Israelfɔ Ɩlʋ 16
16
Nana Bulu Gyi Mɩ Ogyikpa
Dawid ɩlʋ.
1Oo Nana Bulu, hɔ mɩ;
tsufɛ fʋ nasrɩ tanʋ.
2Nabla Nana Bulu mbɛɛ, “Fʋgyi mɩ Wie.
Mma itoyile kʋkʋʋkʋ dʋn fʋ.”
3Bulu aha ánɩ́ bʋbʋ ɔsʋlʋsʋ gyi anumnyampʋá
mɩ ansɩ tɛhɩɛ gyi amʋ́ ɩwɩ.
4Aha ánɩ́ bʋbuo ɩkpɩ
bʋtekle asʋn tsɔtsɔɔtsɔ ha amʋ́ ɩwɩ.
Mmɔ́ɔwa ɩbɩ amʋ́ afɔdɩɛ obugyatɔ.
Mmɔ́ɔpʋ amʋ́ ɩkpɩ ada dɩnka mɩ ɔnɔsʋ.
5Nana Bulu, fʋgyi mɩ ogyikpa
pʋ́ togyitɔá ɩbɔ́fʋn mɩ.
Fʋtogyo mɩ ɔsʋlʋ ha mɩ.
6Ɔsʋlʋ amʋʋ bɔbɔɩ ha mɩ amʋ legyi mɩ ansɩ.
Lɛlɛ, mbʋ ogyikpa wanklaan!
7Nɛ́kanfʋ Nana Bulu, mʋtosuna mɩ asʋn.
Mɩ ɩklʋn ɛ tɔtɔɩ kpla mɩ onye.
8Mɩ ansɩ dɩn Nana Bulusʋ bregyibrɛ.
Ɔlɩɩ mɩ gyɔpɩsʋ. Mʋ́ sʋ tɔtɔ ɩmɛ́ɛlɛ mɩ da.
9Mʋ́ sʋ ansɩ tegyi mɩ,
mɩ ɔkla ɛ dɛ ansigyi nya.
Tɔtɔ mɛdɛ mɩ han,
10tsufɛ fʋméesi mɩ wa afulitɔ.
Mmɔkʋkpa fʋ ɔma.
Mʋ́ sʋ fʋmɛ́ɛha mmɔ́ɔplɔ.
11Fósuna mɩ nkpa ɔkpa.
Fʋ wa ansigyiá ɩlɔfʋn bʋ.
Fʋ gyɔpɩsʋ ansigyiá ɩma ɔka bʋ.
Nke Ahọpụtara Ugbu A:
Israelfɔ Ɩlʋ 16: nko
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation