OKUBANZA 5
5
1Kinu nikyo kitabu kyokuzarwa kwa Adamu. Ekiro Ruhanga ekiyahangiremu omuntu, omu kusisina kwa Ruhanga numwo yamukolire; omusaija 2na mukazi nukwo yabahangire; yabaha omugisa, yabaruka ibara lyabu Adamu, ha kiro ekibahangirwemu. 3Kandi Adamu akahikya emyaka kikumi mwasatu, yazara omu kusisanakwe wenka wenka, omu mulingogwe; yamuruka ibaralye Sesi: 4kandi ebiro bya Adamu obyamazirea omuzaara Sesi myaka runana yazara abana abojoa nabaisiki. 5Nebiro byona bya Adamu ebiyahikize byaba emyaka rwenda mwasatu yafa.
6Kandi Sesi akahikya emyaka kikumi mwetano, yazara Enosi: 7Sesi yayomera obuyamzzire okuzara enosi emyaka runana mu musanju, yazara abana abojo nabaisiki. Nebiro byona bya Sesi 8byaba emyaka rwenda muikumi nebiri: yafa
9Kandi Enosi akahikya emyaka 10kyenda, yazara Kenani. Enosi yayomera obuyamazire okuzara Kenani emyaka runana muikumi netano, yazara abana abojo 11nabaisiki: nebiro byona bya Enosi byaba emyaka rwenda mwetano yafa.
12Kandi Kenani akahikya emyaka ensanju, yazara Maharaleri: 13Kenani yayomera obuyamazire okuzara Maharaleri emyaka runana mwana, yazara 14abana abojo nabaisiki: nebiro byona bya Kenani byaba emyaka rwenda muikumi yafa:
15Kandi Maharaleri akahikya emyaka enkaga mwetano, yazara Yaledi: 16Maharaleri yayomera obuyamazire okuzara Yaledi emyaka runana mwasatu, yazara abana abojo nabaisiki: 17nebiro byona bya Maharaleri byaba emyaka runana mu kyenda mwetano: yafa.
18Kandi Yaledi akahikya emyaka kikumi mu nkaga mwebiri, yazara Enoka: 19Yaledi yayomera obuyamazire okuzara Enoka emyaka runana, yazara 20abana abojo nabaisiki: ebiro byona bya Yaledi byaba emyaka rwenda mu nkaga mwebiri: yafa.
21Kandi Enoka akahikya emyaka enkaga mwetano, yazara Metusera: 22Enoka yagendaraga hamu na Ruhanga obuyamazire okuzara Metusera emyaka rukumi bikumibisatu, yazara abana 23babojo nabaisiki nebiro byona bya Enoka byaba emyaka bikumi bisatu, mu nkaga mwetano: 24Enoka yagenderaga hamu na Ruhanga: kandi tiyabaho; baitu Ruhanga akamutwara.
25Kandi Metusera akahikya emyaka kikumi mu kinana mu musanju, yazara Lameki: 26Mutusera yayomera obuyamazire okuzara Lameki emyaka rusanju mu kinana mwebiri; yazara 27abana abojo nabaisiki: nebiro byona bya Mutesera byaba emuka rwenda mu nkaga mu mwenda yafa.
28Kandi Lameki akahikya emyaka kikumi mu kinana mwebiri. Yazara omwana omwojo: 29yamuruka ibaralye Nuha nagamba ati onu nuwe arituhumuza omumurimo gwaitu nomukutaribana kwe mikono yaitu, habweitaka MUKAMA eriyakyenere. 30Lameki yayomera obuyamazire kuzara Nuha emyaka rukumi bitano mu kyenda mwetano, yazara abana 31abojo na baisiki: nebiro byona ebya Lameki byaba emyaka rusanju musanju mu musanju yafa.
32Kandi Nuha akaba amazire emyaka bikumi bitan: Nuha yazara Semu, Hamu na Yafesi.
Nke Ahọpụtara Ugbu A:
OKUBANZA 5: BRR64
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible in Runyoro-Rutooro 1964 Version © Bible Society of Uganda, 1964.