ENtandiika Enyanjula
Enyanjula
Ekitabo kinu ekyʼeNtandiika kitumula oku ntandiika yʼebintu byonabyona. Kitumula oku ngeri oKibbumba egiyabbumbiremu ekyalo kyonakyona nʼebintu byonabyona ebikirimu, okukira eino omuntu oguyateekeremu okukivunaanyizibwaku. Ekitabo kinu era kitumula oku ngeri ekibbikibbi, nʼokugada, nʼokufa, egibyatandiikiremu. Awo kiiryaku okulaga entumu egyʼenjawulo, nʼamawanga agʼenjawulo egibyatandiikiremu, nʼengeri oKibbumba egiyalonderemu omusaiza omoiza oIbbulaimu, nʼeibyairerye abo aBayudaaya, okubba abantube abʼenjawulo abeyabbaire ali nʼokubeemanyikisya era ababbaire nʼokulaga abandi amaani nʼamazima ga Kibbumba.
Ensuula (12–50 ) gitumula ku byafaayo bya Ibbulaimu nʼebya mutaane oIsaka, nʼebya mwizukuluwe oYaakobbo nʼebyʼabataane ba Yaakobbo eikumi na babiri, okukira eino oYusufu. Ekitabo kinu kiraga engeri oKibbumba egiyalabiriiremu abantube abalondemu, waire babbaire akabinja katono nga bantu abasenga abakibbumba abandi ababeeluguuliriirye. Era kiraga engeri oKibbumba egyasuubiriramu abantube okumugondera, nʼokwebitya omu ngeri ereetera oKibbumba ekitiisya.
Nke Ahọpụtara Ugbu A:
ENtandiika Enyanjula: GWR
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017, Wycliffe BibLe Translators, Inc., All rights reserved.