Genesis 10
10
Hilay lalahi nan Noe
1Hilayati ye lalahi nan Shem, Ham, boy Jafet a tatlon aanak nan Noe. Ket nagkaanak hila ha pangayadi nin tanep.
2Hilay lalakin aanak nan Jafet ket hilan Gomer, Magog, Madai, Javan, Tubal, Meshec boy Tiras.
3Hilay lalakin aanak nan Gomer ket hilan Ashkenaz, Rifat boy Togarma.
4Hilay lalakin aanak nan Javan met ket hilan Elisha, Tarshish, Kitim boy Dodanim. 5Hilayati ye lalahi nan Jafet. Hilabay ye nangibatan lan tataon angkumonin ha ambay dagat boy ha aalipoteh. Balang magha kanla ket nagkamain nin hadilin lugal boy habi.
Hilay lalahi nan Ham
6Hilay lalakin aanak nan Ham ket hilan Cush, Egipto, Put, boy Canaan.
7Ket hilay lalaki met a aanak nan Cush ket hilan Sheba, Havilah, Sabta, Raama boy Sabteca.
Hilay aanak nan Raama ket hilan Sheba boy Dedan.
8Hiyay Cush ket main ya po anak a laki, hiyay Nimrod. Hiyay Nimrod ye kaunaunaan a magaling a makilaban boy ambigbigen a tao. 9Tanda nan Apo Dioh a magaling ya ha pamanti. Kaya-bay main kahabiyan, a wanae, “Magaling ya ha pamanti a omen kanan Nimrod.” 10Hilay unan panakopan a pinamaalaan nan Nimrod ket Babilonia, Erec, Akad boy Calne. Kaganaan hilayain ket hakop nin Shinar. 11Paibat ihtew, nakew ya ha Asiria, ket impaideng nay babanwa a Nineve, Rehobot Ir, Cala, 12boy Resen a anti ha pietan nin Nineve boy Cala, magha yan angkabalitaan a banwa.
13Hiyay Egipto ye bapa lan Ludeo, Anameo, Lehabeo boy Naftu, 14hilay Patruseo, Caslu, boy Caftoreo a pinangibatan lan Filisteo.
15Hiyay Canaan ye bapa nan Sidon boy Het. Hiyay Sidon ye punganay. 16Hiyay Canaan met ye nangibatan lan Jebuseo, Amoreo, Gergaseo, 17Hiveo, Arkeo, Sineo, 18Arvadeo, Zemareo, boy Hamateo.
Ha kabuyotan, nangaitayak hilaynay lalahi nan Canaan. 19Hiyay anggaan nin lugal la ket paibat ha Sidon paabagatan ha Gerar anggan Gaza. Ha dapit daya ket inumabot ya ha Sodoma, Gomora, Adma boy Zeboyim anggan Lasha.
20Hilabaytew ye lalahi nan Ham a angkumonin ha nakahinadi a lulugal a hakop nin nahyon la boy main hilan hadihadilin habi.
Hilay lalahi nan Shem
21Hiyay Shem a ali nan Jafet ye pinangibatan nin lalahi nan Eber.
22Hilay lalakin aanak nan Shem ket hilan Elam, Ashur, Arfaxad, Lud, boy Aram.
23Ket hilay aanak na met nin Aram ket hilan Uz, Hul, Geter, boy Meshec.
24Hiyay Arfaxad ye bapa nan Shela a bapa nan Eber.
25Luwa ye aanak nan Eber.
Hiyay magha ket napangalanan yan Peleg, ulita ha kapanaonan na nayngingihyay ye tatao ha babe-luta. Hiyay ikalwa ket Joktan.
26Hiyay Joktan ye bapa lan Almodad, Shelef, Hazarmavet, Jera, 27Hadoram, Uzal, Dikla, 28Obal, Abimael, Sheba, 29Ofir, Havila boy Jobab. Hilabay ye lalakin aanak nan Joktan.
30Hiyay lugal a angkunaan la ket paibat ha Mesha angga ha Sefar a anti ha mamapantay ha dapit daya.
31Hilayati ye lalakin aanak nan Shem boy lalahi la, hahabi boy lulugal a hakop nin nahyon la.
32Hilayain ye lalahi nin aanak nan Noe a angkumonin ha hadihadili lan nanahyon. Hilabay ye pinangibatan nin kaganaan a nanahyon ha babe-luta, pangayadi nin tanep.
Nke Ahọpụtara Ugbu A:
Genesis 10: AABPV+
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2020, Wycliffe Bible Translators, Inc. All rights reserved.