Luka 3
3
Yoane Kubatisha wasunda
(Mt 3:1-12; Mk 1:1-8; Yn 1:19-28)
1Um-mwaka wikumi na usano uwa kulâsa kwi Kaisali Tibelio, Ponsio Pilato wali unndâsi wa Yudea, na Yelodi wali umwene wa Galilea, na Filipo unnina wali umwene wa Itulea niisi ya Tulakonite, na Lisania wali mwene wa Abilene. 2Lino Anasi na Kayafa yali Yakapelaakulu, iswi lyi Leesa lyamwisile Yoane, umwana wi Zakalia, pano wali uku lusanga. 3Aya insi yoshi yino yapalamine ni Yodani, wasunda ulubatisho lwa kwelelwa amaifyo. 4Ndi fino chaandikwe un-chitabu icha maswi yi lau Isaya:
“Iswi lya ntu lilulaisha un-nyika:
Teyanyini insila ya Mwene.
Ololini muno alupita.
5Vifolomo fyonsi filushula.
Ni myamba yoshi ni milundu
vilulinganila.
Na pa nyonganu palololoka.
Ni vilina vilutwilwa.
6Na antu yoshi yalulola ufyushi wi Leesa.”
7Wanenile amaumba yaantu yano yailu batishiwa nawe, waati: “Mwe yana ya nsoka, uwini wino wamusokesha, ukuti mwituke ukali uno ulwisa? 8Ali sêkini ifisêke fino fiine nu ku fipela. Mutachi vwanga um-myenso yino, fino tuli na tata, nawe i Ablaamu; kuno ndumunena, Leesa angakatusisha Ablahamu ana kufuma um-mafinga ya. 9Na li kwene impasa itikwikwa apa mashinda ya fiti; ichino ichiti choshi chino chitalusêka ifisêke ifisipe, chilukomwa nu kusumbilwa um-moto.”
10Amaumba yanntondosha, yaati: “Nga tuchite uli, fwandi?” 11Wayanena, waati: “Uwa nkanjo shiili ape wino ashi ni nkanjo, nu wa fyulya, achite fiyo kwene.” 12Yakalifya yikodi nayo kwene yiza uku lubatizyo, yanntondosha, yaati: “Kasambilisha, tuchite uli neswe?” 13Wayanena, waati: “Mutachilifya chimwi ukuluta fino munenilwe.” 14Asalifi nayo kwene yanntondosha, yaati: “Nga neswe, tuchite uli?” Wayanena, waati: “Mutachifyengelesha untu, nanti ukutumpwila uku ufi, kaili musumile ichiombelo chino.”
15Nga pano antu yalolelanga chino channoleka, yoshi yelengulaa um-myenso yao pali Yoane, ndi ali Klisto. 16Yoane wafwangile, ayanena yoshi, wati: “Umwenemo, nemwi ndubatisha uku mansi, leelo alwisa wino ali na maka ukunduta nene, wino ntalingine ukumtolompwela imikowa ya nfwato shaakwe. Wene alumubatisha uku Mweso Nswefu nu moto. 17Wino ulupe luli umwikasa lyaakwe, aluswefya nkani ulwano lwakwe, alukonganika ingano unntanta yaakwe, leelo chileshe alumocha nu moto untashima.
18Nu ku masunde manina tupu wasundile antu Iswi-sipe. 19Leelo umwene Yelodi pano wachenselwa nawe kuli Yelodia, nka nnina wakwe, ni fiipe fyonsi fino Yelodi wachita, 20wungilisha liyo apa finina fyonsi, watwala Yoane uku nyololo.
Yesu wabatishiwa
(Mt 3:13-17; Mk 1:9-11)
21Walangi pano antu yoshi yabatishiwa, na Yesu kwene wabatishiwa, angi alupepa, iyulu lyayulika, 22nu Mweso Nswefu umwikila un-chata cha nkunda, niswi lyafuma umwiyulu, lyaati: “Wewe Mwanane nkundikwa, nduchimba newe.”
Mpanda wi Yesu
(Mt 1:1-17)
23Pano Yesu watangwile ukusambilisha, wali ni myaka amakumi yatatu, angi yaluti umwana wi Yosefu, umwana wi Eli, 24mwana wi Matati, mwana wi Levi, mwana wi Melki, mwana wi Yanai, mwana wi Yosefu, 25mwana wi Matatia, mwana wi Amosi, mwana wi Naumu, mwana wi Esli, mwana wi Nagai, 26mwana wi Maati, mwana wi Matatia, mwana wi Semei, mwana wi Yoseki, mwana wi Yoda, 27mwana wi Yoanani, mwana wi Leesa, mwana wi Zelubabeli, mwana wi Sealtieli, 28mwana wi Neli, mwana wi Melki, mwana wi Adi, mwana wi Kosamu, mwana wi Elmadamu, 29mwana wi Eri, mwana wi Yoswa, mwana wi Eliezeli, mwana wi Yolimu, mwana wi Matati, mwana wi Levi, 30mwana wi Simeoni, mwana wi Yuda, mwana wi Yosefu, mwana wi Yonani, mwana wi Eliakimu, 31mwana wi Melea, mwana wi Mena, mwana wi Matata, mwana wi Natani, mwana wi Daudi, 32mwana wi Yese, mwana wi Obedi, mwana wi Boazi, mwana wi Salmoni, mwana wi Nasyoni, 33mwana wi Aminadabu, mwana wi Adimini, mwana wi Alini, mwana wi Esloni, mwana wi Pelesi, mwana wi Yuda, 34mwana wi Yakobo, mwana wi Isaka, mwana wi Ablahamu, mwana wi Tela, mwana wi Naholi, 35mwana wi Seluki, mwana wi Legu, mwana wi Pelegi, mwana wi Ebeli, mwana wi Sala, 36mwana wi Kainani, mwana wi Alfasadi, mwana wi Syemu, mwana wi Noa, mwana wi Lameki, 37Mwana wi Matusalemu, mwana wi Enoki, mwana wi Yeledi, mwana wi Malaleli, mwana wi Kenani, 38mwana wi Enosi, mwana wi Seti, mwana wi Adamu, mwana wi Leesa.
Nke Ahọpụtara Ugbu A:
Luka 3: FNT1988
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
New Testament in Fipa © United Bible Societies, 1988. Bible Society of Tanzania.