روت دروارۀ کتاب روت
دروارۀ کتاب روت
ویشتِر از هِزار سال، قبل از دِنیا بیَمِنِ عیسای مسیح کتابِ روت بَنِوِشت بَییه که اتّا بیگانه ره خِدا نظِر هَکِرده و وِه جدۀ داوودِ پادشاه که عیسای مسیح از وِنه ریشه هَسّه بَییه. روتِ کتاب اتّا از دِتا کتابِ موقَدِس هَسّه که دروارۀ زن بَنِوِشت بَییه.
روتِ کتاب سرگِزِشتِ اَتّا اسرائیلیِ خِنِواده یعنی الیمِلِک هسّه که با شه زِنا نعومی و دِتا ریکا محلون و کیلیون که خِشکسالیِسّه مجبور بَینه اسرائیل و شه مِلک و اموال ره ترک هَکِنِن و اسرائیلِ هِمسایه یعنی موآبِ که بتپَرِست بینه بورِن. چون اون دوره اسرائیل هیچ پادشاهی نِداشته و حکومت محلّی داشته و همه جا هرج و مرج بی‌یِه و ویشتِرِ مردِم گِناه کِردِنه و خِدا ره از یاد بَوِرد بینه. این خِنواده موآبِ دِله موندِگار بَینه و محلون و کلیون با دِتا موآبی کیجا یعنی عرپِه و روت ازدواج هَکِردِنه و حِدود ده سال بِگذِشته که نعومی شه مردی و دِتا ریکا ره از دست هِدا و هیچ کسی دیگه نِداشته و زندگی وِنِسّه تاریک بی‌یه که بِشتوسه خِدا دِواره اسرائیل ره برِکِت هِدا و خواسّه که اسرائیل بَردِگِرده اما روت به خاطرِ ایمانی که به اسرائیلِ خِدا بیارده و شی‌مار ره نِخواسّه تنها بی‌یِله وِنه هِمراه اسرائیل بورده و همون موقع فصل تاشی بی‌یِه و روت خوشه چینیِ وِسّه شه مردیِ فامیل یعنی بوعِزِ زمین بورده. وقتی نعومی خَوِردار بَییه که بوعِز الان وِشون گَتِ فامیل و سرپِرِست هَسّه و تنها کسی هَسّه که طبق اسرائیلِ قانون اگه روتِ جه ازدواج هَکِنه وِشونِ مِلک و اموال ره که نعومیِ مردی وِسّه هَسّه ره دِواره بَردِگَردونه و هم اگه روت پسِردار باوّه اون ریکا الیمِلِک و محلونِ نوم ره شه خانِدانِ دِله زنده کِنّه همینِسّه نعومی بوِعِزِ جه بِخواسّه و بوعِز هِم قبول هَکِرده.
Nke Ahọpụtara Ugbu A:
روت دروارۀ کتاب روت: Maz
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Mazanmedia