Mark 16
16
Le Jesus Yukinipi [Yunajiƞkiyapi]
(Matthew 28.1-8; Luke 24.1-12; John 20.1-10)
1Aƞpetu Wak̇aƞ ki ohakab Mary Magdalene e na James huƞku Mary hena Salome hena wigli oṗeṫuƞpi na uƞ Jesus ṫaċaƞ ki slayapi kte. 2Hihaƞnaḣċi aƞpetu wak̇aƞ ihihaƞna el Jesus ḣpaye el ipi. 3-4Etkiyayapi na hekiċiyapi, “Tuwa iƞyaƞ ṫaƞka waƞ tiyopa ki kuṡeya yaƞke ki he yuḣeyab euƞkiċiglepi kta he?” (Na inyaƞ ki he lila tke) Waƞyaƞkapi yuƞk̇aƞ tuwa ehaƞni iƞyaƞ ki he yuḣeyab egle. 5Tima iyayapi yuƞk̇aƞ najiƞpi hetaƞhaƞ iṡlayataƞhaƞ k̇oṡkalaka waƞ ogle ska uƞ ċa waƞyaƞkapi. Lila inihaƞpi.
6“Iyuṡʹinyaƞpi ṡni yo!” Wiċaṡa ki he hewiċakiye, “Jesus oyalepi ċa slolwayelo eyaṡ kini na iyayelo. Yunajiƞkiyapi ċa el uƞ ṡni yelo. Waƞyaƞkapo, lel ḣpaya tk̇a yelo! 7Ho iyayapi na ihakab-uƞpi ena Peter k̇o okiyakapo, ‘Galilee takiya niṫokab iyayelo. Heċiya waƞlakapi kte. Heċel eya ċa eċutu ktelo.’”
8Ċa inaṗapi na hetaƞ naṗapi. Tuweni owiċakiyakapi ṡni iċiƞ taku inihaƞpi ċa.
Woṫaƞiƞ-Waṡte Ki Oihaƞkeya#16.8: Some manuscripts and ancient translations do not have this ending to the Gospel (verses 9-20).
Jesus Mary Magdalene Iṫokab Ṫaiƞiċ'iye
(Matthew 28.9, 10; John 20.11-18)
9Aƞpetu Wak̇aƞ ehaƞl Jesus tʹiƞ na kini ki ohakab ṫokeya Mary Magdalene iṫokab ṫaƞiƞicʹiye iċiƞ Mary etaƞ wanaġi ṡiċa ki ṡakowiƞ kaḣeyab iyewiċaye. 10Mary iyayiƞ na oṗa ki owiċakiyake. Hena waṡiglapi na ċeyapi ki ehaƞl. 11Nahaƞ Mary Jesus waƞyaƞka keya owiċakiyake eyaṡ Mary ċetʹuƞglapi.
Jesus Ihakab-Uƞpi Etaƞ Num'blala El Ṫaiƞiċ'iye
(Luke 24.13-35)
12Ohakab num manil yapi ki iċuƞhaƞ ake Jesus ṫogye ṫaƞiƞicʹiye. 13Lena kipi na uƞma ki owiċakiyapi eyaṡ ċetʹuƞwiċaglapi.
Jesus Ake Wanjipi Ki El Ṫaiƞiċ'iye
(Matthew 28.16-20; Luke 24.36-49; John 20.19-23; Acts 1.6-8)
14Ehake ki he Jesus ihakab-uƞpi ake waƞjipi ċa wiċiṫokab ṫaƞiƞicʹiye na iyoṗewiċaye iċiƞ wowiċala yuhapi ṡni na iċiƞ nakuƞ lila nuġe waniċapi ki heuƞ tuwa Jesus waƞyaƞke eyaṡ hena wiċak̇ewiċalapi ṡni 15Hewiċakiye, “Mak̇a ki le ataya iyayapi na tuktel wiċaṡa uƞpi ki hena Wak̇aƞṫaƞka ṫawoksape wak̇aƞ ki lena uƞspewiċakiyapo. 16Tuwa wowiċala yuha na mni akaṡtaƞpi ki he ni kte na tuwa wowiċala niċe ki he wiċoni yuha kte ṡni. 17Wowiċala yuha ki hena wowaṡʹake miṫawa ki wiċakʹupi kte; ki hena Wak̇aƞ ṡiċa kaṫaƞkal iyewiċayapi kte na ṫogye woglakapi kte. 18Zuzeċa waƞji eyuṫaƞpi naiƞṡ taku ṡiċa yatkaƞpi eyaṡ itok̇api kte ṡni. Lena nape ki wayazaƞ waƞji eyuṫaƞpi ki akisnipi kte.”
Jesus Maḣpiyatakiya Akiyaglapi
(Luke 24.50-53; Acts 1.9-11)
19Jesus wana oyate ki wowiċakiyake ki ohakab maḣpiyata eyayapi na Wak̇aƞṫaƞka iṡlayata egnakapi. 20Ihakab-uƞpi ki iglubleċapi na wawahokuƞkiyapi na Wak̇aƞṫaƞka ob wowaṡi eċuƞ ċa heuƞ taku wowak̇aƞ eċuƞpi ki hena iyeċetu iċiƞ woglak amanipi ki hena wiċak̇api ċa.”
Toktogya Oihaƞkeya#16.20: Some manuscripts and ancient translations have this shorter ending to the Gospel in addition to the longer ending (verses 9-20).
Le winyaƞ ki Peter ena ok̇olakiċiyapi ki hel ipi na Jesus hehaƞ waeye ki kiksuyapi ċa owiċakiyakapi. Ohakab, Jesus iyayiƞ na ihakab-uƞpi ki hena wowaṡi ewiċaċuƞkiye. Wiyohiyaƞpata eċiyataƞhaƞ nakun wiyoḣpeyata etkiya le taku wak̇aƞ na owihaƞke waƞiċa wotaƞiƞ ki he e.
Nke Ahọpụtara Ugbu A:
Mark 16: LKTNT20
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© American Bible Society