafyo vakamanikizye.
45Umo mugati na vamanicha ngʼhama witavukaga na wamuwilaga, Muhembeki, mu kuyomba syenisi ulitusemelela iswe vene. 46Uyu witavukaga, Musyolo kuwinwe vamanicha ngʼhama vene, kwisi mukuvagazaja vanhu miligo mitimbu, alisi mukavile kuyikumya ninga ngʼo na limo lya mala ginwe. 47Musyolo kuwinwe, kunguno mulizenga fivimbi fya vafumbuzi hovene vansinwe valivavavulagage. 48Sisyo inwe muliyisangilwa na muliyizumya milimo ya vansinwe, kwisi avo valivavavulagage, na inwe mulifizenga fivimbi fyavo. 49Kunguno yeniyi ngelo ya Mulungu yayombaga, Nene nkuvatumizya kuwavo vafumbuzi na Vatume, na vakuvavulaga 50vamo mugati navo na kuvapezya, kigele gatondwe ku vuvyalwa wenuvu magazi ga vafumbuzi hogene gazwikivagwa vukumbu na kutundwa kwa liwelelo, 51kufuma magazi gamwa Abele kusika magazi gamwa Zakaria, homwene wavulagagwa hagati na hakuhozezya na numba ya Mulungu, loleyene ndimuwila inwe, gakutondwa ku vuvyalwa wenuvu. 52Musyolo kuwinwe vamanicha ngʼhama, kunguno mwalwingaja lufungulo lwa kumanicha, inwe venekili mukingilile, na mulivahangilizya avo valikova kwingila.
53Na aho wakufumagako vamanicha ngʼhama na Vafarisayo vavukizaja kumupinehezya sivi na kumuvuzya muno kunguno ya mihayo mingi, vamwitegelaga, kigele vagudime muhayo gwa ku mulomo gwakwe.
Nke Ahọpụtara Ugbu A:
Lukasi 11: Nym51
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Nyamwezi New Testament © Bible Society of Tanzania, 1951.