OKUBANZA 7
7
1Mukama yagambira Nuha ati Taha iwe nenju yaweyona omu bwato; baitu nkuboine ohikirire omu maiso gange omubusinge bunu. 2Ha bisoro byona ebisemire olitwara musanju musanju, empaya nebuguma kandi ha bisoro ebitasemire bibiri byonka empaya nebuguma yayo; 3kandi na ha bihu'ruka omu mwanya musanju musanju empangi nebuguma; okulikinda ebyana bibe byomezi ha nsi yona. 4Baitu hasiogaireho ebiro musanju nyowe ndinaga enjura hansi ebiro amakumi ana anyamusana nekiro; ebintu byona ebyomire ebina kozire ndibiragaza ha maiso gitaka. 5Nuha yakora byona nka Mukama okuyamuragire.
6Kandi Nuha akaba ahikize emyaka rukaga okusandara kwa maizi obukwabaire ha nsi 7Nuha yataha, nabanabe, na mukaziwe, nabakazi babanabe hamu nauwe omu bwato, okwamaizi agasandaire. 8Ha bisoro ebisemire, na ha bisoro ebitasemire,na ha bihu’ruka na ha byona ebyeku’ra hansi, 9hakataha bibiri bibiri hali Nuha omu bwato empaya nebuguma nka Ruhanga okuyaragire Nuha. 10Kandi kyahika ebiro musanju ebi obubyahinguireho, amaizi agokusandara gabaho ha nsi. 11Omu mwaka ogworukaga ogwobwomezi bwa Nuha, omu kwezi kwakabiri, ha kiro ekiikumi nomusanju ekyokwezi, ha kiro eki ensoro zona ezomu nziha enkoto zikadubuka, ebihengezi ebyomuiguru bikaigurwa. 12Enjura ekagwa ebiro amakumi ana nyamusana nekiro ha nsi. 13Ha kiro eki hakataha Nuha na Semu na Hamu na Yafesi abana ba Nuha, na mukazi wa Nuha, nabakazi abasatu ababanabe hamu nabo, omu bwato; 14oba nebisoro byona omu mulingo gwabyo, nente zona omu mulingo gwazo, na byona ebyekurahansi omu mulingo gwabyo nebihu'ruka byona omu mulingo, nenyonyi zona eza papa gona. 15Kandi bikatahahali Nuha omu bwato, bibiri bibiri ha byona ebyiyina omubiri ebirumu orwoya orwobwomezi. 16Ebyatahire bikatahayina empaya nebuguma, byona ebiyina omubiri nka Ruhanga okuyamuragirire: MUKAMA yamukingiramu. 17Okusandara kwaikara hansi ebiro amakumi ana; amaizi gakanya, gahimba obwato bwaserera eruguru yensi. 18Kandi amaizi gakalema nigakanya muno ha nsi; obwato bwaserera ha ruguru yamaizi. 19Amaizi gakasagana muno hansi; nensozi zona eziraihire ezikaba ziri hansi yiguru lyona zikasweke'rwa. 20Amaizi gakasagana emikono ikumi netano okugenda haiguru; nensozi zona zikaweke’rwa. 21Kandi byona ebinyina omubiri, ebyegyenderaga ha nsi bikafa, ebihu’ruka kandi nente, nebisoro na byona ebyeku’ra ha nsi, kandi nabantu bona: 22byona ebikaba binyina orwoya rwomwoyo gwobwomezi omu nyindo zabyo ha byona ebikaba biri ha bwe’re bikafa. 23Kandi ebintu byona ebyomire ebikaba biri eruguru yitaka bikaragazibwa, abantu nente, nebyeku’ra byona nebihu’ruka haiguru bikaragazibwa okuruga ha nsi: Nuha akasigaraho wenka, nabo abakaba bali hamu nauwe omu bwato. 24Kandi amaizi gakasagana ha nsi ebiro kikumi mwatano.
Nke Ahọpụtara Ugbu A:
OKUBANZA 7: BRR64
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible in Runyoro-Rutooro 1964 Version © Bible Society of Uganda, 1964.