Mark 14
14
Jesus Le Awaċiƞpi
(Matthew 26.1-5; Luke 22.1, 2; John 11.45-53)
1Wokiksuye woeċuƞ waƞ Wiċiwaƞkab na nakuƞ Aġuyapi Blaska Yutapi eyapi ċa wana aƞpetu numpa sʹe ihuƞni. Waċekiye-wiċaṡa-oiṫaċaƞpi na wooṗe-awaƞyaƞkapi ki hena tuktognayaƞ anaḣmala Jesus ktewiċakiyapi kta awaċiƞpi. 2"Owiċota waeċuƞpi hehaƞl eċuƞk̇uƞpi kte ṡni," leyapi, "ognaiṡ oyate ki ṫogmuṡniya skaƞpi kte ċa ik̇okiṗapi."
Jesus Bethany Oṫuƞwahe Hel Iyuƞyapi
(Matthew 26.6-13; John 12.1-8)
3Jesus Bethany oṫuƞwahe ekta i na Simon ti el i, hel wiċaṡa ki ḣaƞḣaƞpi-woyazan-siċa heca. Jesus wotʹe ki eċhuƞhaƞ winyaƞ waƞ iyonaƞiyaƞ wanje waṡtemna ojula (made of pure nard) yuha hi. Iyonaniyaƞ ki kableċe na Jesus nata akaƞl kapṡuƞ. 4Wiċote ki huƞḣ acaƞzekapi na leyapi, "Takuwe, le woyuha eyaṡ hecanu he? 5Le waṡtemna ki opawiƞġe yamni mazaska-wiyakpa un wiyoṗeyiƞ ṡka nakun unṡikala ki eċakopi kte." Na lila iƞṡiƞkċiƞya kuwapi.
6Eyaṡ Jesus leye, winyaƞ ki ayustaƞpo! Takuwe naġiweyapi he? Winyaƞ ki le tanyaƞ eċamiċiuƞ. 7Waḣpaniċa ki ohiƞni ob yauƞkte na tohaƞċika owiċakiyakiƞ kte. Eyaṡ 8Le winyan ki taku ihaƞkeya waeċun ki he e; waṡtemna ki amapapsuƞ ki kaiṫokabya ḣapi ṡni haƞ lecel eċuƞ. 9Ṫokatakiya, winyaƞ waeċuƞ ki le mak̇asitomnia onaḣuƞpi kte na tuweke iyuha kiksuyapi kte nakun ekṫuƞjapi kte ṡni."
Judas Eċa Jesus Aoyake
(Matthew 26.14-16; Luke 22.3-6)
10Hehaƞl ihakab-unpi ki wanji Judas Iscariot eċiyapi ki he eca waċekiye-wiċaṡa-oitaċaƞ ekta i na Jesus hel aoyake. 11Ċa lila iyokipipi na Judas kiċaijupi kta glustanpi. Heun Judas iyowinicʹiyiƞ na tuktognayaƞ Jesus oyuspapi kte ki he awaċin yelo.
Jesus Woyute Woeċun Ki Ihakab-Uƞpi Ki Ob Wotiƞ Kte
(Matthew 26.17-25; Luke 22.7-14, 21-23; John 13.21-30)
12Le Aġuyapi blaska yutapi anpetu ki hihuƞni nakun ṫaḣca-ṡunkala ċincala wiċayutapi ċa kiċanwiċayapi, eċuƞhan, Jesus ṫa ihakab-unpi ki le iyunġapi, "Tuktel woyute ki le unyuwinyeyapi kta hwo?", eyapi.
13Hehaƞl, Jesus ihakab-unpi ki num wawiċaṡi: "Oṫuƞwahe el iyahuƞnipi ki, wiċaṡa wan mni tokṡu ċa atayapi kte. He ihakabyapo. 14Ti ki ihakab tima iyayepi na leye: 'Le Wauƞspekiya leye, tuktel ċa ihakab-unpi ki ob wokiksuye woeċuƞ wotiƞ kte ki slolya ċin?' 15Hehaƞl wiċasa ki tiwaƞkal yuok̇aƞ ċa niċipazopi ktelo."
16Ċa iyaypi na Jesus ṫaku eye ki iyuha aiyeċel iyeyapi ċa waƞcagna woyute ki yuwiƞyeyapi.
17Ḣtayetu hehaƞ, Jesus ena ihakab-unpi ki el hipi. 18Woliwoyute yaƞkab eċuƞhaƞ Jesus leye, "Tuwe wanje iglahomni na kaṡkapi mayin kte ki he lel ohan yanke yelo."
19Le naḣ'uƞpi hehan ihakab-uƞpi ki lila kiċipasipi na ekiċiikiyuġapi, tuwe leċuƞ okihi ki heċi?"
20Jesus awiċayupte, "niye ihakab-uƞpi ki he wanje eċa teḣkiya umakiyiƞ kte. 21Wowapi-wak̇aƞ iyeċel Wiċaṡa-Ċinkṡitku ki wiċoni ki ayuṡtan kte, eyaṡ tuwe wiċaṡa waƞ makte awacinpi na aomayake ki heċa oteḣi slolyiƞ ktelo! Le wiċaṡa ki he icuƞki eyaṡ eċaṡ tuƞpi kte ṡni ska!"
Wak̇aƞṫaƞka Iṫaƞcaƞ Ki Wotapi
(Matthew 26.26-30; Luke 22.14-20; 1 Corinthians 11.23-25)
22Wolyankapi eċuƞhaƞ, Jesus aġuyapi blaska wan kiyuksa iċu na wopila eye na Ihakab-uƞpi ki wiċaku na leye, "Le miṫaċaƞ ċa ċiċupi, yutapo," eye.
23Wiyatke wan iċu na Wak̇aƞṫaƞka wopila eye na iċaku na iyuha etaƞhaƞ yatkaƞpi. 24Jesus leye, "Le we miṫawa yelo ċa mak̇asitomniya papsuƞpi ċa heuƞ Wak̇aƞṫaƞkauƞyayapi. 25Le owiċakiyake, ċa tohaƞl Wak̇aƞṫaƞka kiċiuƞkinajinpi ki he nakeṡ ake mniṡa blatkiƞ ktelo," eye.
26Hehaƞl lowanpi na Paha wan Olives eċiyapi ċa etkiya iyayapi.
Jesus Peter Wiċala Uƞki Waayataƞ Kte
(Matthew 26.31-35; Luke 22.31-34; John 13.36-38)
27Jesus lewiċakiye, "Iyuha nayaṗapi kte na miṡnala kte, wowapi-wak̇aƞ ki leye, 'Wak̇aƞṫaƞka ṫahċa-ṡuƞkala-awaƞyaƞke ki ktepi kte na ṫaḣċa-ṡuƞkala ki okableyapi ktelo.' 28Eyaṡ mayukinipi hehaƞl Galilee oṫuƞwahe niṫokab wa i kte."
29Peter ayupte, "Tohaƞni aċiyustan kte ṡni eyaṡ omaki iyuha iḣpeyaya niyapi!"
30Jesus Peter hekiye, "Peter, le namiċiḣuƞ wo, k̇okayaḣaƞla ki anpo num hoṫuƞ ṡnihaƞni, yamni sʹe slolmayaye ki anayakiḣmi ktelo," eye.
31Peter ake sutayela yupte, "Tohaƞni lepeṡni eyaṡ niktipi ki miṡeya maktepi okihipelo!"
x Ho na ihakab-uƞpi iyuha inṡeya heyapi.
Jesus Gethsemane el Waċekiye
(Matthew 26.36-46; Luke 22.39-46)
32Gethsamane el wana hipi, nahaƞ Jesus tawowaṡi ki hewiċakiye, “Waċewakiyiƞ kta ċa ena yaƞkapo.” 33Ho ċa, Peter, James, e na John iwiċaċu, na iyaye, eyaṡ Jesus taku inihiƞċiye, uƞgnahela. 34Na hewiċakiye, “Lila ċaƞte maṡice. Ena uƞpi, na okṡaƞṡaƞ etuƞwaƞpo.”
35Owatohaƞyaƞ yin na kuliḣpeicʹiye, na waċekiye ki he okihi piċa ki le kakije kte ki le heċetu kte ṡni. 36“Ate!” eye. “Ate miṫawa ki! Niye etkiya taku iyohila okihi piċa. Wokakije ki letaƞ yuḣeyab iċu wo. Miye heċel waċiƞ ki uƞ ṡni, eyaṡ niye heċel yaċiƞ ki uƞ.”
37Gli, yuk̇aƞ ṫawauƞspewiċakiye yamni iṡtima ḣpayapi. Peter hekiye, “Simon! Niṡtima hwo? Takuwe owaṗe waƞji kayeṡ kikta yauƞ oyakihi ṡni hwo?” 38Nahaƞ, hewiċakiye, “Wakta yaƞkapo, na waċeyakiyapi ki heċel taku ṡiċe ki hel onihiƞḣpayapi kte ṡni yelo. Ninaġi ki waṡʹake, eyaṡ niċeḣpi ki huƞkeṡni.”
39Ake iċinupa iyaye, na waċekiye ki iṫokab tokel eya heċi heċena ake waċekiye. 40Hehaƞl ṫawauƞspewiċakiye ki ekta gli, yuƞk̇aƞ iyuha iṡtima ḣpayapi; iyuha iṡta ki tuƞwaƞpi okihipi ṡni, na taku eyapi kta ṫaƞiƞ ṡni.
41Ake iċiyamni gli, na hewiċakiye, “Heċena niṡtima na asniniċiyapi hwo? Heċegla! Wana iyehaƞtu welo. Waƞyaƞkapo, miye, Wiċaṡa Ċiƞhiƞtku ki, wana wiċaṡa waḣtanipi sʹa ki hel mawiċakʹupelo. 42Inajiƞpo, uƞkiyayapi ktelo. Waƞyaƞkapo, le wiċaṡa ki eċa teḣiya omakiḣʹaƞ ktelo.”
Le Jesus Wana Oyuspapi
(Matthew 26.47-56; Luke 22.47-53; John 18.3-12)
43Jesus, nahaƞḣċi woglake ehaƞl, wauƞspewiċakiye etaƞ waƞji Judas eċiyapi ċa hel glihuƞni. Wiċota ob gli ċa hena iyuha mila haƞska, na iċatʹe k̇o yuha hipi, na hena, waċekiye- wiċaṡa-oitaƞċaƞpi, na wooṗe ogna wauƞspewiċakiye, na nakuƞ kʹaƞ ki hena heċuƞ wiċaṡipi. 44Judas ki le oyate ki wiwiċakiyuṫe: “Wiċaṡa waƞ iwapuṫake ki he e, ċa yaċiƞpelo. Oyuspapi, na kaṡka eyayapo.”
45Ho ċa, Judas hi na waƞċagna Jesus el i, na heye, “Wauƞspewiċakiya!” e yiƞ na Jesus ipuṫake. 46Ho ċa, Jesus oyuspapi, na sutaya yuzapi. 47Eyaṡ, najiƞpi ki hetaƞ waƞji mila haƞska ki ikikċu, na waċekiye wiċaṡa wayaka ṫawa ki, mila haƞska ki uƞ aṗe yuƞk̇aƞ nakpa ki uƞma kaksa iḣpeye. 48Hehaƞl Jesus hoṫaƞiƞ, na hewiċakiye, “mila haƞska, na ċaƞksa k̇o yuha yaupi na omayaluspapi kta hwo, le wiċaṡa ṡiċa ki hemaċa ṡni yelo. 49Aƞpetu ataya tipi wak̇aƞ el tima uƞk̇uƞpi, na wauƞspeċiċiyapi, eyaṡ hel omayaluspapi ṡni. Eyaṡ, owapi ekta le heċetu kta ċa owayaƞke.”
50Ho ċa, wauƞspewiċakiye ṫawa ki iyayapi na naṗapi.
51Wiċaṡa ṫeċaka, ċa Jesus ihakab ye. Mniḣuha ska waƞ iyatayela uƞ. 52Eyaṡ wiċaṡala ki naṗe, na mniḣuha ska ki ena onaṡloke.
Jesus Wana Omniċiya-Ṫaƞka Iṫokab Inajiƞ Kte
(Matthew 26.57-68; Luke 22.54, 55, 63-71; John 18.13, 14, 19-24)
53Ho hehaƞl, Jesus wana waċekiye-wiċaṡa-oiṫaƞcaƞ oti ki heċe aipi, el waċekiye-wiċaṡa iṫaƞċaƞpi, na kʹaƞpi ki, epi na wooṗe ogna wauƞspewiċakiye ki hena iyuha el uƞpi. 54Peter wiċihakab iṫehaƞyaƞ mani ye, na Waċekiye wiċaṡa iṫaƞċaƞ tipi ke hel itankata ċuƞkaṡke, ċa hel waawaƞke eya ob kul iyotake, na ċetipi, ċa ok̇alicʹiya yaƞke. 55Ho, hel waċekiye wiċaṡa iṫaƞċaƞ ki ipi na omniċiye ki Jesus taku ṡiċaya eċuƞ ki hena iwoglakapi, eyaṡ takuni uƞ ktepi kta waniċe. 56Wiċota Jesus owekiwak̇aƞk̇aƞpi, eyaṡ ṫawooglakeypi hena atayaṡ aiyopteya ṡni.
57Wiċaṡa ki huƞḣ inajiƞpi, na Jesus leya keya owewak̇aƞk̇aƞpi: 58“Leċel nauƞḣʹuƞpelo! ‘Le Tipi-Wak̇aƞ ki le wiċaṡa kaġapi, ċa blujuju, na ohakab aƞpetu yamni ṡnihaƞni ake waƞji wiċaṡa kaġapi ṡni, ċa pawoslaiyewayiƞ kte,’ Jesus, heya ċa nauƞḣʹuƞpelo.” 59Hena epi kayeṡ ṫawooglakepi waṡte ṡni.
60Waċekiye wiċaṡa ataya iṫaċaƞ ki inajiƞ, na wiċiṫokab Jesus wiyuƞġe, na hekiye, “Taku iyaniuƞpapi ki lena woayupte waƞjiḣċi luha hwo?”
61Eyaṡ, Jesus inila najiƞ, na taku eye ṡni. Ake waċekiye wiċaṡa ki Jesus wiyunġe, “Wanikiye ki he le niye hwo, Wak̇aƞṫaƞka Ċiƞhiƞtku ki?”
62“He, miye yelo!” Jesus ewiċakiye, “Ho na, iyuha Wak̇aƞṫaƞka Ċiƞhiƞtku ki, atkuku ki iṡlayataƞhaƞ yaƞkiƞ kte, ċa waƞlakapi ktelo, na maḣpiya waƞji ogna kutakiya u ktelo.”
63Waċekiye wiċaṡa iṫaƞċaƞ ki ṫaogle ki gluḣleḣleċe, na heye, “Ho, isam waayataƞiƞ wiċuƞċinpi ṡni yelo.” 64“Wawoohola ṡni, ċa nayaḣuƞpelo, tokel ehapi kta hwo?”
Iyuha yuġatapi, ki Jesus heċuƞ ċa uƞ. Na heuƞ ktepi iyeċetu keyapi.
65Huƞḣ wana aṫaṡoṡapi, na iṡta ki ogmus ṗaḣtapi, na aṗapi. Na hekiyapi, “Tuwa aniṗa heċi oyaka yo,” ekiyapi. Nahaƞ, waawaƞyaƞka ki iċupi, na kaskaskapapi
Le Peter Jesus Wiċala Ṡni
(Matthew 26.69-75; Luke 22.56-62; John 18.15-18, 25-27)
66Peter nahaƞḣċi hel tima ok̇olicʹiya yaƞka he, ehaƞl waċekiya wiċaṡa ṫawowaṡi waƞ wiƞċiƞċala el hi, 67na Peter hekiye, “Niṡeyaƞ Jesus, Nazareth etaƞhaƞ ki le yeċiċa.”
68Eyaṡ, Peter wiċala ṡni, “Slolwaye ṡni yelo,” ekiye. “Taku yak̇e ki he owakaḣniġe ṡni yelo,” eya ayupte. Hetaƞ iyaye ḣċehaƞl k̇ok̇oyaḣʹaƞla bloka waƞ hoṫuƞ.
69Wiƞċiƞċala ki Peter waƞyaƞka, ċa, waƞċagna el najiƞpi ake hewiċakiye, “Le he waƞji ye,” ewiċakiye. 70Eyaṡ, ake Peter wiċala ṡni.
Iyeċani ake el najiƞpi ki Peter hekiyapi, “Galilee henitaƞhaƞ, ċa hel oyaṗa ṡni keha oyakihi ṡni.”
71Ho ċa, ake Peter hewiċakiye, “Wiċawak̇elo! Wiċawak̇e ṡni ki Wak̇aƞṫaƞka iyoṗemayiƞ kte, eṗiƞ ktelo! Wiċaṡa waƞ yak̇api ki he slolwaye ṡni yelo.”
72Ḣċehaƞl ake iċinupa k̇ok̇ayeḣʹaƞla bloka waƞ hoṫuƞ, ċa Peter wakiksuye ki he Jesus hekiye, “Tohaƞ k̇ok̇ayeḣʹaƞla bloka ki nupa hoṫuƞ ṡnihaƞni, yamni akigle matuwe he slolmaya ṡni kehiƞ kte,” eyiƞ na ċeye.
Nke Ahọpụtara Ugbu A:
Mark 14: LKTNT20
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© American Bible Society