Gyenesise 1
1
Ewiase bɔlɛ nwo dwirɛ
1 #
Yoh 1.1; Edw 104; Aso 17.24; Nye 4.11; Heb 11.3; Yoh 1.1-3 Ahyɛaseɛ ne, Nyameɛ bɔle anwuro ne aseɛ. 2Né aseɛ te sesakaa bɔ olle bɔbea biala ɔ. Né awosii akata buma ne anye; na né Nyameɛ Sunzum natenate nzue ne anyeso faa. 3#Edw 33.9; 2 Kor 4.6 Na Nyameɛ hane kyɛ, “Ɔ́ta hyireinn!” Na ɔtale hyireinn. 4Nyameɛ nwuni kyɛ hyireinn ne te paa, na ɔtele hyireinn ne fili awosii ne anwo. 5Nyameɛ tole hyireinn ne dumaa Alehyeleɛ, yeɛ ɔtole awosii ne dumaa Alesaleɛ. Aleɛ sane, na aleɛ hyene: kyẽa bɔ oli moa ɛne.
6Na Nyameɛ hane kyɛ, “Ewienu bra, na ɔɔtete nzue nemɔ anu!” Na ɔwale nu sɔ. 7Nyameɛ yɔle ewienu, na ɔtele nzue bɔ ɔwɔ ewienu bo fili bɔ ɔwɔ ewienu anwuro nwo. 8Nyameɛ tole ewienu ne dumaa Anwuro. Aleɛ sane, na aleɛ hyene: kyẽa bɔ ɔtɔ so nyɔ ɛne.
9 #
Yob 29.8; Yes 51.10 Na Nyameɛ hane kyɛ, “Nzue bɔ ɔwɔ ewienu bo ne, ɔ́boa ye noa neka horɛ, na aseɛ wosee bra!” Na ɔwale nu sɔ. 10Nyameɛ tole nekaa wosee ne dumaa Aseɛ, yeɛ nzue bɔ ye noa aboa ne koso, ɔtole ye dumaa Ɛpo. Na Nyameɛ nwuni kyɛ ɔte paa. 11Na Nyameɛ hane kyɛ, “Aseɛ ófifi ndire, mmakaa bɔ osu mmaa, ɔne mmakaa bɔ ye mma wɔ ye aleɛ nu, ebiala kyɛbɔ ye sue si te ɔ wɔ aseɛ so!” Na ɔwale nu sɔ. 12Aseɛ fifili ndire, mmakaa bɔ osu mmaa, ɔne mmakaa bɔ mmaa wɔ ye aleɛ nu, ebiala kyɛbɔ ye sue si te ɔ. Na Nyameɛ nwuni kyɛ ɔte paa. 13Aleɛ sane, na aleɛ hyene: kyẽa bɔ ɔtɔ so nza ɛne.
14 #
Yer 31.35; Yes 40.26 Na Nyameɛ hane kyɛ, “Nganea bra ewienu, na bɛɛtete alehyeleɛ ne alesaleɛ bɛ nu, na bɛ́yɛ mmerɛ, ngyẽa ne afoɛ mɔ nwo nzɛngyerɛnneɛ; 15bɛɛyɛ nganea wɔ ewienu, ná bɛta aseɛ so!” Na ɔwale nu sɔ. 16Yiti Nyameɛ yɔle nganea mbiri nyɔ ne, kyɛ pirikua ne oli alehyeleɛ so, na kaaba ne oli alesaleɛ so; ɔyɔle nzramaa mɔ koso. 17#Edw 136.7-8 Na Nyameɛ fale bɛ tuatuale ewienu kyɛ bɛta aseɛ so, 18kyɛ beli alehyeleɛ ne alesaleɛ so, na bɛtete hyireinn ne awosii ne anu. Na Nyameɛ nwuni kyɛ ɔte paa. 19Aleɛ sane, na aleɛ hyene: kyẽa bɔ ɔtɔ so nna ɛne.
20Na Nyameɛ hane kyɛ, “Nzue ɔlɔ abɔdeɛ ahoroɔ pee bɔ bele ngoa ɔ, ná nnomaa koso bétu bɛ́fa aseɛ so wɔ ewienu!” 21#Yes 27.1; Edw 74.13 Yiti Nyameɛ bɔle ɛpo nu ngaka mbiri mbiri ne mmaa mmaa mukoraa kyɛbɔ bɛ nu biala sue si te ɔ, ɔne nnomaa mukoraa kyɛbɔ bɛ nu biala sue si te ɔ. Na Nyameɛ nwuni kyɛ ɔte paa. 22Nyameɛ yirale bɛ, na ɔhane kyɛ, “Ɛ́mɔwo ná ɛmɔlɔ pee, ná ɛ́mɔyi ɛpo nu tɛkyɛ; nnomaa koso ɛ́mɔta pee wɔ aseɛ so!” 23Aleɛ sane, na aleɛ hyene: kyẽa bɔ ɔtɔ so nnu ɛne.
24Na Nyameɛ hane kyɛ, “Aseɛ ɔ́ma ngaka bɔ ngoa wɔ bɛ nu béfi ye nu bɛbra, kyɛbɔ bɛ sue te ɔ: awuro ne eburo ngaka, ngaka mmaa ne ngaka bɔ bɛtwe bɛ nwo ase, yeɛ eburo ngaka mbiri, kyɛbɔ bɛ nu biala sue si te ɔ!” Na ɔwale nu sɔ. 25Na Nyameɛ yɔle aseɛ so ngaka mbiri, awuro ngaka, yeɛ ngaka mmaa ne ngaka bɔ bɛtwe bɛ nwo ase, kyɛbɔ bɛ sue si te ɔ. Na Nyameɛ nwuni kyɛ ɔte paa.
26 #
Gye 5.1; Mat 19.4; Mak 10.6; Kol 3.10; Yak 3.9 Afei Nyameɛ sele kyɛ, “Ɛ́mɔma yɛyɔ sona kyɛ yɛ sɛso, ma osoma yɛ; ná yɛ́ma benya tumi wɔ ɛpo nu ngaka so, ewienu nnomaa so, awuro ngaka so, aseɛ amukoraa so, ɔne kaka biala bɔ ɔtwe ye nwo ase wɔ aseɛ so ɔ so.”
27 #
Ɛfe 4.24; Gye 2.7, 22; Mat 19.4 Yiti Nyameɛ bɔle sona kyɛ ye bɔbɔ ye sɛso,
Nyameɛ sɛso yeɛ ɔbɔle ye ɔ;
ɔbɔle bienzua ne brasua.
28Nyameɛ yirale bɛ, na osele bɛ kyɛ, “Ɛ́mɔwo ná ɛmɔta, ɛ́mɔyi aseɛ so tɛkyɛ ná ɛmɔli so; ná ɛ́mɔnya tumi wɔ ɛpo nu naen so, ɔne ewienu nnomaa ne kaka biala bɔ ɔwɔ aseɛ so ɔ so.” 29#Edw 104.14 Na Nyameɛ sele kyɛ, “Ɛ́mɔtie, mafa bakaa biala bɔ osu mmaa wɔ aseɛ so, ɔne bakaa biala bɔ mmaa wɔ ye aleɛ nu mama ɛmɔ, kyɛ ɛmɔ aleɛ ɛne. 30Na kaka biala bɔ ngoa wɔ ye nu: aseɛ so ngaka mukoraa, ewienu nnomaa mukoraa, yeɛ kaka biala bɔ ɔtwe ye nwo ase wɔ aseɛ so ne, mafa nyaanyaa mukoraa mama bɛ kyɛ beli.” Na ɔwale nu sɔ. 31#1 Tim 4.4 Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.
Nke Ahọpụtara Ugbu A:
Gyenesise 1: EBP
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Esahie Bible © Bible Society of Ghana, 2018.