Gyenesis 2
2
Nyankopɔn Gyee N’ahom
1Na wowiee sor nye asaase nye dza ɔwɔ mu nyinara yɛ. 2#Eks 20.11 #Heb 4.4, 10 Na da a otsia esuon no nna Nyankopɔn ewie n’edwuma a ɔyɛɛ no nyinara; na ɔhomee fii no ndwuma no ho. 3Na Nyankopɔn hyiraa da a otsia esuon no do na ɔtseew ho: osiandɛ ɔno mu na ɔhomee fii no ndwuma a ɔayɛ nyinara ho.
Eden Ture
4Iyi nye sor nye asaase ho nsɛm. Ber a EWURADZE Nyankopɔn yɛɛ asaase nye sor no, 5nna hamu dua biara nnyae mmbaa asaase do, na hamu ahaban biara nnyae mmfirii: osiandɛ EWURADZE Nyankopɔn nntɔɔ nsu nnguu asaase do, na nyimpa so nnyi hɔ a ɔbɔdɔw. 6Na nsu fi asaase do bɔfɔɔw asaase enyi nyinara. 7#1 Kor 15.45 Na EWURADZE Nyankopɔn dze asaase do huntuma bɔɔ nyimpa, na oguu nkwahwea guu n’ahwentokura mu; na nyimpa bɛyɛɛ ɔkra tseasefo. 8Na EWURADZE Nyankopɔn yɛɛ ture wɔ Eden, wɔ boka afamu; na hɔ na ɔdze nyimpa a ɔayɛ no no toe. 9#Nyi 2.7; 22.2, 14 Na EWURADZE Nyankopɔn maa ndua a ɔyɛ fɛw, na oye dɛ wodzi nyinara fifirii. Ture no ne finimfin na nkwadua no wɔ, na papa nye bɔn ho nyimdzee dua no so si. 10Na esutsen bi fi Eden kɔree kɔfɔɔw ture no; na ofi hɔ na no mu paapaae, na ɔbɛyɛɛ nsutsir anan. 11Dza odzi kan no ne dzin dze Pison: ɔno na otwa Havila asaase a sika kɔkɔɔ wɔ do no nyinara ho hyia. 12Na asaase no do sika ye, na bedola eduhuam nye epopobibir abo so wɔ hɔ. 13Na esutsen a otsia ebien no ne dzin dze Gihon: ɔno na otwa Kus#2.13 KUS: Ɔnoara nye ndɛ Etiopia. asaase nyinara ho hyia no. 14Na esutsen a otsia ebiasa no ne dzin dze Tigris#2.14 TIGRIS: Hibriw mu no wɔfrɛ no Hidekel.: ɔno na otwa mu wɔ Asiria boka no. Esutsen a otsia anan no nye Eufrates. 15Na EWURADZE Nyankopɔn faa nyimpa no, na ɔdze no kɔtoo Eden ture no mu dɛ onsiesie hɔ, na ɔnhwɛ hɔ. 16Na Ɔhyɛɛ mbra maa nyimpa no dɛ, Ture yi mu ndua nyinara dzi bi: 17na papa nye bɔn ho nyimdzee dua no dze, mma nndzi bi: na da ara a ibedzi bi no, ampaara dɛ ibowu.
18Na EWURADZE Nyankopɔn see dɛ, Onnye dɛ nyimpa no nko tsena hɔ; mebɛyɛ boafo a ɔfata no ama no. 19Na EWURADZE Nyankopɔn dze dɛtse yɛɛ hamu mbowadoma nyinara, nye wimu ntumbowa nyinara; na ɔdze hɔn brɛɛ nyimpa no dɛ ɔnhwɛ mbrɛ ɔbɛfrɛ hɔn: na dzin biara a nyimpa no dze frɛɛ abɔdze biara a nkwa wɔ no mu no, ɔnoara nye ne dzin. 20Na nyimpa no totoo ofiembowa nyinara, nye wimu ntumbowa, nye hamu mbowadoma nyinara edzin; na nyimpa dze woennhu boafo a ɔfata no amma no. 21Na EWURADZE Nyankopɔn maa nda heii tɔɔ nyimpa no do, na ɔdae; na oyii ne mparba mu kor, na ɔdze nam hyɛɛ n’ananmu. 22Na EWURADZE Nyankopɔn dze aparba a oyii no nyimpa no mu no yɛɛ ɔbaa, na ɔdze no brɛɛ nyimpa no. 23Na nyimpa no see dɛ,
Nyew! Me mbiew mu biew,
na mo honam mu nam ankasa nye yi.
Oyi dze, wɔbɛfrɛ no Ɔbaa,
osiandɛ woyii no wɔ Banyin mu.
24 #
Mat 19.5; Mar 10.7, 8; 1 Kor 6.16; Efe 5.31 Dɛm ntsi na banyin begya ne na nye n’egya wɔ hɔ, na ɔdze noho akɛbata ne yer ho: na wɔayɛ honankor. 25Nna hɔn beenu no nyinara dzi adagyaw, banyin no nye ne yer no, naaso wɔammfɛr.
Nke Ahọpụtara Ugbu A:
Gyenesis 2: MFANBRPC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mfantse Bible © Bible Society of Ghana, 2011.